Osin
| Ji̍t-bûn siá-hoat | |
|---|---|
| Kana | おしん |
| Hepburn-sek Lô-má-jī | Oshin |
Osin (おしん) sī NHK (日本放送協会) tsū 1983 nî 4 nî 4 goe̍h kàu 1984 nî 3 goe̍h 31 ji̍t hòng-sàng--ê liân-sio̍k tiān-sī sió-suat (連続テレビ小説), sī 1980 nî-tāi siōng sî-kiânn--ê Ji̍t-kio̍k tsi it. Oshin tsîng-āu lóng-tsóng 297 tsi̍p, ta̍k tsi̍p 15 hun-tsing, sī NHK tshòng-li̍p 30 tsiu-nî--ê kì-liām tiān-sī-kio̍k. Oshin tī Ji̍t-pún kok-lāi siú-pòo siu-sī lu̍t 52.6%, sī Ji̍t-pún iú-sú í-lâi siu-sī lu̍t siōng kuân--ê tiān-sī-kio̍k. Tan tsi̍p--ê siōng kuân siu-sī lu̍t sī tē 186 tsi̍p (1983 nî 11 goe̍h 12 ji̍t)--ê 62.9%. Āu--lâi, Oshin iáu koh tī tsuân sè-kài 63 ê kok-ka hòng-sàng. Līng-guā, 1984 nî iáu bat kā Oshin sè-hàn kái-pian sîng manga tiān-iánn. 2013 nî, Oshin tiān-iánn (sin pán-pún) tsiūnn-iòng (上映).