2018
't Joar 2018 is e geweun joar die begunt ip e moandag. 't Is 't 18e joar van 't 3e millennium en van d' 21e êeuwe volgenst de christelike joartellienge.
Gebeurtenissn
[bewerkn | brontekst bewerken]- januoari
- 1 - Bulgareye wordt vôorzitter van de Road van d' Europeesche Unie.
- 1 - Leeuwarden (Holland) en Valletta (Malta) zyn vandejoare Culturele hoofdstad van Europa.
- 18 - E zwoare storm roast over Ierland, Grôot-Brittannië, België, Holland, Duutsland en Pooln. Der valln tien dôoie. In België sterft er e vrouwe in Woals-Brabant achter dat e boom ip heur otto terechte kwam. In Gruitrode in Belgisch Limburg is 't dek van e schole weggevloogn.
- februoari
- 9-25 - De 23e Olympische Wienterspeeln worden g'houden in Pyeongchang, Zuud-Korea.
- 14 - In Parkland, Florida wordn 17 studenten van de Marjory Stoneman Douglas High School dôodgeschootn deur e 19-joarige ex-student. Je wordt ang'houdn deur de lokoale poliesje.
- 24 - De Belgische schatser Bart Swings pakt e zilvern medaille ip d' Olympische Wienterspeeln in Pyeongchang. 't Is geleen van de Speeln van 1948 da België zilver wint.
- moarte
- 4 - In Salisbury in Iengeland wordn de Russische dubbelspiong Sergej Skripal en zyn dochter vergiftigd mè zenuwgoaze. 't Verênigd keunienkryk en andere Westersche landn peizn da Rusland der achter zit.
- 3 - By e terroristische gyzelienge in e supermarkt in de Fransche plekke Trèbes valln drie dôoie en ênigte zwoargekwetste. Den doader wordt dôodgeschootn deur de poliesje. IS eist den anslag ip.
- 25 - De Cataloanschn ex-minister-president Carles Puigdemont is an de Deens-Duutsche grenze deur de Duutsche poliesje g'arresteerd binst dat 'n vanuut Finland met den otto werekêerde noa België, woa dat 'n sedert oktober in balliengschap verbluuft.
- 25 - By e grôte brand in e wienkelcenter in de de Siberisch-Russische stad Kemerovo valln zeker 64 dôoie, woaroender vele joengers.
- april
- 7 - In Douma (Syrië) wordt er een anval mè chemische woapns uutgevoerd woarby mêer of tien dôoie en duuznde gekwetste zyn gevalln. Volgns de Westersche weireld is 't gebeurd in ipdracht van president Bashar al-Assad.
- 14 - De Verênigde Stoatn, Vrankryk en 't Verênigd Keunienkryk bombardeern in Syrië e weetnschappelik oenderzoekscentrum en twêe woapndepots, ols vergeldienge vo den anval mè giftig goaze in Douma de 7stn april.
- meie
- 12 - D' Israëlitische zangeresse Netta Barzilai wint 't Euroviezjesongfestival 2018 in Portugal mè 't liedje Toy.
- 26 - In de provinsje Belgisch Limburg gebeurt er een eirdbevienge met e kracht van 3,7 ip de schoale van Richter.
- 29 - In Luuk schiet er een 31-joarige vint drie menschn dôod en je wordt zelve dôodgeschootn deur de poliesje. IS eist den anslag ip.
- juni
- 12 - Den Amerikoansche president Donald Trump en de Noord-Koreoansche leyder Kim Jong-un kommn tegoare ip 't eyland Sentosa vo te spreekn over 't kernwoapnprogram van Noord-Korea.
- 14 - 't 21e Weireldkampioenschap foetbol goat van start in Rusland.
- juli
- 5 - Litouwn wordt lid van de OESO (Organisoasje vor Economische Soamnwerkienge en Oentwikkelienge).
- 15 - Vrankryk wint 't Weireldkampioenschap foetbol 2018.
- ogustus
- 10 - 'n Amerikoansche jury beslist da 't geloofweirdig is, dat e schoolconciërge zyn terminoale kanker ipgeloopn hèt deur 't gebruuk van Roundup. De fabrikant Monsanto wordt doarom veroordeeld toet e boete van $289.000.000.
- 14 - De Ponte Morandi, e brugge in den Italioansche stad Genua, stort gedeeltelyk in binst zwoare reegnval. Teminste 42 menschn stervn.
- september
- 1 - E verbod ip de verkoop van halogeenlampn binn d' Europeesche Unie komt van kracht.
- 2 - In Rio de Janeiro brandt 't Nationaal Museum van Brazilië uut. E groot deel van de nateurhistorische en archeologische collecsje goat verloorn.
- oktober
- 2 - Moord ip de Saudische journalist Jamal Khashoggi in 't consuloat van zyn land in Istanbul. Kroonprins Mohammed bin Salman van Saoedi-Arabië is doa woarschynlyk by betrokkn.
- november
- 1 - In België wordn de rechtbankn van koophandel ofgeschaft en ommegevormd toet oendernemiengsrechtbankn.
- 11 november - 't Is 100 joar geleedn dat den Eeste Weireldoorloge g'endigd is.
- december
- 18 - De Belgische regerienge valt achter dat eeste minster Charles Michel zyn oentslag indient by de keunienk.
Geboorn
[bewerkn | brontekst bewerken]Gestorvn
[bewerkn | brontekst bewerken]
- januoari
- 7 - France Gall (70), Fransche zangeresse
- 20 - Paul Bocuse (91), Fransche chef-kok
- 30 - Terry Van Ginderen (Tante Terry) (86), Vlamsche tv-presentatrice
- 31 - Rita Deneve (73), Vlamsche zangeresse en actrice
- februoari
- 14 - Ruud Lubbers (78), Hollandsche pollitieker
- 26 - Mies Bouwman (88), Hollandsche tv-presentatrice
- moarte
- 4 - Mark Vanlombeek (67), Vlamsche journalist en pollitieker
- 7 - Jan Schodts (80), Vlamsche tv-presentateur en journalist
- 14 - Stephen Hawking (76), Iengelsche nateurkundign, wiskundign en kosmoloog
- 31 - Frank Aendenboom (76), Vlamschn acteur
- april
- 2 - Winnie Mandela (81), Zuud-Afrikoansche anti-apartheidsactiviste
- 3 - Johan Stollz (88), Vlamsche zanger, pianist en compositeur
- 5 - Eric Bristow (60), Iengelsche veugelpyker
- 6 - Julien Van Remoortere (87), Vlamsche schryver
- 13 - Miloš Forman (86), Tsjechisch-Amerikoansche regisseur
- 17 - Barbara Bush (92), Amerikoansche first lady
- meie
- 4 - Renate Dorrestein (64), Hollandsche schryfster
- 6 - Eric Geboers (55), Vlamsche mottocrosser
- 30 - Herman De Reuse (74), Vlamsche pollitieker
- juni
- 19 - Elisabeth van Denemarkn (83), Deensche prinsesse
- juli
- 9 - Peter Carington (99), Iengelsche minister en secretoaris-generoal van de NAVO
- ogustus
- 16 - Aretha Franklin (76), Amerikoansche soulzangeresse
- 18 - Kofi Annan (80), Ghaneesche diplomoat
- 25 - John McCain (81), Amerikoansche senateur
- september
- oktober
- 1 - Charles Aznavour (94), Frans-Armeensche zanger
- 3 - Hugo Raspoet (77), Vlamsche zanger
- 4 - Walter Capiau (80), Vlamsche radio- en tv-presentateur
- 6 - Montserrat Caballé (85), Spoansche soproan en operazangeresse
- 7 - Ludo Monset (72), West-Vlamsche pollitieker en burgemêester van Blanknberge
- 13 - Nesten (71), West-Vlamsche cartoonist
- 20 - Wim Kok (80), Hollandsche pollitieker
- 20 - Hugo de Ridder (86), Vlamsche journalist
- november
- 26 - Bernardo Bertolucci (77), Italioansche regisseur
- 26 - Luc Deflo (60), Vlamsche schryver
- 30 - George H.W. Bush (94), Amerikoansche pollitieker en 41e president van de Verênigde Stoatn
- december
- 3 - Albert Frère (92), Belgischn oendernemer
- 14 - Jean-Pierre Van Rossem (73), West-Vlamsche beurs'andeleir en politieker
- 15 - Philippe Moureaux (79), Belgische pollitieker
|
Ofbeeldiengn die ier by passn ku je vien in de categorie 2018 van Wikimedia Commons. |