Hiragana
 | |
| Tipos | sistema d'escritura natural, silabariu y alfabetu de caxa única |
|---|---|
| Llingües | xaponés |
| Creador | Shi Konghai |
| Dates | 800 |
| Orixe | Xapón |
| Basáu en |
sōgana (en)  |
| ISO 15924 | Hira (410) |
| Direición del testu |
vertical right-to-left (en) y d'izquierda a derecha |
| Estaya Unicode | U+3040-309F[1] |
 | |
L'hiragana (平仮名; ひらがな) ye ún de los dos silabarios emplegaos na escritura xaponesa xunto col katakana. Tamién se suel emplegar hiragana pa referise a cualaquiera de los carauteres d'esi silabariu. Cuando se refier al conxuntu de silabarios hiragana y katakana se-y conoz como Kana.
Estos carauteres, al aviesu que los kanji, nun tienen nengún valor conceutual, sinón namái fonéticu.
El silabariu hiragana consta de 46 carauteres que representen sílabes formaes por una consonante y una vocal, o bien una única vocal. La única consonante que pue dir sola ye la 'n'.
Esti silabariu emplégase na escritura de pallabres xaponeses, partícules y desinencies verbales; en contraste col katakana que s'emplega pa pallabres foriates y onomatopeyes. Poro, l'hiragana ye'l primer silabariu que deprienden los neños nipones. A midida que depruenden los kanji, los estudiantes van reemplazando los carauteres silábicos en favor de los carauteres chinos.
Referencies
[editar | editar la fonte]- ↑ URL de la referencia: https://www.unicode.org/versions/Unicode13.0.0/ch18.pdf.
Enllaces esternos
[editar | editar la fonte]
Wikimedia Commons tien conteníu multimedia tocante a Hiragana.
