FC Porto

Futebol Clube do Porto

Ezizena(k)	Dragões, Azuis e Brancos
Sorrera	1893
Futbol zelaia	Estádio do Dragão edukiera: 52.000 lagun inaugurazioa: 2003
Presidentea	Jorge Nuno Pinto da Costa
Entrenatzailea	Sérgio Conceição
Liga	Primeira Liga
2023-24	3.a
Webgunea	Webgune ofiziala
Etxekoa 　 Kanpokoa

Arsenalen aurkako partida 2006ko Txapeldunen Ligan.

FC Porto eta Rapid Vienaren arteko partida elurpean, 2011eko UEFA Kopan.

2013ko Valais Kopako garaipena ospatzen.

Estádio do Dragão.

FC Porto (Futebol Clube do Porto) Portugalgo futbol talderik onenetakoa da, "hiru handien" artean baitago. Berau da Lisboakoa ez den bakarra, Porto hirikoa baita izatez. Portugalgo txapelketa ugari irabazteaz gain nazioarte mailan punta puntako taldea izan da, tartean Kontinente arteko Futbol Kopa birritan ere irabazi baitu.

Historia

Sorrera

António Nicolau de Almeida merkatariak sortu zuen 1893 urtean. XX mendean Portugalgo talde handia izan zen. 30.hamarkadan hiru liga eta Iberiar Kopa bat irabazi zituen, eta Bigarren Mundu Gerraren ondoren 1956 eta 1958an ligak eta kopak lortu zituen.

Nazioarteko lehen garaipenak

1984 artean Porto zen "Portugalgo hiru handien" artean Europako titulurik ez zeukan talde bakarra. Urte horretan Europako Errekopako finala galdu zuen Italiako Juventus FC-ren aurrean baina 1987an Europako Kopa (FC Bayern Munich 2-1 gaindituz) eta Kontinente arteko Futbol Kopa (CA Peñarol, berriz 2-1) lortu zituen. Urte bikaina bukatzeko Europako Superkopa ere eskuratu zuen Ajax Amsterdami bi partidatan 1-0 irabaziz. Hurrengo urteetan Portugalen puntako taldea izaten jarraitu zuen baina Europako txapelketatan ez zuen emaitza aipagarririk izan.

XXI mendea: Urrezko Aro berria

XXI mendean Portugalgo talde nagusia bihurtu da, 9 Liga, 7 Kopa eta 9 Superkopa irabazi baititu. Azken hiru denboralditan Jackson Martinez aurrelari kolonbiarra golegile nagusia izan da.

Europan ere mende berria indartsu hasi zuen 2003rako UEFA Kopa eskuratuz eta hurrengo urtean berriz ere Txapeldunen Liga (finalean AS Monacori 3-0) eta Kontinente artekoa irabazi zituen, oraingoan 0-0 egin ondoren CD Once Caldas penalti jaurtiketetan gaindituz. 2011ean bigarren UEFA Kopa eskuratu zuen finalean SC Braga gaindituz.

2014an Julen Lopetegi asteasuarra fitxatu zuen entrenatzaile lanetarako. 2014-15 denboraldian Txapeldunen Ligan aritu da eta taldekako fasean Athletic-en talde berean kokatua izan da. Partida bietan portotarrak izan dira nagusi. Final laurdenetaraino iritsi da baina Bayern Munichek kanporatu du. Portugalgo ligan bigarren postuan amaitu du. 2015ean emaitza eskasen erruz Julen Lopetegi bota zuten eta Ligan 3. egin zuen arren Kopako finala jokatu zuen eta penaltietan galdu zuen titulua. 2018an Liga berri bat irabazi zuen eta 2020an Liga eta Kopa.

Uniformea

1906 inguruan hainbat uniforme erabili zituen baina 1909an Monteiro da Costa-k marra urdin eta zuriak zituen elastikoak diseinatu zituen. Hasiera batean polemika piztu zen hiriko kolore berde eta zuria erabiltzea egokiagoa zela esanez, baina Monteiro da Costak orduko Portugalgo banderaren koloreak hobetsi zituen, urdina eta zuria.

Historikoa

1906

'

'

1909-tik

Azken urteak

2013-2014	2014-2015	2015-2016	2016-2017	2017-2018
2018-2019	2019-2020	2020-2021	2021-2022	2022-2023

Palmaresa

Portugalen: 77

• Portugalgo futbol liga (30): 1934-35, 1938-39, 1939-40, 1955-56, 1958-59, 1977-78, 1978-79, 1984-85, 1985-86, 1987-88, 1989-90, 1991-92, 1992-93, 1994-95, 1995-96, 1996-97, 1997-98, 1998-99, 2002-03, 2003-04, 2005-06, 2006-07, 2007-08, 2008-09, 2010-11, 2011-12, 2012-13, 2017-18, 2019-20, 2021-22.
• Portugalgo futbol kopa (20): 1956, 1958, 1968, 1977, 1984, 1988, 1991, 1994, 1998, 2000, 2001, 2003, 2006, 2009, 2010, 2011, 2020, 2022, 2023, 2024.
• Portugalgo Txapelketa (Kopa, 1922-1938) (4): 1922, 1925, 1932, 1937.
• Portugalgo Superkopa (23): 1981, 1983, 1984, 1986, 1990, 1991, 1993, 1994, 1996, 1998, 1999, 2001, 2003, 2004, 2006, 2009, 2010, 2011, 2012, 2013, 2018, 2020, 2022.

Porton: 44

• Portoko futbol txapelketa (30): 1914–15, 1915–16, 1916–17, 1918–19, 1919–20, 1920–21, 1921–22, 1922–23, 1923–24, 1924–25, 1925–26, 1926–27, 1927–28, 1928–29, 1929–30, 1930–31, 1931–32, 1932–33,1933–34, 1934–35, 1935–36, 1936–37, 1937–38, 1938–39, 1940–41, 1942–43, 1943–44, 1944–45, 1945–46, 1946–47.
• Portoko futbol kopa (14): 1915–16, 1916–17, 1947–48, 1956–57, 1957–58, 1959–60, 1960–61, 1961–62, 1962–63, 1963–64, 1964–65, 1965–66, 1980–81, 1983–84.

Nazioartean: 8

• Kontinente arteko Futbol Kopa:
  • Txapelduna (2): 1987, 2004.
• Europako Kopa:
  • Txapelduna (2): 1987, 2004.
• UEFA Kopa:
  • Txapelduna (2): 2003, 2011.
• Europako Errekopa:
  • Txapelduna (0)
  • Finalista (1): 1984.
• Europako Superkopa (1):
  • Txapelduna (1): 1987
  • Finalista (3): 2003, 2004, 2011.
• Iberiar Kopa (1): 1935.

Jokaturiko nazioarteko finalak

Txapelketa	Urtea	Txapelduna	Emaitza	Finalista	Hiria
Kontinentearteko Kopa	1987	Porto	2-1	CA Peñarol
	2004	Porto	0-0 (pen 8:7)	Once Caldas
Europako Kopa eta Txapeldunen Liga	1986-87	Porto	2-1	Bayern Munich	Viena
	2003-04	Porto	3-0	AS Monaco	Gelsenkirchen
Europako Superkopa	1987	Porto	2-0 (1-0, 1-0)	Ajax Amsterdam
	2003	AC Milan	1-0	Porto
	2004	Valencia	2-1	Porto
	2011	FC Barcelona	2-0	Porto
UEFA Kopa	2002-03	Porto	3-2	Celtic Glasgow
	2010-11	Porto	1-0	Sporting Braga
Europako Errekopa	1983-84	Juventus FC	2-1	Porto

Jokalari ezagunak

• Deco
• Fernando Couto
• Paulo Futre
• Vítor Baía

Euskal taldeen aurkako partidak

Portok partida hauek jokatu ditu euskal taldeen aurka:

Denboraldia	Txapelketa	Fasea	Etxekoa	Emaitza	Kanpokoa
1956-57	Europako Kopa	1. itzulia	Porto Athletic	1-2 3-2	Athletic Porto
2014-15	Txapeldunen Liga	Multzokako fasea	Porto Athletic	2-1 0-2	Athletic Porto

Kanpo estekak

• (Portugesez)(Ingelesez)Webgune ofiziala

• Datuak: Q128446
• Multimedia: Futebol Clube do Porto / Q128446