Joseph Groussard
Joseph Groussard (* 2. März 1934 in La Chapelle-Janson) is en ehmalger franzöösch Radrennfohrer.
Loopbahn
[ännern | Bornkood ännern]Joseph Groussard weer Profi-Radrennfohrer van 1954 bit 1968. He is faken bi lüttgere Rennen un Kriterien antreeden, bi de he denn ok faken vördere Plätze beleggen kunn. 1957 un 1960 wunn he dat Rennen Paris–Camembert, 1961 den Grand Prix Midi Libre un 1962 de Veer Daag vun Düünkarken. Todem wunn he dreemal – 1958, 1961 un 1962 – bi de Boucles de la Seine, 1962 bi dat Critérium International un 1958 bi Genua-Nizza. 1963 wunn he den Klassiker Mailand–Sanremo in’n Teelsprint vör den Düütschen Rolf Wolfshohl.
Negenmal is Groussard bi de Tour de France antreeden. 1959 wunn he de letzte Deelstreck un 1960 hett he up een Deelstreck dat geel Trikot dragen. 1965 weer he as Letzt in’t Klassement Dräger vun de „Root Lateern“.
Joseph Groussard is de öllere Bröer vun Georges Groussard, sien Schweegersöhn is Philippe Dalibard un sien Enkel Antoine Dalibard, allesamt Radrennfohrer.