浦口區
| 浦口區 | |
|---|---|
 浦口珍珠泉景區嘅竹筏遊樂 | |
| 明細 | |
| 普通話拼音 | Pŭkŏu |
| 所屬地級政區 | 南京市 |
| 政區類別 | 市轄區 |
| 成立 | 2002年5月 |
| 政府駐地 | 文德路18號 |
| 面積 | |
| - 全部 | 913 km2（353 sq mi） |
| 街道辦事處數目 | 9 |
| 人口（2013） | 71萬 |
| 郵政編碼 | 211800（原江浦縣）、210031同210032（原浦口區） |
| 電話區號 | +86 (0)025 |
| 時區 | 中國時區：UTC+8 |
| 網站： 浦口區府 | |
浦口區（浦讀普，粵拼：pou2 hau2 keoi1）係中華人民共和國江蘇省南京市嘅市轄區。呢度高校雲集，一啲大學比如南京農業大學、南京大學、南京工業大學都喺呢道設校區。呢度亦都成為國家高新技術產業開發區。
史
[編輯]- 浦口區起源自民國時南京嘅第八區。浦口區原先係江浦縣轄地（有部分屬六合縣），「浦」意思係水邊，「口」即係口岸，「浦口」即係商埠。
- 民國十六年（1927年）國民政府定都南京，將江浦嘅商埠地方劃出江浦縣，入南京市。
- 民國二十二年（1933年）南京劃區，呢度劃成第八區，當地人又叫浦口區。
- 1937年到1946年間，浦口區曾經解散入江浦、六合呢兩個縣，之後恢復。
- 1949年4月25號，江浦縣嘅浦鎮、東門鎮畀咗南京市，併入到原先嘅浦口，並且改名兩浦區；6月2號，恢復叫「第八區」。
- 1950年6月15號，南京重新劃區，第八區改為第七區。
- 1955年8月3號，第七區改叫「浦口區」。
- 2002年5月，江浦縣併入浦口區，區府駐喺原先江浦縣府駐地珠江鎮（而家嘅江浦街道文德路18號）。
地理
[編輯]浦口區南邊係長江，北面有滁河。佢同南京市中心隔咗條長江，歷來係南京城北門，南京長江大橋開通之後，華中、華北去南京、上海嘅火車都運浦口行，所以呢度係鐵路、輪渡嘅交通要點。家下浦口港係長江主要埠頭之一。
政區
[編輯]浦口區轄9條街道，其中有3條街道畀南京高新技術產業開發區託管。另有2個場、3個省級開發區。
