Gaetano de Thiene
  | |
| Nome orizenałe | (it) Gaetano Thiene |
|---|---|
| Biografia | |
| Nasimènto | 1° de otobre del 1480 Vicensa (Itàlia) |
| Morte | 7 de agosto del 1547 (66 ani) Nàpułi (Itàlia) |
| Dati personałi | |
| Rełijon | Ceza catòłega |
| Atività | |
| Canpo de laoro | |
| Ocupasion | |
| Órdene rełijozo | Chierici regolari teatini (it)  |
| Ełevasion | |
| Festività | 7 de agosto 8 de agosto |
| Altri | |
| Tìtoło | Conte (it) |
|
| |
Gaetano de Thiene (Vicensa, otobre 1480 - Napołi, 7 de agosto 1547) el xe sta on prete, cofondatore de l'Ordine dei Chiereghi regołari Teatini; el xe anca venerà come santo da ła Cexa catołica e el xe anca dito el Santo de ła providensa.
Biografia
[canbia | canbia el còdaxe]Non se sa de sicuro quando che el xe nato, ła fameja ła zera dei conti de Thiene, ultimo dei tre fiołi del conte Gasparo de Thiene (on militare, morto inte el 1492) e de ła contesa Maria da Porto, terziaria domenicana: el ghe xe sta dal nome de on so sio pena morto, on canonico profesore de dirito a l'Università de Padova, che el zera nato a Gaeta.
Inte el 1504 el se ga laureà a Padova in dirito civiłe e canonico (utroque iure); el xe sta ciamà a Roma come segretario particołare de papa Giulio II inte el 1506 e a ghe xe sta dà el titoło de Protonotario Apostołico (el funsionario de ła Curia Romana co ła funsion de rogare i ati pì inportanti). El xe sta ordinà prete el 30 de setenbre 1516.
El ga scuminzià l'atività de prete a l'ospedałe de San Giacomo dei Incurabiłi e el se ga iscrito a ła Conpagnia de l'Oratorio del Divino Amore, 'n'asociasion de laici e preti nata dal movimento spirituałe e caritativo ai scuminsi del '500.
Tra el 1520 e el '23 el xe sta a Venesia, dove el ga fondà l'Ospedałe dei Incurabiłi a ła Giudeca. Tornà a Roma, el ga otegnesto da papa Clemente VII el permeso de fondare, insieme al vescovo de Chieti Gian Pietro Carafa (el futuro papa Paolo IV), on ordine de Chiereghi Regołari]] (diti po' Teatini, dal nome latin de Chieti), co ło scopo primario de restaurare inte el clero ła regoła primitiva de vita apostołica.
Par difondare el so ordine el ga scuminsià a viajare: el xe tornà a Venezia, e infine el xe 'nda a Napołi, dove che el xe morto. Par difendare i poareti dai usurai, el ga promoso l'istitusion del Monte de Pietà, inte el 1539, da dove po' xe nato el Banco de Napołi. El xe morto domenega 7 de agosto 1547 e el xe sta sepełio inte ła basełega de San Pagoło Majore]].
El culto
[canbia | canbia el còdaxe]El xe sta beatificà da papa Urbano VIII l'8 de otobre 1629: el xe sta canonisà el 12 de apriłe 1671 da papa Clemente X.
Ła memoria łiturgica ła ricore el 7 de agosto, el xe el santo patrono de ła Contrada del Nicchio, una de łe contrade del Palio de Siena.
Wikimedia Commons el detien imàjini o altri file so Gaetano de Thiene
el detien schemi gràfeghi so
| Controło de autorità | VIAF (EN) 22477916 · ISNI (EN) 0000 0001 0878 7299 · El vałore CFIV093017 de SBN no el xe mija bon. · LCCN (EN) n92804730 · GND (DE) 118702211 · BNF (FR) cb11968042z (data) · ULAN (EN) 500354195 · BAV ADV10174549 · CERL cnp01319553 · WorldCat Identities (EN) n92-804730 |
|---|