Dmitrov
| Dmitrov Дмитров | |||||
|---|---|---|---|---|---|
 | |||||
| |||||
| Plassering | |||||
  | |||||
 | |||||
| Styresmakter | |||||
| Land |  Russland
| ||||
| Føderasjonssubjekt | Moskva oblast | ||||
| Grunnlagd Bystatus |
1154 1781 | ||||
| Geografi | |||||
| Flatevidd - By |
26 km² | ||||
| Innbyggjarar - Totalt (2008) - folketettleik |
62 329 2 397,3 /km² | ||||
| Koordinatar | 56°21′00″N 37°32′00″E / 56.35000°N 37.53333°E | ||||
| Høgd over havet | 160 moh. | ||||
| Tidssone - Ved sommartid |
MSK (UTC+3) MSD (UTC+4) | ||||
| Diverse annan informasjon | |||||
| Postnummer | 141801, 141802 | ||||
| Retningsnummer (tlf) | (+7)49622 | ||||
| Nettstad: www.dmitrov-reg.ru | |||||
Dmitrov (russisk Дмитров) er ein by i Moskva oblast i Russland med om lag 60 000 innbyggjarar. Han ligg ved elva Jakhroma, om lag 65 km nord for Moskva.
Historie
[endre | endre wikiteksten]
Dmitrov vart grunnlagt i 1154 av fyrst Jurij Dolgorukij, langt inne i skogane nord for Moskva, på staden der son hans Vsevolod vart fødd. Bynamnet kjem frå Vsevolod sin vernehelgen, Demetrius av Thessaloniki.
På 1200-talet markerte byen staden der grensene til fyrstedøma Moskva, Tver og Pereslavl-Zalesskij møter kvarandre. Dmitrov sjølv høyrte til fyrstane av Galitsj-Merskij, som låg mykje lengre nord. I 1364 vart byen innlemma i Storfyrstedømet Moskva. Både Dmitrij Donskoj og sonesonen hans Vasilij II tildelte Dmitrov som ein apanasje til sine yngre søner, slik at byen tidvis var eit sjølvstendig lite fyrstedøme under desse storfyrste-sønene.
Under Ivan III sin son Jurij Ivanovitsj (1503–1533) starta «gullalderen» til Dmitrov. Det var under hans styre at den svartkupla Maria Himmelfart-katedralen i kreml og den mindre klosterkatedralen Boris og Gleb vart bygt. Byen hamna så under bror til Jurij, Andrej av Staritsa. I 1569 vart han fråteken Vladimir av Staritsa og lagt under opritsjnina og gjekk etter dette inn i ein periode med tilbakegang. Byen vart ytterlegare råka under problemtida, då han vart plyndra av polakkane.
Dmitrov fekk byrettar i 1781 og byen har frå slutten av 1700-talet vore ein industriby. Napoleon sine tropper var ei kort stund i byen i 1812, men trekte seg ut då russiske styrkar var på veg. Etter bygginga av jernbanen frå Moskva til Kimry på byrjinga av 1900-talet vart byen langt viktigare. 29. november 1941 vart tyske styrkar stogga sør for byen og dei klarte aldri å erobra han. Anarkistfyrsten Peter Kropotkin var sine siste år i byen.
I 2005 vann Dmitrov førsteplassen i klassen for byar under 100 000 innbyggjarar i ein landsomfattande konkurranse for å kåre den mest veldrivne byen i Russland.
Attraksjonar
[endre | endre wikiteksten]Dmitrov har sin eigen Kreml, som på 1930-talet vart grave ut av sovjetiske arkeologar. I kreml ligg mellom anna Maria himmelfart-katedralen (bygt 1509 - 33). I Dmitrov finst òg tre kloster; Boris og Gleb-klosteret (kjent frå 1472), St. Nikolai-klosteret og Jomfrufødsel-klosteret. Alle tre vart bygt på 1500-talet
Om vinteren vert det store utforma store isskulpturar i sentrum.
Transport
[endre | endre wikiteksten]Dmitrov ligg ved Moskva-kanalen og har jernbanesamband sørover til Moskva, austover til Sergijev Posad og nordover til fleire andre byar, som Dubna, Kimry og Uglitsj.
Høgare utdanning
[endre | endre wikiteksten]- Fakultet av Moskva statlege tekniske universitet, MAMI
- Dmitrov-filialen av Det statlege tekniske universitetet Astrakhan
Kjente personar frå Dmitrov
[endre | endre wikiteksten]- Pjotr Kropotkin (1842–1921), anarkist
- Vladimir Besobrasov (1828–1889), nasjonaløkonom, døydde i Dmitrov
Bakgrunnsstoff
[endre | endre wikiteksten]- Nettstad om Dmitrov (russisk)
- Dmitrov på MojGorod.ru (russisk)
Kjelder
[endre | endre wikiteksten]- Denne artikkelen bygger på «Dmitrov» frå Wikipedia på bokmål, den 17. januar 2009.
