Louis Aliot

Louis Aliot

Louis Aliot (Toulouse, 4 september 1969) es ne Franschn polletieker die uutkomt voe 't Rassemblement National (RN), 't vroegere Front National. Nen es burgemêester van de zuud-Fransche stad Perpignan

Aliot wos van 2005 tout 2010 secretoaris-generoal van 't Front National ounder Jean-Marie Le Pen en van 2011 tout 2018 wos't 'm vice-vôorzittre ounder Marine Le Pen. Ezo wostie in dien tyd eig'ntlyk de numéro twêe van de partye. Tusschn 2014 en 2017 zoat 'm in 't Europees Parlement binn'n d'identitair-rekse en eurosceptische fraksje van Europa van Noasjes en Vry-ied (ENV), woar da ôok 't Vlaams Belang in zat. In 2017 wierd tie verkooz'n tout volksverteegnwôordiger in de Fransch'n assemblée.

Ip lokoal vlak zat Aliot van 2008 tout 2009 en ton were ipnief sedert 2014 in de gemêenteroad van Perpignan. By de lokoale verkieziengn van 2020 wierd zyn lyste ozowel in d'êeste ols in de twidde rounde de grotste van't stee en ezo wierd Aliot burgemêester, wa nen êeste kêe wos da nen polletieker van 't Rasseblement National an't ôofd kwam van nen Franschn stad van mêer of 100.000 inweuners.