Jump to content

ارشميدس

تړنې سمول
د ويکيپېډيا، وړیا پوهنغونډ له خوا
ارشميدس
ارشميدس
ارشميدس
د شخص مالومات
زېږون نوم
پيدايښت
مړینه
عملي ژوند
کار/مسلک
کاروونکي ژبه زړه يوناني   ويکيډاټا کې (P1412) ځانګړنې بدلې کړئ
د کړنې څانګه مېچپوهنه ،  شمېرپوهنه ،  ميخانيک ،  انجينري ،  ستورپوهنه   ويکيډاټا کې (P101) ځانګړنې بدلې کړئ
سمول کينډۍ لاسوند وګورئ
د سيراکوز اوسېدونکی ارشميدس (۲۸۷ – ۲۱۲  ز)

د سيراکوز اوسېدونکی ارشميدس (۲۸۷ – ۲۱۲  ز) يو يونانی رياضي پوه، فزيک پوه، انجنير، ستوری پېژندونکی او مخترع و. که څه هم د هغه د ژوند په اړه ډېر لږمعلومات شته، مګرهغه په لرغونې زمانه کې له مخکښو ساينسپوهانو څخه شمېرل کيږي. د لرغونې تاريخ يو ستر رياضي پوه او په دې برخه کې تر اوسه تر ټولو غوره سړی دی. ارشميدس د تر ټولو کوچني تصور او د ستړتيا د طريقې په کارولو سره د نوې محاسبې او تجزيې وړاندوینه وکړه، تر څو يوه سلسله هندسي قاعدې راوباسي، په دې کې دا قاعدې شاملې دي: د دايرې مساحت، د يوې کرې مساحت او حجم، د بيضوي مساحت، د مخروطي مقطعې لاندې مساحت، د مخروطي بدلون د يوې برخې حجم، د بدلون د هايپربولايډ د يوې برخې حجم او د لولبي شکل مساحت. [۳][۴][۵][۶][۷][۸][۹]

د هغه په نورو رياضياتي لاسته راوړنو کې د پي د دقيق اټکل (approximation of pi) را ايستل شامل دي؛ د هغه لولبي شکل تعريف او څېړنه چې اوس د هغه په نوم پېژندل کېږي او د توانايۍ په کارولو سره د ډېرو لويو شمېرو د ښودلو په موخه د يو نظام جوړول. ارشميدس لومړی کس و چې په فزيکي ښکارندو يې رياضي عملي کړه، هايډروسټاټيکس (د ارام مايعاتو مطالعه) او سټاټيکس (د ارام حالت ځواک) يې رامنځ ته کړل.  په دې برخه کې د ارشميدس په بریاوو کې د اهرم د اصل ثبوت هم شامل دی، د ثقل د مرکز مفهوم چې پراخه ګټه ورڅخه اخستل کېږي او د مايع پرسر د درېدو قانون څرګندول. هغه ځينې نوي ماشينونه هم طرحه کړل، لکه تاويدونکی پمپ، مرکبه څرخه او د جګړې دفاعي ماشينونه، تر څو د هغه اصلي ټاټوبی سيراکوز له يرغل څخه خوندي کړي.    [۱۰][۱۱][۱۲]

ارشميدس د سيراکوز د کلابندۍ پر مهال مړ شو، سره له دې چې هغه ته د زيان نه رسولو امر شوی و، بيا هم يو رومي سرتيري وواژه. سيسرو د ارشميدس د قبر د کتنې يادونه کوي، چې په يوه کره او يوه پوکاڼۍ پوښلی و، ارشميدس غوښتنه کړې وه چې د هغه په قبر دې کېښودل شي، تر څو د هغه د رياضياتي اختراعاتو استازيتوب وکړي.

د هغه د اختراعاتو په خلاف چې ډېر پېژندل شوي، د ارشميدس د رياضياتو د لاسته راوړنو ليکنې، په لرغونې زمانه کې ډېرې نه دي پېژندل شوې. په سکندريه کې رياضي پوهانو، د هغه په اړه ډېر څه لوستي و او د هغو حوالې يې هم ورکړې وې، خو د بيزانس په قسطنطينيه کې د ميليتس له اسيډور له ميلاد څخه تر مخه ۵۳۰ کال پورې، لومړی هراړخيز تاليف نه و جوړ شوی، په داسې حال کې چې په شپږمه زېږديزه پېړۍ کې د ارشميدس د اثارو په اړه «ايتوشيه» لیکنې وکړې او دا لیکنې يې په لومړي ځل په پراخه کچه د لوستلو لپاره وړاندې کړې. د ارشميدس دليکلو آثارو يو څو نسخې، چې په منځنیو پېړيو کې روغې پاتې شوې وې، د رنسانس پر مهال او د اولسمې پېړۍ په اوږدو کې د ساينسپوهانو لاره، د نظرياتو يوه اغېزناکه سرچينه وه، په داسې حال کې چې په ۱۹۰۶ ز کال د ارشميدس ناپېژندل شوي آثار کشف شول، چې خپله د ارشميدس په لاس لیکل شوي وو په دې اړه لا نور معلومات مهيا کړل چې هغه څه ډول رياضياتي پايلې تر لاسه کړې وې.  [۱۳][۱۴][۱۵][۱۶][۱۷][۱۸]

ژوندليک

[سمول]

ارشميدس له ميلاد مخکې په ۲۸۷ کال کې د سيسيل په ساحلي ښار سيزاکوز کې زېږېدلی و، دا ښار هغه مهال د ميګنا ګريشيا خپل چارې مستعمره وه. د هغه د زېږېدو نېټه، د يوناني بيزانسي تاريخ پوه «جان زيټسيز» په وينا ولاړه ده، هغه وايي: ارشميدس پنځه اويا (۷۵) کاله ژوند کړی و او په ۲۱۲ کې مړ شوی و. په سينډ راکين کې، ارشميدس د خپل پلار نوم فيډياز ورکړی، یو ستوری پېژندونکی چې د هغه په اړه نور هېڅ راز معلومات نه شته. د ارشميدس ملګري «هيرکليډيز» د هغه ژوند ليکلی و، خو دا لیکنه هم ورکه ده، او د هغه د ژوند تفصيلات پټ پاتې دي. د بېلګې په ډول:  دا نه ده معلومه چې ايا هغه واده کړی او بچیان يې درلودل، یا ايا هغه هېڅکله هم په خپله ځوانۍ کې د مصر سکندريې ته تللی و. د هغه له پاتې آثارو څخه دا روښانه ده، چې هغه هلته له شته پوهانو سره پوهنيزې اړيکې ساتلې وې، په هغوی کې د ارشميدس ملګری د ساموس اوسیدونکی کنون او د کتابتون مشر د سیرین اوسیدونکی ایراتوستینز.[۱۹][۲۰][۲۱]

د ارشميدس د ژوند په اړه کره نسخې د هغه له مرګ ډېره موده وروسته رومي او يوناني تاريخ پوهانو وليکلې. د ارشميدس لومړۍ  يادونه د پوليبيوس په تارېخونو کې شوې ده (له مېلاد مخکې ۲۰۰ څخه تر ۱۱۸ پورې)، چې د هغه له مرګ شا او خوا اويا کاله وورسته لیکل شوي دي. د يو شخصيت په اړه دې کتاب د ارشميدس پر ژوند کمه رڼا اچولې، تر ډېره بريده يې په هغه ماشين تمرکز کړی، چې ويل کيږي له روميانو څخه د ښار د خوندي کولو له پاره يې جوړ کړی و. پوليبيوس يادونه کوي چې څه ډول د پونيک د دوهمې جګړې پر مهال، سيراکوز خپله وفاداري له روم څخه د «کارتيج» په لور واړوله، چې همدا چاره د مارکوس کلوديوس مارسلوس او اپيوس کلوديسو پولچر په مشرۍ د ښار د نيولو له پار د پوځي خوځښت لامل شوه چې دا جګړه له میلاد مخکې په ۲۱۲ څخه تر ۲۱۳ کاله روانه وه. هغه وړاندې لیکي چې روميانو د سيراکوز دفاع کم ارزښته بللې وه، هغه د ارشميدس د ګڼو ماشينونو يادونه کوي چې په هغې کې پرمختللي منجنيقونه، د کرين په څېر ماشينونه چې کولای يې شول په يوه ليندۍ کې راوڅرخي او د ډبرو ويشتونکي وسايل شامل وو. که څه هم روميانو بالاخره ښار ونيو، خو د ارشميدس د اختراعاتو له کبله يې د کتنې وړ زيانونه هم وګالل.[۲۲][۲۳]

سيسيرو (له میلاد مخکې ۱۰۶ -۴۳) په خپلو ځينو آثارو کې د ارشميدس يادونه کړې. کله چې سيسيرو په سيسلي کې د مالي مسئول په دنده تر سره کوله، په سيراکوز کې د اګريجينټاين له دروازې سره نژدې يې هغه ځای پيدا کړ چې باور کېده د ارشميدس قبر و، دا ځای له نظره غورځول شوی او زيات واښه پرې شنه و. سيسيرو قبر پاک کړ او وتوانېد، په هغې کښل شوې حکاکي وويني او ځينې برخې يې ولولي چې د ډبرلیک په توګه پرې اېښودل شوي وو. په قبر باندې يوه مجسمه وه چې د ارشميدس د خوښې وړ رياضياتي ثبوت په کې انځور شوی واو هغه دا چې د کرې د بېخ په ګډون د حجم او مخ مساحت د استوانې دوه په درې برخې جوړوي. هغه يادونه کوي چې مارسلوس روم ته دوه افلاک نما راوړل، چې ارشميدس جوړ کړي وو. رومي تاريخ پوه ليوي (له میلاد مخکې ۵۹-۱۷) د سيراکوز د نيولو او په هغې کې د ارشميدس د نقش په اړه د پوليبيوس کیسه بيا تکرار کړې ده.[۲۴][۲۵][۲۶][۲۷]

پلوتارک (۱۱۹-۴۵ له میلاد وروسته) د هغه په کتاب «موازي ژوند» کې ليکلي چې : ارشميدس د سيراکوز د پاچا « دویم هیرو» سره خپلوي درلودله. هغه د ښار له سقوط وروسته د ارشميدس د مرګ په اړه لږ تر لږه دوه روايته راوړي دي. د تر ټولو مشهور روايت پر اساس، د ښار د سقوط پر مهال ارشميدس د يوه رياضياتي شکل په اړه په فکر بوخت و. يو رومي سرتيري هغه ته امر وکړ چې راووځي او له مارسلوس سره وګوري، خو هغه خبره ونه منله او ويې ويل: هغه بايد د دې ستونزې په اړه خپل کار ختم کړي. سرتيری په دې کار غوصه شو او ارشميدس يې په خپله توره وواژه. يوه بله کیسه داسې ده، چې ارشميدس له وژل کېدو مخکې خپل رياضياتي وسايل لېږدول، ځکه يوه سرتېري فکر کړی و چې دا ارزښتمن شيان دي. د معلوماتو پربنسټ، مارسلوس د ارشميدس په وژل کېدو په قهرشوی وی؛ ځکه هغه ارشميدس يوه ارزښتناکه ساينسي شتمني بلله (هغه په ارشميدس د هندسي برياريوس نوم کېښود) او امر يې کړی و چې هغه ته بايد زيان ونه رسېږي.[۲۸][۲۹][۳۰]

ارشميدس ته منصوب وروستي ټکي دا دي: « زما دايرو ته مزاحمت مه کوئ!» په رياضياتو کې هغو رسم شوو دايرو ته اشاره وه چې شونې ده، هغه مطالعه کولې، چې يو رومي سرتېری يې مزاحم شو. داسې باوري شواهد نه شته چې ارشميدس په خپله دا خبرې کړې دي او د پلوتارک په روايت کې يې هم يادونه نه ده شوې. ورته الفاظ د والريوس ماکسيموس (۳۰- له میلاد وروسته) په آثارو کې موندل کېږي، چې هغه په د يادونې وړ کارونو کې ليکلي او وايي: « بلکې په خپلو لاسونو کې يې خاوره ونيوله او ويې ويل: « زه له تاسې هيله کوم، دې کار ته مزاحمت مه کوئ».[۳۱]

سرچينې او ياداښتونه

[سمول]
  1. ↑ British Museum person or institution ID: https://www.britishmuseum.org/collection/term/BIOG147595 — subject named as: Archimedes — د نشر نېټه: ۱۲ ډيسمبر ۲۰۲۰ — پیدا کوونکی: د برتانيې موزيم
  2. ↑ دوتنې ټوليزه پېژندنه: https://d-nb.info/gnd/118503863 — subject named as: Archimedes — د نشر نېټه: ۳ جون ۲۰۲۱ — منښتلیک: Creative Commons CC0 License
  3. ↑ "Archimedes". Collins Dictionary. n.d. خوندي شوی له اصلي څخه په 3 March 2016. بياځلي په 25 September 2014.
  4. ↑ "Archimedes (c. 287 – c. 212 BC)". BBC History. خوندي شوی له اصلي څخه په 19 April 2012. بياځلي په 7 June 2012.
  5. ↑ * John M. Henshaw (10 September 2014). An Equation for Every Occasion: Fifty-Two Formulas and Why They Matter. JHU Press. p. 68. ISBN 978-1-4214-1492-8. خوندي شوی له اصلي څخه په 21 October 2020. بياځلي په 17 March 2019. Archimedes is on most lists of the greatest mathematicians of all time and is considered the greatest mathematician of antiquity.
  6. ↑ Powers, J (2020). "Did Archimedes do calculus?" (PDF). www.maa.org. خوندي شوی (PDF) له اصلي څخه په 31 July 2020. بياځلي په 2021-04-14.
  7. ↑ Jullien, V. (2015), J., Vincent (ed.), "Archimedes and Indivisibles", Seventeenth-Century Indivisibles Revisited, Science Networks. Historical Studies (in انګليسي), vol. 49, Cham: Springer International Publishing, pp. 451–457, ISBN 978-3-319-00131-9
  8. ↑ O'Connor, J.J.; Robertson, E.F. (February 1996). "A history of calculus". University of St Andrews. خوندي شوی له اصلي څخه په 15 July 2007. بياځلي په 7 August 2007.
  9. ↑ Heath, Thomas L. 1897. Works of Archimedes.
  10. ↑ Goe, G. (1972). "Archimedes' theory of the lever and Mach's critique". Studies in History and Philosophy of Science Part A (in انګليسي). 2 (4): 329–345. doi:10.1016/0039-3681(72)90002-7.
  11. ↑ Berggren, J. L. (1976). "Spurious Theorems in Archimedes' Equilibrium of Planes: Book I". Archive for History of Exact Sciences. 16 (2): 87–103. doi:10.1007/BF00349632. ISSN 0003-9519. JSTOR 41133463. S2CID 119741769.
  12. ↑ Graf, E. H. (2004). "Just what did Archimedes say about buoyancy?". The Physics Teacher. 42 (5): 296–299. Bibcode:2004PhTea..42..296G. doi:10.1119/1.1737965.
  13. ↑ Hoyrup, J. (2019). Archimedes: Knowledge and lore from Latin Antiquity to the outgoing European Renaissance. Selected Essays on Pre- and Early Modern Mathematical Practice. pp. 459–477.{{cite book}}: CS1 maint: location missing publisher (link)
  14. ↑ Leahy, A. (2018). "The method of Archimedes in the seventeenth century". The American Monthly. 125 (3): 267–272. doi:10.1080/00029890.2018.1413857. S2CID 125559661. خوندي شوی له اصلي څخه په 14 July 2021. بياځلي په 20 March 2021.
  15. ↑ "Works, Archimedes". University of Oklahoma. 23 June 2015. خوندي شوی له اصلي څخه په 15 August 2017. بياځلي په 18 June 2019.
  16. ↑ Paipetis, Stephanos A.; Ceccarelli, Marco, eds. (8–10 June 2010). The Genius of Archimedes – 23 Centuries of Influence on Mathematics, Science and Engineering: Proceedings of an International Conference held at Syracuse, Italy. History of Mechanism and Machine Science. Vol. 11. Springer. doi:10.1007/978-90-481-9091-1. ISBN 978-90-481-9091-1.
  17. ↑ "Archimedes – The Palimpsest". Walters Art Museum. خوندي شوی له the original on 28 September 2007. بياځلي په 14 October 2007.
  18. ↑ Flood, Alison. "Archimedes Palimpsest reveals insights centuries ahead of its time". The Guardian. خوندي شوی له اصلي څخه په 15 May 2021. بياځلي په 10 February 2017.
  19. ↑ Heath, Thomas L. 1897. Works of Archimedes.
  20. ↑ Shapiro, A. E. (1975). "Archimedes's measurement of the Sun's apparent diameter". Journal for the History of Astronomy. 6 (2): 75–83. Bibcode:1975JHA.....6...75S. doi:10.1177/002182867500600201. S2CID 125137430.
  21. ↑ Acerbi, F. (2008). Archimedes. New Dictionary of Scientific Biography. pp. 85–91.{{cite book}}: CS1 maint: location missing publisher (link)
  22. ↑ Rorres, Chris. "Death of Archimedes: Sources". Courant Institute of Mathematical Sciences. خوندي شوی له اصلي څخه په 10 December 2006. بياځلي په 2 January 2007.
  23. ↑ Rorres, Chris. "Siege of Syracuse". Courant Institute of Mathematical Sciences. خوندي شوی له اصلي څخه په 9 June 2007. بياځلي په 23 July 2007.
  24. ↑ Rorres, Chris. "Tomb of Archimedes: Sources". Courant Institute of Mathematical Sciences. خوندي شوی له اصلي څخه په 9 December 2006. بياځلي په 2 January 2007.
  25. ↑ Rorres, Chris. "Tomb of Archimedes – Illustrations". Courant Institute of Mathematical Sciences. خوندي شوی له اصلي څخه په 2 May 2019. بياځلي په 15 March 2011.
  26. ↑ "The Planetarium of Archimedes". studylib.net (in انګليسي). خوندي شوی له اصلي څخه په 14 April 2021. بياځلي په 2021-04-14.
  27. ↑ Rorres, Chris. "Death of Archimedes: Sources". Courant Institute of Mathematical Sciences. خوندي شوی له اصلي څخه په 10 December 2006. بياځلي په 2 January 2007.
  28. ↑ Plutarch (October 1996). Parallel Lives Complete e-text from Gutenberg.org. Project Gutenberg. خوندي شوی له اصلي څخه په 20 September 2008. بياځلي په 23 July 2007.
  29. ↑ Plutarch. Extract from Parallel Lives. fulltextarchive.com. خوندي شوی له اصلي څخه په 7 March 2014. بياځلي په 10 August 2009.
  30. ↑ Jaeger, Mary. Archimedes and the Roman Imagination. p. 113.
  31. ↑ Rorres, Chris. "Death of Archimedes: Sources". Courant Institute of Mathematical Sciences. خوندي شوی له اصلي څخه په 10 December 2006. بياځلي په 2 January 2007.
"https://ps.wikipedia.org/w/index.php?title=ارشميدس&oldid=319146" نه اخيستل شوی
pFad - Phonifier reborn

Pfad - The Proxy pFad of © 2024 Garber Painting. All rights reserved.

Note: This service is not intended for secure transactions such as banking, social media, email, or purchasing. Use at your own risk. We assume no liability whatsoever for broken pages.


Alternative Proxies:

Alternative Proxy

pFad Proxy

pFad v3 Proxy

pFad v4 Proxy