Mai

Sjå òg namnet Mai

Mai er den femte månaden i året i både den julianske og gregorianske kalenderen, og har i båe kalenderane 31 dagar. I den førjulianske romerske kalenderen var månaden Maius den tredje månaden i året.

Namnet kjem truleg frå den greske gudinna Maia, som seinare blei identifisert som den romerske grødegudinna Bona Dea eller Maia Maiestas. Høgtida for den romerske gudinna blei halden i mai.

I Finland heiter månaden toukokuu, ‘såmånaden’. I Slovenia heiter han veliki traven, ‘månaden med høgt gras’.

Viktige hendingar i mai

• 1. mai blir feira som arbeidardagen i fleire land
• 17. mai er norsk nasjonaldag
• Slutten på den andre verdskrigen blir feira den 8. mai i Vest-Europa og den 9. i Aust-Europa

Denne artikkelen er ei spire. Du kan hjelpe Nynorsk Wikipedia gjennom å utvide han.