خبراں
خبر یا خبراں (انگریزی: News)، کوئی وی نویں معلومات یا حالیہ واقعات دی معلومات نیں جو عام طور تے خبررساں ادارے پیش کردے نیں ۔
خبر دیاں وکھو وکھ تعریفاں
[سودھو]خبر دی دنیا بہت وسیع اے ۔خبر دی تعریفات وچ وسعت اے ۔ بعض دفعا ایہ تعریفاں اک دوسرے دے متضاد نظر اوندیاں نیں پر دراصل ی خبر نوں دیکھݨ دا زاویا اے جِتھوں خبر مرتب کرن والا خبر نوں دیکھ رہیا ہُندا اے ۔ مثال کے طور تے خبر دیاں چند اک مشہور تعریفاں مندرجا ذیل نیں :
- امریکی صحافی اینڈرسن ڈانا دے مطابق ’جے کتا انسان نوں وڈھے تاں ایہ خبر نئیں پر جے انسان کتے نوں وڈھے تاں ایہ خبر اے‘.
- برطانوی پبلشر لارڈ نورتھ کلف دے مطابق ’خبر اوہ اطلاع اے جیہنوں کوئی اک شخص لکوݨا چوہندا اے جدکہ دوجے لوک اوہنوں مشتہر کرنا چوہندے نیں‘.
- امریکی صحافی کرٹ لوڈر دے مطابق ’خبر کوئی وی ایہجی چیز ہوسکدی اے جیہڑی دلچسپ ہووے ، جیہدا تعلق دنیا وچ ہوݨ والے واقعات نال ہووے‘.
- فرانسیسی صحافی ہاولے دے مطابق’ چنگی خبر کوئی خبر نئیں ہُندی‘.
- کینیڈیئن ماہر ابلاغیات دے مطابق ’ حقیقی خبر کوئی بدخبری ای ہُندی اے‘.
- امریکی پبلشر ایل گراہم دے مطابق’ خبر تریخ دا پہلا مسودا ہُندا اے‘
- ڈاکٹر مسکین علی حجازی نے اپݨی کتاب فنِ ادارت وچ خبر دی تعریف اِداں کردے نیں ۔’’ ہر اوہ واقعا خبر اے جیہڑا درست ہووے ۔ لوکاں لئی دلچسی دا باعث ہووے جیہدے متعلق لوک جانݨا تے اخبار لکھاری دسݨا چوہݨ ۔
- آکسفورڈ لغت (انگریزی) وچ خبر ’’ نویں اطلاع، تازا واقعات دی رپورٹ نوں کہیا جاندا اے ۔
- ایہناں ساریاں تعریفاں وچوں جامع تر تعریف ایہ ئا کہ : حالیا واقعات دے متعلق ایہجی قابل ذکر نویں موصول ہوئی اطلاع نوں خبر کہیا جاندا اے جیہڑی نشر و اشاعت نال وابستا کسے ادارے ولوں جاری کیتی گئی ہووے ۔