ⴰⴱⵔⵥⵕⵓ

ⵉⴱⵔⵥⵕⴰ^[1] (ⵏⵖⴷ ⵉⵥⵕⴰ ⵎⵓ ⵢⴰⵜⵜⵓⵢ ⵡⴰⵜⵉⴳ) ⴳⴰⵏ ⵉⵎⵖⵓⵣⵏ ⵉⵙⴼⵍⵉⵍⵉⵏ ⵉⵜⵜⵓⵙⴽⵙⴼⵏ ⵉⵍⴰⵏ ⴰⵜⵉⴳ ⵉⵅⴰⵜⵔⵏ ⴷ ⴰⵔ ⵜⵜⵓⵙⵎⵔⴰⵙⵏ ⴳ ⵜⵎⴳⵓⵔⵉ ⵏ ⵜⵣⵓⵣⴰⴼ ⴷ ⵜⵉⵥⵉⵍⵉⵜ.

ⴰⵔ ⵜⴻⵜⵜⵎⵣⴰⵔⴰⵢ ⵜⵏⴼⴰⵍⵉⵜ ⵏ ⴽⵓ ⴰⴱⵔⵥⵕⵓ ⵅⴼ ⵡⵉⵢⴰⴹ ⵙ ⵉⵎⵔⵏⵓⵜⵏ ⴷ ⵉⴼⵔⴷⴰⵙ ⵏⵏⵙ ⴷ ⵡⴰⵏⴰⵡ ⵏ ⵉⴷⵖⴷⵓⵖⵏ ⵉⵎⵢⴰⴷⴰⴼⵏ ⴳ ⵜⵎⵀⴰⵍ ⵜⵉⴷⵙⵍⴰⵏⵉⵏ ⵏ ⵜⵏⴼⴰⵍⵉⵜ, ⴰⵏⵉ ⴰⵏⴳⵔⴰⵡ ⴰⵥⴹⵡⴰⵏ ⴰⴳⵔⵙⴰⵏ ⵉⵙⵎⵓⵏⴰⵏ ⵜⵓⴳⵜⵜ ⵏ ⵉⴱⵔⵥⵕⴰ ⵉⵎⵎⵔⵡⴰⵙⵏ. ⴰⵀⴰ ⵉⴳⴰ ⵓⵎⵣⴰⵔⴰⵢ ⵏⴳⵔ ⵓⴱⵔⵥⵕⵓ ⵅⴼ ⵡⵉⵢⴰⴹ ⵉⴼⵔⴷⴰⵙ ⵏ ⵓⵎⵢⴰⴷⴰⴼ ⴳ ⵓⵙⵙⵓⵏⵛⴽ ⴷ ⵜⵓⴳⵉ ⵓⵕⵎⵉⴹ ⵏ ⵓⴳⵔⵙ ⵏⵏⴰ ⵉⵜⵜⴰⵍⵙⵏ ⵜⴰⵎⵢⵓⵔⵜ ⴷ ⵓⵣⴷⴷⵓⵢ ⴷ ⵜⵎⵙⴽⵔⵜ ⵉ ⵡⴰⵎⵎⴰⵙ ⴳ ⵜⵓⴷⵎⵜ ⵏ ⵜⵎⵀⵍⵜ ⵏ ⵓⵙⴳⵔⵙ ⴷ ⴰⵔ ⵜⴻⵜⵜⵎⵢⴰⴳⴰⵔ ⵜⵙⴽⵯⴼⵍⵜ ⵏ ⵉⴽⵯⵍⴰⵏ ⵏⵏⵙ ⵙ ⵓⵎⵣⴰⵔⴰⵢ ⵏ ⵜⵙⴽⵯⴼⵍⵜ ⵏ ⵜⵙⵓⵙⵖⵜ ⵉⵥⵍⵉⵏ ⵙ ⵜⵓⴳⴷⵜ ⵏ ⵉⵎⵙⴽⴰⵔⵏ ⴰⵎ ⵡⴰⵏⴰⵡ ⵏ ⵉⵎⵖⵓⵣⵏ ⵏⵏⴰ ⵉⴽⵛⵛⵎⵏ ⴰⵎ ⵉⴷⵖⴷⵓⵖⵏ ⴳ ⵓⵙⵉⵍⵉⴽⵓⵏ ⵙ ⵡⴰⵎⵎⵏ ⵜⵓⴳⴷⵜ ⵏ ⵉⴱⵔⵥⵕⴰ ⴰⵔ ⵜⵜⴰⵡⵙⴽⴰⵔⵏ ⴰⵀⴰ ⵉⵇⵇⴰⵏ ⴷ ⵓⴱⴷⴰⵔ ⵉⵙ ⵇⴰⵃ ⴰⵏⴰⵡⵏ ⵏ ⵉⴱⵔⵥⵕⴰ ⵙⵎⵓⵏⴰⵏ ⵙⵉⵏ ⵉⴼⵔⴷⴰⵙ ⵏⵉⵖ ⵓⴳⴰⵔ ⵖⴰⵙ ⵜⵓⴼⴰⵎⴰⵍ ⵜⴻⵜⵜⴰⵡⵙⴽⴰⵔ ⵙ ⵢⴰⵏ ⵓⴼⵔⴷⵉⵙ ⵉⴳⴰⵏ ⴰⴽⴰⵔⴱⵓⵏ. ⴰⵔ ⵜⵜⴰⵡⵙⴽⴰⵔⵏ ⴽⵔⴰ ⵏ ⵉⴱⵔⵥⵕⴰ ⴳ ⴷⴷⴰⵡ ⵏ ⵜⵎⵓⵔⵜ ⵙ ⵜⵖⴱⵉ ⵉⵎⵢⴰⵏⴰⵡⵏ, ⴰⵀⴰ ⵣⵎⵔⵏ ⴰⴷ ⵎⵓⵏⵏ ⴰⴽⴷ ⴽⵔⴰ ⵏ ⵉⴼⵔⴷⴰⵙ ⵢⴰⴹⵏ ⴳ ⵜⵡⵍⴰⴼⵜ ⵉⵎⵢⴰⵏⴰⵡⵏ, ⴰⵎ ⵜⴰⵜⴰⵔⵓⴱⵉⵜ ⴷ ⵓⵥⵎⵕⵓⴹ ⴷ ⵜⵓⴼⴰⵎⴰⵍ ⵏⵏⴰ ⵉⵜⵜⵉⵍⵉⵏ ⴷⵉ ⴽⵔⴰ ⵏ ⵜⴽⴽⴰⵍ ⴳ ⵜⵖⴱⵉ ⵏ 160 ⵏ ⵓⵎⵉⵜⵔ, ⴰⵔ ⵜⵜⴼⴼⵖⵏ ⴳ ⵉⵎⵏⵥⴰⵥⵏ ⵉⴱⵓⵔⴽⴰⵏⵏ ⵙ ⵜⵖⴰⵔⴰⵙⵜ ⵏ ⵉⵎⴷⵓⴷⵉⵢⵏ ⵉⵏⴰⴽⴰⵍⵏ. ⴷⴰⵖ ⴽⵔⴰ ⵏ ⵉⴱⵔⵥⵕⴰ ⵢⴰⴹⵏ ⴰⵔ ⵜⵜⵉⵍⵉⵏ ⴳ ⵜⴳⵍⴷⵉⵜ ⵏ ⵉⵎⵓⴷⴰⵔ ⴰⵔ ⵜⵜⵓⵙⵓⴼⵓⵖⵏ ⵙⴳ ⵓⴱⵓⴹ ⵏ ⵢⵉⵍⵍ, ⴰⵎ ⵓⴷⵎⴰⵎ ⴷ ⵜⵎⵖⵡⴰⵏⵜ ⵏⵏⴰ ⵜⵓⵖⴰ ⵉⴳⴰ ⵙⴳ ⵉⴱⵔⵥⵕⴰ ⵉⵖⵓⴷⴰⵏ ⵎⵓ ⵉⵅⴰⵜⵔ ⵡⴰⵜⵉⴳ ⵍⵓⵎⵎⵏ ⵜⴰⵎⵖⵡⴰⵏⵜ ⵏ ⵓⵙⵍⴰⵍⵍⵓ ⵏⵏⴰ ⵢⵓⵎⵥⵏ ⵢⴰⵏ ⵓⵙⵓⵎⵍ ⴰⵎⴰⴹⵍⴰⵏ ⴰⴽⵙⵡⴰⵜ. ⵎⴽⴷⴰ ⴷⴰ ⴰⵖ ⵜⴰⴽⴽⴰ ⵜⴳⵍⴷⵉⵜ ⵜⴰⵎⵛⵉⵙⴽⴰⵏⵜ ⴰⵎ ⵜⵎⴱⵔⵜ ⵜⴰⵡⵔⴰⵖⵜ ⵉⵖⵓⴷⴰⵏ.

ⵉⴱⵔⵥⵕⴰ ⴳ ⵜⵓⵜⵍⴰⵢⵜ

A clear faceted gem supported in four clamps attached to a wedding ring — ⵜⵓⴼⴰⵎⴰⵍ

ⵉⴳⴰ ⵢⵉⵔⵎ ⵏ "Gemstones" ⴳ ⵜⵓⵜⵍⴰⵢⵜ ⵜⴰⵏⴳⵍⵉⵣⵜ ⵉⵍⴰⵏ ⵙⵏⴰⵜ ⵏ ⵜⴳⵓⵔⵉⵡⵉⵏ ⵏⵏⴰ ⵉⵜⵜⵡⴰⵙⵙⵏⵏ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙ "ⵉⴱⵔⵥⵕⴰ", ⵉⵥⵕⴰ ⵉⴳⴰⵎⴰⵏⵏ ⵏⵏⴰ ⵉⵜⵜⴰⵡⵙⴽⴰⵔⵏ ⴳ ⴷⴷⴰⵡ ⵏ ⵜⵎⵓⵔⵜ ⴰⵀⴰ ⵓⵔ ⵉⵜⵜⴰⴷⴼ ⵓⴼⴳⴰⵏ ⴳ ⵓⵄⴷⴰⵍ ⵏⵏⵙⵏ, ⴷ ⴰⵔ ⵜⵏ ⵉⵙⵙⵓⴼⵓⵖ ⵙⴳ ⴷⴷⴰⵡ ⵏ ⵜⵎⵓⵔⵜ, ⴰⵎ ⵜⵓⴼⴰⵎⴰⵍ ⴷ ⵜⴰⵜⵓⵔⴱⵉⵜ ⴷ ⵓⵥⵎⵕⵓⴹ. ⵉⵙⵙⵎⵔⵙ ⵜⵏ ⵓⴼⴳⴰⵏ ⴳ ⵜⵉⵥⵉⵍⵜ ⵏⵖⴷ ⵜⴰⵥⴰⵍⵍⵉⵜ ⴰⵀⴰ ⵉⴳⴰ ⴰⵙⵏ ⴰⵙⵎⵖ ⵙ ⵜⵎⵏⵜⴰⵍ ⴳ ⵉⴳⵯⵣⵎⴰⵏ ⴷ ⵉⴷⴷⴰⵏ ⵎⴰⵛⴰ ⴳ ⵓⴳⵣⵣⵓⵎ ⴰⴷ ⴰⴷ ⵏⵙⵙⵉⵡⵍ ⵅⴼ ⵉⴱⵔⵥⵕⴰ ⵙⴳ ⵜⵏⵉⵍⴰ ⵏ ⵜⵙⵏⴰⵥⵖⵓⵕⵜ ⴷ ⴰⴷ ⵏⵙⵙⵉⵡⵍ ⵅⴼ ⵜⵓⴷⴷⵎⴰ ⵏ ⵓⵥⵓⵕ ⵏ "Gemstones" ⴳ ⵜⵓⵜⵍⴰⵢⵜ ⵜⴰⵏⴳⵍⵉⵣⵜ, ⵍⵍⵉⴳ ⴷⴰ ⵜⴱⵟⵟⵓ ⵜⵓⵜⵍⴰⵢⵜ ⵜⴰⵏⴳⵍⵉⵣⵜ ⴳ ⵓⵥⵓⵕ ⵖⵔ ⵙⵉⵏ ⵉⴳⵯⵣⵎⴰⵏ ⵉⴷⵙⵍⴰⵏⵏ ⵉⴳⴰⵏ ⵜⵓⵜⵍⴰⵢⵜ ⵜⴰⵏⴳⵍⵉⵣⵜ ⵜⴰⵣⴰⵢⴽⵓⵜ ⴷ ⵢⵓⵎⴰⵏⵏ ⴳ ⵡⴰⵜⵜⴰⵢⵏ ⵏ 450 ⴷⴰⵜ ⵏ ⵜⵍⴰⵍⵉⵜ ⴷⴰⵢ ⵜⵇⵇⵉⵎ ⴰⵔ ⵜⴰⵙⵓⵜ ⵜⵉⵙ ⵙⵏⴰⵜ ⴷ ⵎⵔⴰⵡⵜ ⴷ ⵉⴼⴼⵖⵏ ⵙⴳ ⵜⵓⵜⵍⴰⵢⵉⵏ ⵜⵉⵊⵉⵕⵎⴰⵏⵉⵢⵏ ⵏ ⵓⴷⴰⵔⴰⵎ ⴷⴰⵢ ⵜⵓⵙⵉ ⵜⵓⵙⵓⵔⵜ ⵙⴳ ⵜⵓⵜⵍⴰⵢⵜ ⵜⴰⵏⵉⵕⵡⵉⵊⵉⵜ.

ⵉⴱⵔⵥⵕⴰ ⴳ ⵡⵓⵎⵉⵢⵏ ⵏ ⵉⵎⵣⵡⵓⵔⴰ

ⵙⴳ ⵡⴰⵀⵡⴰ ⵉⴽⴰⵎⴷ ⵓⴼⴳⴰⵏ ⵙ ⵉⴱⵔⵥⵕⴰ ⴰⵀⴰ ⵙⵙⵓⵙⵎⵏ ⴰⵙ, ⵍⵍⵉⴳ ⵖⵓⵔⵙⵏ ⴽⵔⴰ ⵏ ⵡⴰⴳⴳⴰⴹⵏ ⵉⴳⴰⵎⴰⵏⵏ ⵢⴰⵜⵜⵓⵢⵏ ⵉⵣⴷⵉⵏ ⴷ ⵓⵎⵏⵃⵓⵔ ⴰⵏⴰⵎⵓⵏ ⵏ ⵓⴼⴳⴰⵏ ⴷ ⵉⵎⵔⵙⵉⵜⵏ ⵏⵏⵙⵏ ⵏⵏⴰ ⵓⵔ ⵉⵜⵜⴱⴷⴰⴷⵏ ⵖⴰⵙ ⵅⴼ ⵜⵎⵙⵍⴰⵢⵉⵏ ⵜⵉⵏⴰⵎⵓⵏⵉⵏ ⴳ ⵜⵉⵣⵡⵉⵔⵉ, ⴳⴰⵏ ⵉⵕⵉⵕⴹⵏ ⵉⴳⴳⵓⵜⵏ ⵏ ⵉⴱⵔⵥⵕⴰ ⵉⵜⵜⵡⴰⵙⵙⵏⵏ ⴳ ⵓⵣⵎⵣ ⴰⴷ ⵜⵓⴷⴷⵎⴰ ⵙ ⵉⵙⵙⵏⵜⵉ ⵓⴼⴳⴰⵏ ⵉⵙⵡⵉⵏⴳⵉⵎ ⵢⴰⴳⴳⵓⴳⵏ ⵅⴼ ⵜⵉⵍⴰⵡⵜ ⴱⵍⴰ ⵉⵎⵓⵖⵍⵉⵜⵏ ⵉⴼⵍⵙⴰⴼⵏ ⴷ ⵉⵎⵉⵟⴰⴼⵉⵣⵉⴽⵏ.

ⵉⵙⵙⵏ ⵓⴼⴳⴰⵏ ⵜⵉⵣⵓⵣⴰⴼ ⴷ ⵉⴱⵔⵥⵕⴰ ⵙⴳ ⵡⴰⵜⵜⴰⵢⵏ ⵏ 40 ⵏ ⵢⵉⴼⴹ ⵏ ⵓⵙⴳⴳⵯⴰⵙ, ⴳ ⵡⴰⴽⵓⴷ ⴰⵏⵏ ⵉⵙⵙⵎⵔⵙ ⵜⵏ ⵓⴼⴳⴰⵏ ⴰⵎⵣⵡⴰⵔⵓ ⴳ ⵜⵎⴳⵓⵔⵉ ⵏ ⵜⵙⴷⴷⵉⵢⵉⵏ ⴷ ⵜⵣⵓⵣⴰⴼ.

ⵉⴱⵔⵥⵕⴰ ⴳ ⵜⵖⴰⵍⵉⵏ ⴷ ⵉⵙⴳⴷⴰⵏ

ⵜⵜⵓⴱⴷⴰⵔⵏ ⵉⴱⵔⵥⵕⴰ ⴳ ⵇⴰⵃ ⵉⵙⴳⴷⴰⵏ ⵏ ⵜⵎⵓⵔⵜ ⴷ ⵜⵖⴰⵍⵉⵏ ⵏⵏⵙⵏ, ⵙⴳ ⵜⵖⴰⵍⵉⵏ ⵜⵉⵇⴱⵓⵔⵉⵏ ⵏ ⵓⴼⴳⴰⵏ ⵜⵍⵍⴰ "ⵜⴱⵓⴷⵉⵜ" ⴰⵔ ⴰⵙⴳⴷ ⴰⵎⴳⴳⴰⵔⵓ ⵉⴳⴰⵏ "ⵉⵙⵍⴰⵎ",ⴱⴷⵏ ⵉⵙⴳⴷⴰⵏ ⴷⵉⵏ ⵉⴱⵔⵥⵕⴰ ⵙ ⵓⵏⵖⴰⴷ ⴷ ⵓⵙⵎⵖⵔ, ⴳ ⵍⵇⵓⵔⴰⵏ ⵉⵜⵜⵡⴰⴱⴷⵔ ⴽⵔⴰ ⵏ ⵉⴱⵔⵥⵕⴰ ⴳ ⵜⵙⴼⵙⵓⵜ ⵏ ⵓⵎⴰⵍⵍⴰⵢ ⴰⵀⴰ ⵉⵏⵏⴰ "يخرُجُ مِنهُما اللؤلؤ والمرجان" (ⴰⵔ ⵙⵉⵙⵏ ⵉⵙⵙⵓⴼⵓⵖ ⵜⴰⵎⵖⵡⴰⵏⵜ ⴷ ⵓⴷⵎⴰⵎ)^[2].

ⵜⵉⵥⵍⴰⵢⵉⵏ ⵜⵉⴼⵉⵣⵉⴽⵉⵏ ⴳ ⵉⴱⵔⵥⵕⴰ

ⴰⵔ ⵜⵜⵓⵙⵎⵎⴰⵏ ⵉⴱⵔⵥⵕⴰ ⵉⵙⵎⵓⵏⴰⵏ ⵉⵎⵖⵓⵣⵏ ⵉⴳⴰⵎⴰⵏⵏ ⴳ ⴽⵔⴰ ⵏ ⵜⵎⵀⴰⵍ ⵜⵉⵊⵓⵍⵢⵓⵊⵉⵢⵏ ⵙ ⵢⵉⵙⵎ ⵏ "ⵉⴱⵔⵥⵕⴰ" ⴰⵀⴰ ⵉⵥⵕⴰ ⴰⵎⴳⵓⵔⴰⵏⵏ ⴷ ⵉⴼⴼⵖⵏ ⵙⴳ ⵜⵓⴳⴷⵜ ⵏ ⵜⵎⵀⴰⵍ ⵜⵉⴽⵉⵎⵉⵢⵉⵏ ⴳ ⵉⵙⵓⵔⴰⵎ ⵉⵎⴳⵓⵔⴰⵏⵏ ⵉⵙⵎ ⵏⵏⵙⵏ ⵉⴱⵔⵥⵕⴰ ⴰⵔⵎⵉⴷⵉⵜⵏ, ⴰⵀⴰ ⵓⵔ ⵜⵣⴷⵉ ⵜⴳⵓⵔⵉ ⵖⴰⵙ ⵙ ⵜⵏⴼⴰⵍⵉⵜ ⵜⴰⴽⵉⵎⵉⵜ, ⵎⴰⵛⴰ ⵜⵣⴷⵉ ⴰⵡⴷ ⴰⴽⴷ ⵜⵓⵚⴽⵉⵡⵜ ⵜⴰⵎⵣⴰⵖⵓⵣⵜ. ⴰⵔ ⵜⵜⵎⵢⴰⴳⴰⵔⵏ ⵉⵎⵖⵓⵣⵏ ⴳ ⵓⵙⵏⴰⵢ ⵏ ⵉⴼⵔⴷⴰⵙ ⵓⵣⴷⵉⴳⵏ, ⴷ ⵜⵉⵙⵏⵜ ⵜⴰⴼⵔⴰⵔⵜ, ⴰⵔ ⵉⵙⵉⵍⵉⴽⵓⵏⵏ ⵉⵎⵎⵓⵏⴹⵏ ⵙ ⵜⵓⴳⴷⵜ ⵏ ⵉⵙⵏⴰⵢⵏ. ⴷⴰⵢ ⵜⵜⵡⴰⵙⵙⵏⵏⵜ ⵜⵎⵀⴰⵍ ⵉⵏⵏ ⵙ ⵓⵙⵏⴰⵢ ⴰⴽⵉⵎⵉ (chemical composition) ⵉⵜⵜⵡⴰⵙⵙⵏⵏ ⵙ ⵢⵉⵙⵎ ⵏ ⵜⵍⵖⴰ ⵜⴰⴽⵉⵎⵉⵜ ⵏⵏⴰ ⵓⵔ ⵉⵎⵙⵓⵏⴰⵏ ⵉⴷⵖⴷⵓⵖⵏ ⵉⵜⵜⴳⴳⵏ ⴰⴽⵍⵓ ⵏ ⵓⴱⵔⵥⵕⵓ.

ⴰⵙⵏⵎⴰⵍⴰ ⵏ ⵉⴱⵔⵥⵕⴰ ⵙ ⵓⵏⵜⵓⵎ

ⵙⴳ ⵉⵎⵣⴰⵔⴰⵢⵏ ⵉⵍⵍⴰⵏ ⵏⴳⵔ ⵉⴱⵔⵥⵕⴰ ⴷ ⵉⵥⵕⴰ ⵢⴰⴹⵏⵏ ⴰⵏⵜⵓⵎ, ⴷ ⵜⴷⵔⵙⵉ ⴷ ⵓⴽⵍⵓ, ⴰⵀⴰ ⴳⴰⵏ ⵉⵙⵖⴰⵍⵏ ⴷ ⵉⵙⴱⴷⴰⴷⵏ ⴰⴷ ⵉⵙⴷⴷⵉⴷⵏ ⵉⵎⴰⵙⵙⴰⵏⵏ ⵏ ⵜⵕⵡⵉ ⵏ ⵓⴱⵔⵥⵓ, ⴰⵀⴰ ⵜⵓⵎⵥ ⵜⵓⴼⴰⵎⴰⵍ ⵜⴰⴼⵙⵏⴰ ⵜⴰⵎⵣⵡⴰⵔⵓⵜ ⴳ ⵓⵏⵜⵓⵎ ⴷⴼⴼⵉⵔ ⴰⵙ ⵜⴰⵜⵓⵔⴱⵉⵜ, ⴰⵥⵎⵕⵓⴹ, ⵜⴰⵜⵓⴱⵔⵉⵜ ⵜⴰⵏⵉⵍⵉⵜ ⴷ ⵜⵎⵖⵡⴰⵏⵜ, ⴷ ⴰⵔ ⵜⵜⵎⵣⴰⵔⴰⵢⵏ ⵉⴽⵯⵍⴰⵏ ⵏ ⵜⵎⵖⵡⴰⵏⵜ ⵙ ⵓⵎⵣⴰⵔⴰⵢ ⵏ ⵜⵡⵏⵏⴰⴹⵜ, ⴷ ⴰⵔ ⵜⴻⵜⵜⴰⵡⵙⵖⴰⵍ ⵜⵣⴷⴳⵉ ⵏⵏⵙ ⴷ ⵜⵎⵖⵔⵜ ⵏ ⵓⴽⵙⴰⵢ ⵏⵏⵙ ⴷ ⵓⵔⴻⵔⵔⵉ ⵉⵏⵎⴰⵍⴰⵏ, ⴰⵀⴰ ⵉⴳⴰ ⵓⴽⵍⵓ ⵓⴱⵕⵕⴰⵏ ⴱⴰⴱ ⵏ ⵡⴰⵜⵉⴳ ⴰⵅⴰⵜⴰⵔ ⵓⴳⴰⵔ ⵏ ⵓⵎⵍⵍⴰⵍ ⵍⵍⵉⴳ ⵉⴷⵔⵓⵙ.

ⵓⵟⵟⵓⵏ	ⴰⴱⵔⵥⵕⵓ - ⴰⵎⴱⵔⵥⵕⵓ	ⵜⴰⵙⴽⵯⴼⵍⵜ ⵏ ⵓⵏⵜⴰⵎ
1	ⵜⵓⴼⴰⵎⴰⵍ^[3]	10
2	ⴰⴽⵓⵔⵏⴷⵓⵎ / ⵜⴰⵜⵓⵔⴱⵉⵜ ⵜⴰⵣⴳⴳⵯⴰⵖⵜ / ⵜⴰⵜⵓⵔⴱⵉⵜ ⵜⴰⵏⵉⵍⵉⵜ	9
3	ⴰⵣⵉⵔⴽⵓⵏ / ⴰⵍⵉⴽⵙⴰⵏⴷⵔⵉⵜ	8.5
4	ⵉⵙⴱⵉⵏⵉⵍ / ⴰⵜⵓⴱⴰⵣ	8
5	ⴰⴽⵡⴰⵎⴰⵔⵉⵏ / ⴰⴱⵔⵉⵍ / ⴰⵥⵎⵕⵓⴹ	7.5 - 8
6	sapphirine / Eucluse Andulusite	7.5
7	ⵜⵓⵔⵎⴰⵍⵉⵏ / ⴰⵊⵉⵎⵛⵉⵜ	7 - 7.5
8	ⴰⵙⵉⵜⵔⵉⵏ / ⴰⴳⵔⵙ / ⴰⵎⵔⵓ (ⴰⴽⵡⴰⵔⵜⵉⵣ) / ⴰⴽⵡⴰⵔⵜⵉⵣ ⵏ ⵡⴰⴳⴳⵓ / ⴰⴽⵡⴰⵔⵜⵉⵣ ⴰⵣⵡⴰⵡⴰⵖ	7
9	ⴰⴳⴰⵔⵏⵉⵜ / ⴰⵣⵉⵔⴽⵓⵏ / ⴰⵍⵉⵎⴰⵏⴷⵉⵏ	6.5 - 7
9	ⴰⴷⵖⴰⵖ / ⴰⵣⴰⴱⴰⵔⴳⴰⴷ / ⵜⵉⵟⵟ ⵏ ⵓⴽⵙⵉⵍ	6.5
10	ⴰⵥⵕⵓ ⵏ ⵜⵣⵉⵔⵉ / ⴰⴱⵉⵜⴰⵍⵉⵜ / ⴰⴱⵉⵔⵉⵜ / ⴰⵎⴰⵣⵓⵏⵉⵜ	6
11	ⴰⵥⵕⵓ ⵏ ⵉⴷⴰⵎⵎⵏ (ⴰⵀⵉⵎⴰⵜⵉⵜ) / ⵓⴱⴰⵍ / ⴰⵎⴰⴳⵏⵉⵜⵉⵜ	5.5 - 6
12	ⴰⵍⴰⵣⵓⵔⵓⴷ / ⴰⵜⵓⵔⴽⵉ	5
13	ⴰⴼⵍⵓⵔⵉⵜ / ⴰⴷⵎⴰⵎ	3-4
14	ⵜⴰⵎⵖⵡⴰⵏⵜ / ⴰⵜⴰⵍⴽ	3-1