Witte (Minschengrupp)

As Witte warrt Minschen betekent, de en helle Huudfarv hebbt. Dat betekent dormit en Raaß na de Raßentheorien, de sik siet dat 17. Johrhunnert in Europa rutbillt hebbt. Europa is ok de Eerddeel, ut den de Minschengruppen, de as Witte betekent warrt, herstammt. Dör’n Kolonialismus hebbt sik Witte aver ok in annere Eerddelen breedmaakt.

De Begreep hett mit Wetenschop nix to doon un hett ok keen klore Definitschoon. Dat is blots en Begreep, mit den sik Minschengruppen ünnerenanner afgrenzt. Dorüm hängt he jümmer eng mit Rassismus tohoop. Dat liggt vör allen ok dor an, dat de Begreep von Anfang an dorto rantagen worrn is, to seggen, dat de „Witten“ Minschen von högeren Rang sünd un dat Minschen, de keen Witte sünd, as Slaven nahmen warrn dröfft.

Liekers warrt de Begreep to’n Bispeel bi’n Zensus von verscheden Länner jümmer noch hernahmen, üm to tellen, woveel Minschen to wat för Raßen höört.

Literatur

• Wulf D. Hund: Wie die Deutschen weiss wurden: kleine(Heimat)Geschichte des Rassismus. J.B. Metzler, Stuttgart 2017, ISBN 978-3-476-04499-0.
• Susan Arndt,Die 101 wichtigsten Fragen – Rassismus, 2012
• Ashley Jardina: White Identity Politics. Cambridge University, Cambridge 2019, ISBN 978-1-1084-6860-2.