Glostrup

Glostrup – Daniyaning Hovedstaden mintaqasidagi shaharcha boʻlib, u Kopengagenning gʻarbiy qismidagi hududlarni tashkil qiladi. Bu Glostrup munitsipalitetining maʼmuriy hududi hisoblanib, 2015-yil holatiga koʻra uning aholisi soni 22,357 kishidan iborat^[1].

Motorola kompaniyasining Daniyadagi bosh qarorgohi, Glostrup markazida joylashgan

20-asrda Glostrup kichik temir yoʻl shaharchasidan zamonaviylashayotgan shaharchaga aylangan. 1970-yillarda aholi soni eng yuqori choʻqqiga chiqqan, ammo ana shu vaqtdan beri biroz barqarorlashgan. Kopengagenning gʻarbiy chekka hududlarida ijtimoiy yordamga muhtoj qatlamni uy-joy bilan taʼminlash loyihalari ustunlik qilsa-da, Glostrups hududida ushbu koʻrsatkich oʻrtacha darajada. Bir qator yirik kompaniyalar, masalan Grontmij va Motorolaning Daniya boʻlimlari, NKT Holding va Pandora oʻzaro bir hududda joylashgan. Atrofdagi munitsipalitetlarbilan bir qatorda, Glostrup Kopengagen ishlab chiqarish sanoatining markazini tashkil qilgan. Glostrup munitsipalitetida xususiy va davlat sektorlarida jami 21,200 ish oʻrinlari mavjud^[2].

Glostrup, shuningdek, bir qator davlat idoralari va muassasalariga ega, masalan, Kopengagenning gʻarbiy va shimoliy qismlarini qamrab olgan Københavns Vestegn politsiya boʻlimi va Glostrup sudi. Glostrup kasalxonasi 1958-yilda ochilgan va u yerda 3200 kishi ish bilan taʼminlangan.

Tarixi

Glostrup qishlogʻi 1000 va 1197-yillar orasida tashkil etilgan va uning asoschisi Glob sharafiga nomlangan. Qishloq birinchi marta 1186 va 1197-yillar orasida Glostorp sifatida tilga olingan, ammo taxminan 1150-yillarga tegishli boʻlgan Glostrup cherkovi bu yerda yaxshi tashkil etilgan jamoa allaqachon mavjud boʻlganini koʻrsatgan. Xususiy yerlarning aksariyati keyingi ikki asr davomida Roskilde sobori tasarrufiga oʻtgan, ammo 1536-yilda islohotdan keyin qirol tomonidan musodara qilingan.

1682-yildagi manbalar shuni koʻrsatadiki, qishloq sakkizta xoʻjalik va 13 uydan iborat boʻlgani sababli hududdagi tuproq unumdor boʻlgan. Dehqonlarning aksariyati fermerlar uchun ishlagan.

1773-yilda Kopengagen va Roskilde oʻrtasida yangi Roskilde yoʻli qurilgach, u hududning asosiy yoʻliga aylangan.

Temir yoʻl qurilishidan keyin

Glostrup Kopengagen va Roskilde oʻrtasida ochilgan Daniyaning birinchi temir yoʻl stantsiyasi edi. Shundan soʻng, Glostrup muhiti oʻzgargan va aholi soni soʻnggi oʻn asr davomida sezilarli darajada oʻsgan. 1862-yilda kambagʻallar uyi tashkil etilgan va undan keyin 1864-yilda dorixona, 1876-yilda yangi maktab va 1886-yilda telefon aloqasi paydo boʻlgan.

20-asr

Viloyatda sanoat korxonalari soni ham sezilarli darajada koʻpaygan. Lever Brothers 1924-yilda bu yerda sovun zavodini ochgan^[3] .

Transport tizimi

Glostrupdagi transport tarixan birinchi Daniya temir yoʻlida 1847-yilda Kopengagen va Roskilde oʻrtasida ochilgan temir yoʻl stantsiyasi tomonidan boshqarilgan.

Temiryoʻl stansiyasi

Glostrupda temiryoʻl faoliyati dastlab toʻxtatilgan boʻlsa-da, 1918-yilda mahalliy iqtisodiyotga xizmat koʻrsatish uchun stansiya qurilgan. U Heinrich Wenck tomonidan ishlab chiqilgan. 1953-yilda S-poezdlar tarmogʻi Glostrupgacha kengaytirilgan.

Taniqli odamlari

• Niels Simonsen Glostrup (1639-yilda vafot etgan), ruhoniy, Osloning yettinchi lyuteran episkopi

• Michael Aagaard (1757-1819), savdogar va konditor egasi

• Holger Marius Nielsen (1905–1993) Daniya Taʼlim vazirligi xodimi.

• Preben Uglebjerg (1931-1968), aktyor va qiziqchi Jorgen Erik Nielsen (1933-2006) Kopengagen universiteti dotsenti

• Eva Steiness (1941-yilda tugʻilgan), shifokor, sobiq universitet professori, hozirda Serodus bosh direktori

• Werner Knudsen (1953-yilda tugʻilgan), kompyuter olimi, bastakor va IT kitoblar muallifi, shu yerda yashaydi

• Soren Bundgaard (1956-yilda tugʻilgan), qoʻshiqchi Dicte (1966-yilda tugʻilgan), musiqachi va qoʻshiq muallifi

• Svend Olling (1967-yilda tugʻilgan), diplomat, 2016-yildan Daniyaning Turkiya va Ozarbayjondagi elchisi.

• Nicolaj Kopernikus (1967-yilda tugʻilgan), aktyor

• Margrethe Vestager (1968-yilda tugʻilgan), siyosatchi, 2014-yildan beri raqobat boʻyicha Yevropa komissari

•Amin Jensen (1970-yilda tugʻilgan), aktyor, qiziqchi va teleboshlovchi

• Anita Lerche (1973-yilda tugʻilgan), qoʻshiqchi-qoʻshiq muallifi, bastakor va aktrisa

• Christina Liljenberg Halstrøm (1977-yilda tugʻilgan), arxitektor va mebel dizayneri

Manbalar

↑ „De Kommunale Nøgletal“ (da). noegletal.dk (2015). Qaraldi: 2016-yil 12-yanvar.
↑ „Erhverv“. 2015-yil 17-iyulda asl nusxadan arxivlangan. Qaraldi: 2013-yil 10-oktyabr.
↑ „Sæbe“ (da). Gyldendal. Qaraldi: 2014-yil 29-may.

[1] „De Kommunale Nøgletal“ (da). noegletal.dk (2015). Qaraldi: 2016-yil 12-yanvar.

[2] „Erhverv“. 2015-yil 17-iyulda asl nusxadan arxivlangan. Qaraldi: 2013-yil 10-oktyabr.

[3] „Sæbe“ (da). Gyldendal. Qaraldi: 2014-yil 29-may.

[1]

[2]

[3]