Le Midi
Articulu in nugoresu
Le Midi est unu faveddu chi cheret inditare s'ala de zosso frantzesa. Sa Frantza meridionale cumprendet:
- Acuitania
- Midi-Pireneos
- Limbadoca-Rossiglione
- Proventza-Alpes-Costa Asula
- Còssiga
- Rodano-Alpes (s'ala de zosso)
- Poitou-Charentes (s'ala de zosso)
Custu tretu currespondet in parte manna a s'Otzitania, sa macro-rezone in ube s'otzitanu (in frantzesu langue d'oc ) - in cuntrastu chin sas langues d'oïl de sa Frantza de susu - fit istoricamente sa limba prus isparghinada. Mancàri chi sìant parte de s'Otzitania, sas rezones de Auvergne e Limousin non si tenent in cunsideru comente parte de sa Frantza meridionale.
Su faveddu Midi benit dae mi (mesu) e di (dìe) in frantzesu anticu, ind una manera chi si assimizat a su Mezzogiorno italianu. S'ora de mesudìe fit su matessi de indittare su sud, ca su sole in Frantza pompiat tando a sud. Su sinonimu esistìat fintzas in frantzesu medianu, in ube su faveddu meridien si podet relatare sìat a s'ora de mesudie sìat a su sud.
Su Midi cumìntzat in Valence: dae cue bi at su ditzu populare "à Valence le Midi commence".