Phillip Allen Sharp
Phillip Allen Sharp (* 6. Juni 1944 in Falmouth/Pendleton, Kentucky) is en US-amerikaansch Chemiker, Molekularbioloog un Genetiker. Hüm wurr 1993 de Nobelpries för Physiologie oder Medizin tospraaken.
Leven un Wark
[ännern | Bornkood ännern]Sharp hett an dat Union College in Barbourville in Kentucky Mathematik und Chemie studeert un kreeg 1969 sien Doktertitel in Chemie an de University of Illinois at Urbana-Champaign. As Post-Doc weer he an dat Caltech un in dat Cold Spring Harbor Laboratory bei James Dewey Watson. 1974 hett Salvador Luria hüm an dat Massachusetts Institute of Technology haalt, wo he Perfesser för Biologie wurr (siet 1999 Institute Professor). An dat MIT weer he van 1985 bis 1991 Direkter vun dat Zentrum för Krebsforschung, van 1991 bit 1999 Baas vun de Biologie-Fakultät un van 2000 bit 2004 Direkter vun dat McGovern Institute for Brain Research.
He is Mitbegrünner vun verscheeden Biotechnologie-Firmen (Biogen, Alnylam Pharmaceuticals un – dat in de Tüschentiet verköfft – Magen Biosciences[1]).
Ehrungen un Utteknungen
[ännern | Bornkood ännern]1980 kreeg he den National Academy of Sciences Award in Molecular Biology, 1986 den Alfred P. Sloan, Jr. Prize un en Gairdner Foundation International Award, 1988 den Albert Lasker Award for Basic Medical Research as ok den Louisa-Gross-Horwitz-Pries un 1993 tosommen mit Richard John Roberts den Nobelpries für Physiologie oder Medizin „för hör Identifizeeren vun den diskontinuierlichen Upbau vun eenig Arvanlagen vun Zellorganismen“.[2] Disse Mosaikgene enthollen so nöömt Intron-Afsnitte, de nich för Proteinafsnitte codeeren, sonnern bi dat Spleißen vun dat Primärtranskript wegnommen wurrn. Dat kann up verscheeden Wies passeeren, so dat identische DNA-Afsnitte verscheeden Proteine codeeren können.
1985 kreeg Sharp den Howard Taylor Ricketts Award. De American Philosophical Society, deren Liddmaat he siet 1991 is, hett Sharp 1999 mit hör Benjamin Franklin Medal uttekent. 1983 hemm hüm sowohl de American Academy of Arts and Sciences as ok de National Academy of Sciences as Liddmaat upnommen.
1993 kreeg Sharp den Nobelpries för Physiologie oder Medizin.[3] 2002 wurr he mit den Biotechnology Heritage Award uttekent, 2020 mit den AACR Award for Lifetime Achievement in Cancer Research.
Literatur
[ännern | Bornkood ännern]- Gisela Baumgart: Sharp, Phillip Allen. In: Werner E. Gerabek u. a. (Hrsg.): Enzyklopädie Medizingeschichte. De Gruyter, Berlin/ New York 2005, ISBN 3-11-015714-4, S. 1325 f.
Weblinks
[ännern | Bornkood ännern]
Phillip Allen Sharp. Mehr Biller, Videos oder Audiodateien to’t Thema gifft dat bi Wikimedia Commons.
Enkeld Nahwiesen
[ännern | Bornkood ännern]- ↑ Magen BioSciences Sold for $14.5M
- ↑ Sharp up de Sieden vun den Nobelpries}}
- ↑ Phillip A. Sharp - Facts auf www.nobelprize.org, afropen an’n 6. Februar 2017