Telecomunicacion

Supkategoria di	remote communication
Geografia	geography of telecommunications
Historia	history of telecommunication

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Telecomunicacion (combinacion di griego τηλε o tele = leu y latin communicare = pa comunica) ta e transmision di informacion di un luga pa otro sin cu fisicamente nada of ningun hende a move pa eynan.

E revolucion den comunicacion 'wireless' a cuminsa den e prome decada di siglo 20, cu avancenan incluyendo esnan den radiocomunicacion door di Guglielmo Marconi, kende a gana e Premio Nobel di Fisica na 1909. Experimentonan pa comunica na un distancia tabata data for di basta tempo; entre otro cu uzo di tambor, candela, señalnan di huma, bandera, uzo di spiel pa refleha solo, faro, heliografia, telegrafia optico-mecanico desaroya pa Claude Chappe na Francia for di 1793, etc.

Formanan moderno di telecomunicacion, uzando transmisornan electronico, ta: telefon (mobil), radio, television y internet. Un forma mas bieu ta telegrafia. E transferencia di informacion ta tuma luga via señalnan electromagnetico, por ehempel den kabelnan (señalnan electronico), 'fiber optics' (lus) o cu e ondanan di radio (ether). Door di conecta ekipo periferico, 'multiplexer' y ekipo di switch (por ehèmpel un sentral di telefon of un router IP of un switch di ATM), ta crea rednan di telecomunicacion na cua por conecta cantidadnan grandi di usuario y logrando e calidad di servicio desea.

Empresa

Den e industria di telecomunicacion ta haci distincion entre empresanan cu ta explota rednan di telecomunicacion (carriers), esunnan cu ta duna servicio (service providers) y esunnan cu ta suministra solucionnan pa telecomunicacion (distributors).

E dies empresa mas grandi di telecomunicacion na mundo (segun benta na 2015) ta:^[1]