Badminton
Badminton nyaéta cabang olahraga kaulinan nu dimaénkeun maké rékét jeung kok nu ditepak sarta éta kok kudu ngaliwatan nét nu geus aya di tengah lapang.[1]
Sajarah Badminton
[édit | édit sumber]
Badminton asalna mah tina kaulinan Tionghoa nyaéta Jianzi nu maké kok tanpa rékét.[2] Sanggeus kitu di Inggris nalika jaman pertengahan aya kaulinan nu disebut Battledores jeung Shuttlecocks.[2] Biasana mah barudak ngagunakeun tongkat (Battledores) sarta nyieun stratégi sangkan kok henteu antel kanu taneuh.[2] Hal ieu jadi kalangenan anyar dina taun 1854 nalika majalah Punch nyieun kartun nu témana Battledores.[2]
Masarakat Inggris mawa ieu kaulinan ka Jepang, China, jeung Siam (kiwari Thailand) nalika manéhna masih ngajajah Asia.[2]
Olahraga badminton diciptakeun ku petugas Tentara Britania di Pune, India dina abad ka-19.[2] Manéhna nambahkeun nét dina éta olahraga.[2] Lantaran kota Pune kasohor minangka Poona, éta kaulinan téh dibéré ngaran Poona mangsa harita.[2]
Sanggeus kitu, para tentara mawa deui éta kaulinan ka Inggris dina taun 1850-an, sarta dingaranan badminton lantaran éta olahraga dipintonkeun di Gedung Badminton (Badminton House) di Gloucestershire Inggris.[2] Kiwari Gloucestershire jadi puseurna International Badminton Federation (IBF).[3]
International Badminton Federation (IBF)
[édit | édit sumber]International Badminton Federation (IBF) lahir taun 1934 nu diluuhan ku 9 nagara anggota nyaéta Canada, Denmark, Inggris, Prancis, Irlandia, Belanda, New Zealand, Scotlandia jeung Wales.[3] Turnamén munggaran IBF nu kasohor nyaéta Thomas Cup (World men's téam championships) taun 1948.[3] ti saprak harita turnamén mekar pikeun tim putri kayaning Uber Cup, Sudirman Cup, World Junior jeung World Grand Prix Finals.[3] Kiwari loba turnamén badminton nu diayakeun di masing-masing nagara saperti: Indonesia Open, Malaysia Open, Singapore Open, All England, Japan Open, Swiss Open, Korea Open, Denmark Open, China Open jeung réa-réa deui.[3]
Rujukan
[édit | édit sumber]- ↑ Bulu Tangkis Archived 2012-02-12 di Wayback Machine (Diakses tanggal 24 Oktober 2011) (id)
- ↑ a b c d e f g h i Sejarah Bulu Tangkis (Diakses tanggal 24 Oktober 2011) (id)
- ↑ a b c d e Bulu Tangkis & IBF Archived 2011-08-10 di Wayback Machine (Diakses tanggal 24 Oktober 2011) (id)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |