緯度

用麥卡托投影法畫出來個地圖

緯度是某隻點搭地球球心個連線搭地球赤道面成個線面角，數值勒0°搭90°裏向。勒赤道北面個點緯度叫北緯，記成功N；勒赤道南面個點緯度叫南緯，記成功S。

緯度勒0°到30°裏向個場化叫低緯度地區；緯度勒30°到60°裏向個場化叫中緯度地區；緯度勒60°到90°裏向個場化叫高緯度地區。

赤道、南回歸線、北回歸線、南極圈搭北極圈是特殊個緯線。