Ofensiva Dnièpre-Carpats
L'ofensiva Dnièpre-Carpats foguèt una ofensiva ivernenca majora menada per l'armada sovietica entre lo 24 de decembre de 1943 e lo 14 d'abriu de 1944. Lo teatre d'operacions principau foguèt Ucraïna e l'ataca permetèt a l'Armada Roja de destrurre 18 divisions alemandas e romanesas e d'infligir de pèrdas importantas a 68 divisions suplementàrias. Entraïnèt la reconquista de la màger part dei territòris ucraïnés encara tenguts per l'Axe. Pasmens, en despiech d'aquela victòria, l'amplor dei pèrdas sovieticas (270 000 tuats ò dispareguts, 840 000 bleçats, 4 700 carris, 7 500 pèças d'artilhariá e 680 avions) èra fòrça superiora ai pèrdas de l'Axe (92 000 tuats ò dispareguts, 251 000 bleçats).