Hermann Franzius

Hermann Nicolaus Franzius (* 24. September 1831 in Jemgum; † September 1911 in Waldhusen) weer en düütschen Verwaltungsbeamten.

Franzius is 1831 in Jemgum boren un weer von’n 29. April 1848 bet to’n 3. April 1851 op de Klosterschool Ilfeld. He hett an de Universitäten Göttingen un Heidelberg Juristeree studeert. 1852 is he Maat von dat Corps Saxonia Göttingen worrn un in dat sülve Johr ok noch von dat Corps Saxo-Borussia Heidelberg. Na dat Referendariat weer he Assesser bi verscheden Ämter un Gerichten, ünner annern as Regerungsassesser in Hameln.

Franzius is 1871 as Nafolger von Ernst Roscher kommissarsch Amtshauptmann in dat Amt Oosten worrn un dor bet 1879 bleven.

1880 is he Amtshauptmann von dat Amt Oosterholt un Kreishauptmann von’n Stüürkreis Oosterholt worrn. 1885 weer Franzius för korte Tied ok Verwalter von dat Amt Hagen. Nadem an’n 1. April 1885 de Kreis Oosterholt nee billt worrn is, is Franzius de eerste Landraad von dissen Kreis worrn un 1891 Gehemen Regerungsraad. Dat weer he bet to sien Rohstand 1902. Aflööst hett em Ferdinand Becker. In’n Rohstand hett he in Waldhusen (vondaag Deel von Döhren-Wülfel) leevt.

Bi de Wahl 1879 to dat Prüüßsche Aforntenhuus weer Franzius Kannedaat för de Düütschkunservative Partei in’n Wahlkreis Hannover 32. He hett 17,0 % von de Stimmen kregen un kunn sik nich dörsetten.