Kockums

Kockums
Org.form	Aktiebolag
Org.nr.	556205-5623
Bransje	Skipsbygging
Skipa	1840
Hovudkontor	Malmö
Land	Sverige
Nettstad	https://www.saab.com/ (engelsk)

Kockums eller Saab Kockums Aktiebolag er eit svensk skipsverft som har tilhøyrt Saab sidan 2014. Kockums lagar militære fartøy som ubåtar, overflatefartøy og marinsystem. Det har hovudkontor i Malmö og verksemd på Muskö örlogsbas, Dockstavarvet og ved Karlskronavarvet.

Historie

Sjøsetting ved Kockums Mekaniska Verkstad av den norska tankaren «Vestalis» i 1962.

Utsyn over verftsområdet i Malmö med portalkranen (Kockumskranen) over dokken. Foto frå mitden av 1970-talet.

Verftet sprang ut frå Kockums Mekaniska Werkstad, skipa i 1840. Frans Henrik Kockum starta verksemda som hovudsakleg dreiv med produksjon for hushald og landbruk. I 1850 starta dei produksjon av jarnbanevogner og i 1870 eit skipsverft på hamna i Malmö. Familien stod også bak Skånska Cement AB og Kockums Jernverks AB, begge stifta på 1870-talet. I 1913 blei all verksemda i Malmö flytta til verftsområdet på hamna og det gamle verkstadområdet blei til bydelen Davidshall.

Verftet voks kraftig, og i 1952 og 1953 leverte Kockums mest tonnasje av alle verfta i verda. På grunn av økonomiske problem på 1970-talet blei verftet overteke av det statseigde Svenska Varv AB, og den sivile produksjonen blei lagd ned i 1978. I 1989 gjekk Kockums saman med Karlskronavarvet, før dei i 1989 gjekk inn i det tyske Howaldtswerke Deutsche Werft AG.

I 2004 omsette verftet for om lag 1,2 milliardar svenske kroner, og hadde i 2003 1200 tilsette. Frå 2005 var Kockums organisert i ThyssenKrupp Marine Systems.

I juli 2014 blei Kockums kjøpt opp av Saab.

På 1970-talet produserte Kockums òg anleggsmaskinar og skogsmaskinar.

Kjelder

• Denne artikkelen bygger på «Kockums» frå Wikipedia på svensk, den 25. januar 2008 kl. 09:45‎.

Bakgrunnsstoff

Wikimedia Commons har multimedia som gjeld: Kockums

• Kockums AB
• Howaldtswerke Deutsche Werft Arkivert 2009-06-11 ved Wayback Machine.