Nord-konga arbara-savana mozaiko
| Nord-konga arbara-savana mozaiko | |
|---|---|
 | |
| ekoregiono laŭ Monda Natur-Fonduso [+] | |
| Landoj | Kameruno, Centr-Afrika Respubliko, Demokratia Respubliko Kongo, Sud-Sudano |
| Akvokolektejo | 708 100 km² (70 810 000 ha) [+] |
| Areo | 703 010 km² (70 301 000 ha) |
La nord-konga arbara-savana mozaiko estas ekoregiono el la afrik-arbara ekoprovinco de la afrotropisa ekozono, laŭ la tipologio de la Monda Natur-Fonduso (WWF). Biome ĝi apartenas al la tropikaj kaj subtropikaj herbejoj, savanoj kaj arbedaroj de Centra Afriko. Ĝi ampleksas zonon de interplektataj arbaroj, savanoj, kaj herbejoj.
Priskribo
[redakti | redakti fonton]La ekoregiono kovras areon de 708 100 da kvadrataj kilometroj kaj ĝi etendas sin ekde Kameruno ĝis Ugando, irante tra Centrafrika Respubliko, Demokratia Respubliko Kongo kaj Sud-Sudano. Ĝi estas parte de la zono de arbara-savana mozaiko kiu apartigas la arbarojn de ekvatora Afriko de la tropikaj savanoj, kaj ĝi enhavas la arbajn savanojn la plej nordaj de Afriko. Ĝi etendas sin ekde Kameruna Vulkanlinio okcidente, tra la centro de Kameruno kaj la sudo de Centrafrika Respubliko, ĝis la sudokcidento de Sud-Sudano kaj la nordoriento de Kongo Kinŝasa. Ĝi ankaŭ inkludas mallarĝan zonon de la nordokcidento de Ugando. Ubango kaj Uele-Rivero konstituas la sudan limon de la ekoregiono, dum Gazelo-Rivero (Bahr el Ghazal) estas la orienta limo.
La ekoregiono limtuŝas norde kaj oriente la orient-sudanan savanon, nordoriente la saharajn inunditajn herbejojn, okcidente la gvinean arbaran-savanan mozaikon, la kamerunajn montarbarojn kaj la marbordan arbaron de Kros-Sanago-Bioko, sudoriente la Albert-riftajn montarbarojn, kaj sude la nordokcident-kongajn malaltaĵajn arbarojn kaj la nordorient-kongajn malaltaĵajn arbarojn.
La klimato estas tropiksavana. Ĝenerale estas seka sezono kaj pluva sezono. La averaĝa jara precipitaĵo, variante inter 1 200 kaj 1 600 mm, estas ju pli alta des pli sude oni troviĝas. La plej granda parto de la ekoregiono estas altebenaĵo kun altitudo de ĉirkaŭ 500 da metroj, kiu levas sin ĝis 700 okcidente.
Flaŭro
[redakti | redakti fonton]La flaŭro estas varia; la ekoregiono enhavas galerian arbaron, arbajn savanojn kaj herbecajn savanojn, kun specioj tipaj por la sudanaj savanoj pli norde kaj por la kongaj arbaroj pli sude.
Faŭno
[redakti | redakti fonton]La karakterizaj mamuloj de la ekoregiono estas la giganta taŭrotrago (Taurotragus derbianus), la tragelafo (Tragelaphus eurycerus), la akvantilopo (Kobus ellipsiprymnus), la kobo (Kobus kob), Erythrocebus patas (cerkopitekedoj), la ĉevala hipotrago (Hippotragus equinus), la afrika bubalo (Syncerus caffer), la amfibia hipopotamo (Hippopotamus amphibius), la ĝirafo (Giraffa camelopardalis), la leono (Panthera leo) kaj la leopardo (Panthera pardus).
La nila krokodilo (Crocodylus niloticus) ĉeestas en la riveroj en la nordo de la ekoregiono.
Endemiismoj
[redakti | redakti fonton]La galeriaj arbaroj de Nacia Parko Garamba gastigas la lastajn specimenojn de la norda larĝlipa ceratoterio (Ceratotherium simum cottoni); kaj la lasta populacio de la okcidenta pintlipa dicero (Diceros bicornis longipes) postvivas en la ekstrema okcidento de la ekoregiono.
Estas pluraj endemiaj specioj de reptilioj kaj amfibioj. El tiuj la blinda serpento Rhinotyphlops sudanensis, la lacerto Ichnotropis chapini kaj la kolubredo Helophis smaragdina; el tiu ĉi, la ranoj Amnirana longipes, Ptychadena ingeri, Phrynobatrachus albomarginatus, Phrynobatrachus scapularis kaj Hymenochirus boulengeri.
Minacoj kaj konservado
[redakti | redakti fonton]La ekoregiono estas krize endanĝerigata. La nestabileco politika, same kiel la alkresko de la loĝantaro, estas la precipaj minacoj En la nordoriente de Demokratia Respubliko Kongo troviĝas Nacia Parko Garamba; ĝi estas signita Monda Heredaĵo de Unesko fare de Unesko en 1980. En Kameruno situas Nacia Parko Mbam-Djerem.
Vidu ankaŭ
[redakti | redakti fonton]- Arbara-savana mozaiko
- Ekologia klasifiko de la tersupraĵoj
- Konservada stato de ekoregiono
- Listo de ekoregionoj en Demokratia Respubliko Kongo
Eksteraj ligiloj
[redakti | redakti fonton]
- angle Ekoregiono AT0712 : Nord-konga arbara-savana mozaiko (WWF).
- angle Nord-konga arbara-savana mozaiko (WWF-Wildworld)
- angle Nord-konga arbara-savana mozaiko (Wildworld) - Nacia Geografia Societo
- angle Nord-konga arbara-savana mozaiko (The Encyclopedia of Earth)
- angle Nord-konga arbara-savana mozaiko (Globalspecies) Arkivigite je 2014-07-14 per la retarkivo Wayback Machine
- angle Situo de la ekoregiono AT0712 : tajpu "Northern Congolian forest-savanna mosaic"