Rubakpita

Rubakpita (Basa Indonésia: lebar pita Basa Inggris: bandwidth Basa Walanda: bandbreedte) dina téknologi telekomunikasi nyaéta lega wewengkon frékuénsi tinangtu atawa béda antara frékuénsi panghandapna jeung frékuensi pangluhurna dina wewengkon frékuénsi tinangtu. Contona, sambungan telepon mibanda 'rubakpita 3000Hz (Hertz), anu mangrupa wewengkon antara frékuénsi pangluhurna (3300Hz) sarta frékuénsi panghandapna (300Hz) anu bisa diliwatan ku sora manusa.

Dina jaringan komputer, rubakpita nujul kana laju pamindahan data, umumna dina hijian Kbps (kilobit pér detik/kilobite per second).

Bandwidth filter (atawa sistem)

Bandwidth W_B Low-pass filter idéal sarua jeung cutoff frequency bogana, nyaéta $W_{B}=\omega _{c}$.

.

Bandwidth bandpass filter idéal sarua jeung W_B = $\omega$_c2 - $\omega$_c1. Titik tengah $\omega _{o}$ = ($\omega$_c1 + $\omega$_c2)/2 disebut frékuénsi tengah filter.

.

Sahiji bandpass filter disebut pita sempit lamun W_B << $\omega _{o}$.

Euweuh définisi bandwidth pikeun high-pass filter jeung bandstop filter.

Pikeun filter dina pamakéan sapopoé atawa filter non-idéal, définisi umum pikeun bandwidth filter nyaéta bandwidth 3-dB, W_{3 dB}. Dina hal low-pass filter, W_{3 dB} ditetepkeun salaku frékuénsi positif di mana spéktrum amplitudo $|H(\omega )|$ turun nepi ka hiji harga nu sarua jeung ${\frac {|H(0)|}{\sqrt {2}}}$.

.

Pikeun bandpass filter, W_{3 dB} ditetepkeun sabagé béda anatara dua frékuénsi di mana $|H(\omega )|$ turun nepi ka hiji harga nu sarua jeung ${\frac {1}{\sqrt {2}}}$ kali harga puncak $|H(\omega _{o})|$ dina frékuénsi tengah filter $\omega _{o}$ (nu disebut frékuénsi tengah pita atawa midband frequency).

.

Perlu dicatet yén bandwidth didéfinisikeun di sapanjang sumbu frékuénsi positif.

Bandwidth sinyal

Bandwidth tina hiji sinyal bisa didéfinisikeun sabagé amparan frékuénsi di mana sabagian gedé énergi atawa daya ngadumuk. Définisi ieu rada midua sarta gumantung kana pajangjian. Jadi aya réa définisi pikeun bandwidth sinyal. Contona, bandwidth daya tina hiji sinyal ditetepkeun sabagé $\omega _{2}-\omega _{1}$ di mana $\omega _{1}<\omega <\omega _{2}$ mangrupa amparan di mana 99% daya ngadumuk.

Bandwidth sinyal x(t) ogé bisa didéfinisikeun sarua jeung bandwidth filter nyaéta bandwidth 3 dB.

Tempo ogé

• Baseband
• Broadband
• Modulasi