Iù-hûi-á
Iù-hûi-á (Hàn-jī: 幼瓷仔; Eng-gí: porcelain) sī tī hûi-iô lāi-té kō͘ koân-un sio-·chhut-lâi ê tô-chû. The̍h-lâi sio iù-hûi-á ê châi-liāu sêng-hūn chú-iàu sī feldspar, silica, kap kaolin, í-ki̍p khòaⁿ su-iàu chiah ka-ji̍p ê potash, soda, ia̍h-sī chio̍h-hoe. Iù-hûi-á ê te̍k-sèng sī po-lê-hoà, thang-kng, tēng-tēng, chhè-chhè, bē kòe-chúi, bē kòe-tiān, nāi hòa-ha̍k chhim-si̍t, nāi jia̍t chhiong-kek. I sī pe̍h-sek ·ê, mā ū khó-lêng sī kî-thaⁿ jîn-kang ê sek-chúi.
Iù-hûi-á hŏng the̍h-lâi chè-chō chàu-kha pn̄g-toh-á ê óaⁿ-pôaⁿ, piān-só͘ ia̍h e̍k-keng ê ōe-seng siat-pī, phòe-kéng-phín, gē-su̍t-phín, kap thài-luh. In-ūi i bē kòe-tiān, mā hŏng the̍h-lâi chò choa̍t-iân ê hûi-á-chím kap hûi-á-óaⁿ. Khí-kho mā kā the̍h-lâi chò khí-lông, siuⁿ-bīn.