Адвокат
Адвокат, од лат. advocatus 'призваный на помочь' — особа, котрой фахом е удѣлѣня правной помочи физичным и правным особам и оборона их интересох перед судом.
История
[едітовати | едітовати жрідло]В року 1759 цѣсарька Мария Терезия в процесѣ реформы судництва росширила законы о адвокатах, котры фунговали в чешскых землях, на вшиткы землѣ цѣсарства и предписала каждому кандидатови на адвоката повинность достати докторат з права.[1] Наконець законом ч. 96 з дня 6. юла 1868 в австрийскых землях и одповѣдныма законами ч. 34 року 1874 и ч. 28 року 1887 в мадярскых землях были заведена повна вольность адвокатства з пожаданями: докторат з права, 7-рочна практика при судѣ, зложѣня испыту перед высшым судом. Тоты законы зоставали в силѣ аж до року 1919.[2]
Меджи вызнамныма Русинами адвокатом быв Виктор Добрянскый.
В Подкарпатской Руси в роках 1919-1939 подля чехословацкых законох, як и при «другых Мадярох» в роках 1939-1944, адвокаты были гонорарцями, людьми вольной професии.
В СССР адвокаты не могли быти приватныма правниками, лем выступовали як члены колегии адвокатох,[3] де доставали платню, а клиента обслужили за невеликый гонорар, становленый предписами, в дакотрых припадах здарма; з дозвола влады совѣтскым адвокатом могла быти особа без дипломы правника, доста было мати пять рокы, выслуженых при судѣ.[4]
Жерела и одказы
[едітовати | едітовати жрідло]- Ottův slovník naučný. Illustrovaná encyklopaedie obecných vědomostí. Díl 1. Vyd. J. Otto. V Praze, 1888.
- УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 1. ISBN 5-88500-001-8. русс.
- Добровольская Т. Н.: Адвокат. //Большая Советская Энциклопедия (онлайн) русс.
