Револуция

Револу́ция (од лат. revolvo обернути назад) — означать барз наглу и радикалну перемѣну на дачом.

„	Вічний революціонер, Дух, що тіло рве до бою, Рве за поступ, щастя й волю,— Він живе, він ще не вмер.	”
Иван Франко, 1880

„	Револуция даколи потребна, але кедь войде до звычая, держава зойде нанич.	”
Оригиналный текст (англ.) A revolution is sometimes necessary, but if revolutions become habitual the country in which they take place is going down-hill. Theodore Roosevelt, The Strenuous Life: Essays and Addresses, (1910)

Засадны характеристикы

В сучасном хоснованю того понятя револуция означать переворот, и то насилный в устояных и спевнѣлых штруктурах, чиненый силами внуторного роскладу. Найчастѣше иде о переворот в сполочности, хоть мож говорити тыж о револуции в науцѣ, индустрии и другых сферах. Вызнамныма характеристиками револуции суть наглость и насилство, а тыма ся одличать од вывойовой реформы.

Всяка политична и социална револуция е антиконштитучна и веде до змѣны конштитуции, але е она револуциев лем тогды, кедь учинена народом. Кедь таку наглу и насилну змѣну державного зряджѣня зробить голова державы (або група сприсяганцьох), то — державный переворот.

Вывой понятя

Зачаточно термин револуция поуживав ся в змыслѣ обертаня, ходжѣня в кругу. Позната робота Коперника называть ся Dе revolutionibus orbium coelestium, 1543. В политичной филозофии 17 ст. револуция означовала цикличну перемѣну пановникох або цѣлой пановной елиты. Од подѣй конця 18 ст. во Франции склало ся днешне понятя револуции як наглого и радикалного переворота, глубоко оддѣляючого старе, одживше од нового и будучого.

Жерела и одказы

• Ottův slovník naučný. Illustrovaná encyklopaedie obecných vědomostí. Díl 21. Vyd. J. Otto. V Praze, 1904.
• Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935.
• Перевалов В.П.: Революция. //Степин В.С., Гусейнов А.А., Семигин Г.Ю., Огурцов  А.П. Новая философская энциклопедия в четырех томах. — Москва: Мысль, 2010. ISBN 978-2-244-01115-9 Том 3, сс. 429-430.