醋酸

醋酸結構

醋酸（CH₃COOH），又叫乙酸，係有機化合物，公認係食醋內酸味同刺激氣味嘅來源。

醋酸溶喺水嗰時得少量氫離子電離出，係部分電離嘅酸，即係弱酸，酸度係數4.75（25℃）。

合成

氧化

可以氧化乙醇或乙醛生產醋酸。當中可以用重鉻酸鉀來做氧化劑。過程要回流加熱。

可以以醋杆菌屬嘅細菌氧化酒入面的乙醇，變成醋酸。通常係用蘋果酒同葡萄酒同麥芽、碎發ㄦㄦㄎㄘㄨㄑㄩㄘㄔ爾克族區才出場音樂藝術藝術藝術痾車子一餓唷則ˉㄛㄜㄗˊㄛㄠˊ奧哦

反應

酸

乙酸係羧酸，有酸嘅通性，可以同金屬或者鹼反應；亦會同碳酸鹽或碳酸氫鹽反應出乙酸鹽、二氧化碳同水。

氧還

渠係羧酸，可以用硼氫化鈉或氫化鋁鋰做還原劑還原出乙醇。

酯化

渠可以酯化醇生成相應乙酸酯；例如乙酸同乙醇反應，用濃硫酸催化，加熱，可以出乙酸乙酯。

仲有，醋酸可以先同三氯化磷反應出乙醯氯，再同氨反應出乙酰胺。

用途

有機合成

醋酸會同好多嘢反應，產生唔同化合物。好似乙酸乙酯、乙酸丁酯等咁，渠可以用做有機溶劑等。仲有，兩分子醋酸可以脫水生產乙酸酐，乙酸酐喺工業好重要，一般用去乙酰化。

食物

醋就有醋酸；可以用來調味，或者用去醃嘢。醋酸加落食物可以增加酸味。有種乙酸鹽叫乙酸鈉，係調味料，可以加入食物度。

溶劑

醋酸係有機溶劑，但渠有羧基，因此有極性。渠可以溶解好多化合物，亦可以用作重結晶嘅溶劑。