Chine

Markêye pås crètelemints calédonyins (Ponant-Coûtchant) et hercynyins, li Chine n' a èdurè ki foirt pô les disfôrmances do Mésozoïke. Shûte di tinetes et d' plateas assèrès d' ôtès montinnes, li continint est basti e gradèns dischindants di C. èt P., dont li platea tibétin (5000 m) fôrme li pus ôt pas d' gré, èceclè pås monts di l'Himalaya, do Kunlun et do Karakoram. Des tinetes (Djougareye, Tarim, Qaidan) conpudnèt des diprèssions : Turfan (-154 m) metowes etur les blo montinyeûs (Altaï, Tian shan). Après cist eshonna vinèt les hôts plateas di Mîtrinne Aseye (platea mongol), les cis del Chine nonnrece (platea do Yunnan-Guizhou et del Chine crexhante (Taihan shan, les deus Hinggan). Des plinnes (200-600 m d' alt.) bwardèt li litôral di Bijhe a Nonne : les plinnes di B.-P. (Nuomi he, Liao he, San jiang) sont serêyes pås Hinggan, les monts di Mandchoureye crexhante ralonguis pås tienes do cåziyon do Liaodong (prov. di Liaoning) : li Grande Plinne di Bijhe (dont li delta do Huang he), constituweye principâlemint des aboutaedjes di ç' fleuve, est ècadreye par les tienes do Shandong, les plateas di loess do Shanxi et do Shaanxi, et l' prolondjemint des monts Qinling. Des lavåjes castine et årziakes sont leyieyes par li fleuve Huang he dins les tinetes do Hai he, do Huai et el plinne do bas Huang he. Li loess, ki li spècheû atint 200 m, aujîyemint kimougnî, ascove les plateas do Shanxi, do Shaanxi et do Gansu. Les plinnes do bas et do moyén Chang jiang fwait shûte al tinete sédimintaires do Sichuan. Les lådjès valêyes di B.-P. sont diferinnes des cenes do Nonne-C., stroetes et bas èkêsseyes. Li N. compoirte des troclets montinnyeus, å rilief appalachyin, oriyantés B.-P. N.-C. Li tchinne des Nanling, li cene do Wuyi shan, paraleles al coisse, ècadrèt les provinces do Guandgdong et do Guangxi. Li coisse nonnrece est boirdeye d' iyes, ki l' pus grande est l' cene di Hainan.

Idrografeye

Rexhous do platea tibetin, les pus grands fleuves (Huang he, Chang jiang) ni raiwèt nén li pårt coûtchante del Chine. Vaila, seulmint sacwantès rivires si pierdèt e des marecadjeusès zônes oudobén e les dzerts. Li rijhea fluviå (5000 riv.) est sometou å redjime des moussons. A B.-P., les plouves del mousson di djulete a setimbe font shûte åzès grossès aiwes di prétins. Li plinne di Bijhe, ramouyeye pa li Huang he (5 464 km) et les cenes ki s' î agolinèt (Fen, Wei), li Hai he et li Huai he, dimeure sudjete a des enaiwåcions divowes ås deus tins di grossès aiwes anuweles rimant al fonte des nives (måss-avri) eyet al mousson. Dispû 1950, l' amoennaedjmint di ces fleuves a stî eterprins : digues ribasteyes e Mongoleye-Interieure et e li Grande Plinne; canål del Wangne do Peupe, seuwant ene pårt des aiwes do Huang he ; båraedjes-reservwers, et rewaidje gråce ås aiwes do Huai. Li cours do Huang he a bodjî aviè Nonne do cåziyea di Shandong (å XIVe s.) et a rivnou a si plaece oridjinele e 1851. Les rivires k' agolèt dins l' Huai, li bas et li moyén Chang jiang, les fleuves del coisse do Guangdong sont sometous ås grossès aiwes d' avri et di setimbe. Li cours superieur do Chang jiang a ses hôtès aiwes e djulete ey awousse. Li Chang jiang, bén ki stantchî, a amoirné beacop d' inondåcions (1931-1948). Riçuvant li Han shui, li Yuan jiang et li Xiang jiang, i trevåtche li tinlete do Sichuan ewou i si tchedje di rodjès lavåjes (grès). Adon k' i fwait 2 km di lådje a Wuhan, si lårdjeur n' est pus k' di 600 m a Nankin. Li daegne wangne dissu l' mer pa les depots di broûs et di sedimints etaçlés e si delta. Li payis do Chang jiang comprind on grand nombe di laks (Ti hu). Li Xi jiang ramouye li Guangxi et li Guangdong.

Climat et vedjetåcion

Ås fwebès precipitåcions èt à l' amplitude termike elevêye des Coûtchantrecès redjons (Mongoleye, Xinjiang oudobin Turkestan levantrece) rimèt ene vedjetåcion di tipe dezertike. Ene steppe à gramineyes ascouve les setchès zones : Ordos, Shaanxi, Ningxia, Qinghai. Li Bijhe-Ponant, di climat continentå, prezinte des iviernalès timperateures foirt basses (-30° C) ; esté tchôd (23° C) il apoite li macsimom des anuwelès ploeves. Li taïga et des bwès di coniferes covrèt les monts Hinggan. Li grande plinne di Chine conèt des timperateures pus doûces, adon k' ene continintalité accintuwêye ringne so les hôts plateas loessikes. Ene vedjetåcion timperêye, subtropicåle et tropicåle (fikî, cocotî, bananî) est foite è Chine do Nonne-Ponant. L'i vier, froed è les plinnes do Yangzi jiang, si timpere å Zhejiang eyet å Fujian. Les abondantès ploeves (1 100 mm) tcheyèt principålmint e moes d' djun.

Peuplåcion

Li principåle etneye, les Hans, ki rprezinte 92% des Chinwès, si dispårtit aprume dins les grandès plinnes del Chine levantrece (60 % des djins vikèt so 12% do teritwêre, çou ki rvént a 600 dim./km², ever 8 dim./km² è Xinjiang ou Turkestan levantrece). Tant k' ås 55 etneyes minoriteres oficiélmint rcinseyes, ele si pårtixhèt etur des peupes altayikes (Trouks, Mongols, Toungouzes, Corêyins) et peupes sino-tibetins (Hui, Tibetins, Sino-Thaïs, Miao-Yao, Tibeto-Birmans). Li cmaxhaedje eyet l' nombe des etneyes a tofêr sitî on problinme pol pouvwer chinwès, comunisse notanmint, ca si idêye pol payis sereut l' unitè. Ossi, li politike des minorités nåcionåles tûzêye à Pekin dispu 1949 balzine etur l' assimilåcion pô a pô på diswalpaedje economike et culturél èt ene integråcion ki s' freut pus radmint et waeraxhmint. Par egzimpe, li radicalisse des aneyes do Grand Hope en-avant èt del Revolucion culturele esta accoplé à usaedje del foice. Å contrere, les såvadjes acrotchaedje frontalîs etur Sovietikes èt Chinwès (860 touwés les 14 èt 15 mås 1969) fît ricrindre à Pekin li russificacion des provinces do B. èt favorisît ene politike d'acoirdaedje èt d'åtonomeye e Mongoleye-Interieûre e å Xinjiang ou Turkestan levantrece. Pus dierinnmint, l' intervencion sovietike e-n Afghanistan (nov. 1979) a dispierté on nacionalisme musulman el C. del Chine. Ci-ci a poûssé li gouviernemint chinwès à waîter otrumint li crexhince des minorités (90 % d'illettrisme conte 10 % e moyinne amon les Han). Li broke li pus veyåve di cisse politike des minorités riwaîte li Tibet dont les tcherpintes economikes ont sti sketeyes do tins do Grand Ope en-avant, adon ki l'"eradicacion rilidjeuze" del Revolucion culturele a ecoradji li inne conte les Han. L'åtre problinme mwaisse ki Pekin si trouve divant tént å crexhaedje d'ene populacion po l'principål rurale (2/3 del pop.) èt bramint djonne (e 1987, 608 miyons d' Chinwès avint mwins di 30 ans). Ci crexhaedje demografike la ebertake les effoirts di crexhince economike. Li politike dè l'efant unike et do mariaedje tårdu, inaugureye e 1979, n'a nén sti e muzeure di fé respècter l'objèctif di limitacion del populacion à 1,2 milliård al fén do XXe sieke. Les esperyinces di sterilizaedjes foirci a des omes n'ont avou ki pô d'poeds sol netalité, ki balzine regulieremint e moyinne annuwelle inte 18 èyèt 21 % dispu 1979.

Redjonalès unites

On pout distrokler li Chine levantrece e 4 principalès zones : Bijhe-Ponant, Bijhe, Mitan èt Nonne.

Bijhe å Levant.

I si stind inte li mer Djåne a N. (cåziyea di Liaodong- èt li fl. Amour a B. (frontiere del Rûsseye) ; c'est l'ancyinne Mandxhoureye (prov. di Heilongjiang, Liaoning, Jilin) ; li payis forme ene stinduwe plinne sicrouleye, aspoyeye ås montinnes do C. (Hinggan, mons di Mandxhoureye), èt ki li Songhua cort tot åvå a B. èt li Liao he a N. Li climat est fres (-4 °C di moyinne annuwele max. ; + 10 °C el cåziyea di Liaodong, avou co 150 djous di djaleye), mins les plouves bramint abondantes etertinèt les boes di montinnes, les pres des gritchetes èt permetèt di ritches cultures e plinne (kaoliang, soja). Grâce à si ritchesse e tcherbon èt fier èt al politike d'industriyalisacion meneye par li Djapon, li Liaoning est li pus grande zone siderurdjike di Chine, adon ki li Jilin a di grandes capacites idrelectrikes. Pus di 99 334 000 dim.

Bijhe.

Il est fôrmé påzès plinnes di loess des tinetes do Huang he (fleûve Djaene), do Huai he èt do Huai, èt li platea di loess (prov. di Hebei, Shandong, Henan, Shaanxi, Shanxi, Gansu) ; li daegne di loess i est foirt crås, mins divint pulverulint è cas di setcheûr. Les plouves sont raxhonneyes e l'esté, aminnant ènêwations èt coulines. Eles font djusk'à 750 mm a N.-P., mins sont coûrtes a B.-C. (250 mm). Li clima est continintal èt li moyinne annuwele ni dispasse nén 8 °C èl B.-C. A N., l'aîradje est beacôp pus doûs. Cwek' li Gansu, på accesibe ou semi-desertike, li payis est li cour del Chine traditionnèle èt economike. Grâce ås ovraedjes foû mèzeûre d'amoinnadjemint des fleûves (bâradje di Sanmen xia, Genzhouba) èt li meture e valixhance des rissources e txherbon èt fiêr, grâce eto al åje des communicacion e les tinetes èt å lådje disbouchi maritime, les lpinnes èt plateas del B., ki racayutèt pus di 314 997 000 dim., fôrmèt on des cours do payis.

Li Mitan

C'est one zone di tienes èt di montinnes edjanceneye par li coûrs moyin èt inférieûr do Chang jiang èt ewou lies plinnes si limitèt ås valeyes do fleûve èt di ses rivîres ki s'i agolinèt. Li payis ridjond l'oceyan par one coisse plate èt sauvlonneuse (prov. di Jiangsu, Jiangxi, Hubei, Hunan, Sichuan). Li payis est bin ramouyeye (di 700 à 2 500 mm/an), les iviers i sont tienes (moy. djan. 6° C) èt les estés txhås (28° C e djul.) èt umides. Ces condicions rigangnèt li moinde fertilité del daegn'. Oute l'agriculture (riz), cisse zone tint di grands rastenas di txherbon, di minerès, di boes èt on foirt grand potenciel hydrålike. Pus di 326 613 000 dim.

Nonne

Il fôme one lådje binde ki si stind parallèlemint al coisse, inte li baiye di Hangzhou èt li frontîre do Viêtnam (èt les plateas do Yunnan èt do Guizhou) ; li payis est divizé do Mitan pås mons do Guangdong, èt do Fujian (prov. di Zhejiang, Fujian, Guangdong, Guizhou, Yunnan ; redjon åtonome do Guangxi). C'est on payis di tienes èt di montinnes, ewou li pus grande plinne est li cenne ki fôrmèt li Xi jiang èt ses rivîres (delta di Canton). Les valleyes sont li pus sovint perpendiculeres al coisse, ki, å Levant, est discôpeye èt boirdeye di mwintes îyes. Li climat est timpéré txhåd avou des subtropicalès influwinces (moussons) ; precipitacions à make (1 000 à 2 500 mm/an) mins sovint foirt såvadjes. L'agriculture est mwins disvolpeye ki a Bijhe èt el Mitan ; l'iseûlemint des plateas èt des montinnes esplike ene economeye traditionnelle èt tårduwe. Les rastenas minîres, forestîres èt hydroeletrikes comptèt. L'activité des zones del coisse (pexhe, navigacion) est foirte. Pus di 213 542 000 dim.

Evolucion des structures

Amoinadjemint do territoere

Durant les aneyes 1950, e pårticulier do tins do Grand Hope enn' avant, des plans d'amoinadjemint territoriål ambicieux ont sti metus enn' eûve. Li zele eyet l'incompétence onst amoirné li broke di beacôps di prodjets. Mins sakantes realisacions sont sibarant. Insi, el dominne do raboesemint (lûte konte li kimagnaedje), li Grande Muraye vète ki i doereut dobler li Grande Muraye (2 000 do Gansu å Shanxi), li Gordene do B.-P. (1 200 km do Jilin å Liaoning) ou l'amoinadjemint do platea do loess el Shaanxi sont e boune voye di realisacion dispû les aneyes 1980 après li broke do k'mincemint divou åz exces di l'utilisacion do pin. Ci côp la, l'extencion des agricolès teres (prevoeyowe so 2 millions d'ha) e les sauvlonneusès redjons di Mongoleye-Interieûre, do Gansu eyet do Xinjiang, e parteye gråce al moin-d'ouve des deportés del Revolucion culturelle et des piyonniers di l'armeye, n'a nén diné les aboutixhants atindus.Ele xhone eto divu poiser des problinmes ecolodjikes. Pou les ovraedjes di construkcion di grands båraedjes, ils n'espetchèt nén co les touweûzès înondåcions e les deltas.

Dalaedje des naturelès rissources

Li Chine est li prumi producteû, consommateû èt expoirtateû mondial di txherbon après les Estats-Unis (2,5 miliârds di tonnes pâr an). 50 % des gisemints si trovèt å Coûtchant (Shaanxi, Henan). Li resse est kissemé a B. e so B. å L. (Heilongjiang, Hebei, Mongoleye-Interieûre). Les rûses k'i gn-a dins l'accès å e li mwaîje kalité do minerè rindèt li produccion asârdeûse à long tieme. Li produccion di petrole est importante e les principås cintes si trovèt so B. å L. à Daqing (tinete do Songliao, Heilongjiang), à B. à Shengli (tinete del B.) e so B. å C. è Tarim (Turkestan Couxhantrece ou Xinjiang). Li Chine a aviè 10 % des petrolierès riserves del Daegne. Li dalaedje a comminci dins les anneyes 1960 e li payis è divinou expoirtateû e 1974 (e moy. 25 % des rivinous anuwels des expoirtacions). Mins les gisemints rapoitèt di mons è mons (15 % di prod. annuwele è mons) à cåze not. k'il ont sti xhumés (sotot so B. å L.) e pâr les costaedje di production (problinmes di txheriaedje). Des concèssions di fouyaedje des rissources offshore ont sti attribueyes à des soces ètrindjîres è 1983, mins les costaedjes di fouyaedje sont abûsifs à Chengbei (Golfe di Bohai) èt el mer Djåne (å lådje di Shangai). Les potxhes di gåz naturel sont e Sichuan, à N. di l'îye di Hainan èt à N. del mer di Chine. Li minerè di fiêr pôve èt do minerè doet yesse impoerté po awè one meyeûre kalité d'l'aci, ki l'Chine est li 4e producteû del Daegne. Li mwaisse site siderurgike est Anshan (Liaoning). Li production des metås non fiêreus, or, keûve, aluminium, crexhe di 10 % tos les ans dispu ki li governemint a risatchî ås provinces l'autonomeye di dalaedje (1989). Li production d'electricité met li Chine å 5e rang mondial. Mins l'obsolescince di bramint d'générateûs èt l'absince di reseas interredjonås sont rèsponsâbes d'one piete di 20 % del prod. annuwele des intreprises industriyeles.

Mwaissès dnêyes

Djeyografeye

Idrografeye

Climat et vedjetåcion

Peuplåcion

Redjonalès unites

Evolucion des structures

Pfad - The Proxy pFad of © 2024 Garber Painting. All rights reserved.