Càrculu spartutu
Ntâ nfurmàtica, u càrculu spartutu è na tipu di càrculu unni si fannu tanti cunti tutti nzèmmula e tutti nta na vota (si dici macari "'n parallelu") cu dui o cchiù assai prucissura (core). U càrculu spartutu è assai ùtili quannu un prubblema granni si rinesci a spàrtiri nta prubblemi cchiù nichi chi si ponnu risòrbiri spartuti.
Cci sunnu diversi furmi di càrculu spartutu:
- parallillìsimu a liveḍḍu di bit,
- parallillìsimu a liveḍḍu di istruzzioni,
- parallillìsimu a liveḍḍu di dati,
- parallillìsimu a liveḍḍu di thread.
Càrculu spartutu, distribbujutu e cuncurrenti
[cancia | cancia lu còdici]L'aggittivu spartutu s'usa macari pi signalijari na virsioni cchiù spicìfica di càrculu spartutu unni cc'è sulu nu spazziu di mimoria, spartuta ntra tutti i prucissura. Sta spicìfica serbi pi nun cunfùnniri u càrculu spartutu strictu sensu cu chiḍḍu distribbujutu[1], unni si fannu tanti cunti 'n parallelu cu dui o cchiù assai prucissura e cu dui o cchiù assai spazzi di mimoria, e chiḍḍu cuncurrenti[2], unni si fannu tanti cunti 'n parallelu cu un prucissuri sulu.
Bibbliugrafìa
[cancia | cancia lu còdici]- Almerico Murli, Lezioni di calcolo parallelo, Liguori, 2006.
Noti
[cancia | cancia lu còdici]- ↑ britannica.com, https://www.britannica.com/technology/distributed-computing.
- ↑ britannica.com, https://www.britannica.com/technology/concurrent-programming.