Kalénder nasional India

Kalénder nasional India (kadang-kadang disebut ogé kalénder Saka) nyaéta kalénder sipil resmi nu dipaké di India. Kalénder ieu dipaké babarengan jeung kalénder Grégori, ku Gazette of India, siaran wartana All India Radio, katut kalénder jeung komunikasi nu dikaluarkeun ku Pamaréntah India.

Istilah ieu bisa nujul ogé kana kalénder Hindu, sarta jaman Saka ilahar dipaké ku kalénder-kalénder nu béda-béda.

Struktur kalénder

	Bulan	Lilana	Tanggal mimiti (Grégori)
1	Chaitra	30/31	22 Maret*
2	Vaishākh	31	21 April
3	Jyaishtha	31	22 Méi
4	Āshādha	31	22 Juni
5	Shrāvana	31	23 Juli
6	Bhādrapad	31	23 Agustus
7	Āshwin	30	23 Séptémber
8	Kārtik	30	23 Oktober
9	Mārgashīrsha (Agrahayana)	30	22 Nopémber
10	Paush	30	22 Désémber
11	Māgh	30	21 Januari
12	Phālgun	30	20 Pébruari

Dina taun kabisat, Chaitra boga 31 poé tur dimimitian ku tanggal 21 Maret. Bulan-bulan dina satengah taun munggaran sakabvhn aboga 31 poé, keur ngitung peta panonpoé nu laun dina wanci ieu nalika ngaliwatan ecliptic.

Ngaran bulan-bulana dicokot tina kalénder bulan-panonpoé Hindu nu aya saméméhna, antukna sababaraha varéasi dina éjahan geus pasti aya, tur bisa jadi mangrupa hiji sumber nu ngabingungkeun kana tanggal-tanggal din ahiji kalénder.

Taun-tauna diitung dina Jaman Saka, nu ngamimitian taun 0na dina taun 78 Jaman Kristen. Pikeun nangtukeun taun kabisat, urang bisa nambahkeun 78 kana taun Saka - lamun hasilna mangrupa taun kabisat dina kalénder Grégori, mangka taun Saka ogé bakal mangrupa taun kabisat.

Tempo ogé

• Kalénder Hindu
• Jaman Saka
• Bangabda, kaléndr nu patali jeung India

Rujukan

• Mapping Time: The Calendar and its History by E.G. Richards (ISBN 0-19-282065-7), 1998, pp. 184–185.

Tumbu luar

• Calendars and their History (by L.E. Doggett) Archived 2004-04-01 di Wayback Machine
• Indian Calendars (by Leow Choon Lian, pdf, 1.22mb)
• Positional astronomy in India
• India Image website Archived 2007-02-19 di Wayback Machine
• Hindu Panchang for the world -- Calculated for different cities