Ninken
Ninken (japaansch: 仁賢天皇, Ninken-tennō; * 449; † 8. August 498) weer luut de Geschichtsböker Nihonshoki un Kojiki de 24. Tennō vun Japan (488–498), de vermootlich in dat laat 5. Johrhunnert herrschen dee. Nah disse twee Böker weer sien Eegennaam Oke, un he weer en Söhn vun Prinz Ichinobe no Oshiwas, de sien Vader Kaiser Richū weer.
Sien Vader wurr vun Kaiser Yūryaku wiels de Herrschap vun Kaiser Ankō umbrocht. Ninken is mit sien Bröer Woke vun Harima (hüüd Akashi in de Präfektur Hyōgo) eerst nah Tanba (Taniwa), denn nah Akashi flücht. Dor hemm se ünner en falschen Naam leevt. Frömden hemm se vertellt, dat se „Kinner ut Taniwa“ weern. As nah den Dood vun Yūryaku de sien dart Söhn, Kaiser Seinei, an de Macht keem, hemm de Bröers hör Versteckspeel upgeven un seggt, well se weern. Wiel Kaiser Seinei kien Kinnner harr, hett he de bei das sien Prinzen annommen un hett Oke to sien Kroonprinz maakt. Oke hett aber vun sien Vörrecht affsehn, wiel dat Woke sien Idee ween weer, hör wohre Identität to vertellen, wat letztlich to de Adoptschoon dör Kaiser Seinei führen dee. Somit hett Woke den Thron vör hüm besteegen.
Ninken harr en Söhn, sien Nahfolger Buretsu. En vun sien Döchter, Prinzessin Tashiraka hett den Kaiser Keitai heiraadt un wurr Moder vun Kaiser Kimmei.