Gaztela eta Leon

Gaztela eta Leongo Autonomia Erkidegoa
	Comunidad Autónoma de Castilla y León
; Gaztela eta Leongo bandera	; Gaztela eta Leongo armarria
Geografia
Hiriburua	Ez aitortuta; 41°45′16″N 4°46′55″W
Hiririk handiena	Valladolid
Azalera	94.223
Punturik altuena	Torre Cerredo
Mugakideak	Madrilgo Erkidegoa, Galizia, Asturiasko Printzerria, Kantabria, Euskal Autonomia Erkidegoa, Errioxa, Aragoi, Gaztela-Mantxa, Extremadura eta Iparraldeko eskualdea
Administrazioa
Presidentea	Alfonso Fernández Mañueco (PP)
Legebiltzarra	Gaztela eta Leongo Gorteak
Demografia
Biztanleria	2.383.139
Dentsitatea	25,29 bizt/km²
Hizkuntza ofizialak	ikusi gaztelania ;
Ekonomia
BPG nominala	53.988.901.000 € (2014)
BPG per capita	21.727 € (2014)
Historia
	Sorrera data: 1983
Bestelako informazioa
Ordu eremua	ikusi Udako ordutegi: UTC+02:00 ; ordutegi estandarra: UTC+01:00 ;
	jcyl.es

Gaztela terminoaren beste esanahi batzuen berri izateko, ikus: «Gaztela (argipena)»

Gaztela eta Leon^[1] (gaztelaniaz: Castilla y León) Espainiako iparraldeko autonomia erkidego bat da. Izan ere, hedaduraz erresuma horretako autonomia erkidegorik handiena da, 94.223 kilometro koadro baititu; biztanle dentsitate txikia du, ordea, 2.424.395 biztanle baitzituen 2017an.

Erkidegoa sortu zen Leongo Erresuma eta Gaztelakoa osatzen zituzten lurraldeen bat egite modernotik. Bederatzi probintziak osatzen dute: Leongo hirurek (León, Zamora eta Salamanca) eta Gaztelako seik (Palentzia, Valladolid, Ávila, Segovia, Burgos eta Soria): Gaztela Zaharra, 1983 arte, Kantabriak eta Errioxak ere osatzen zuten.

Geografia

Datu orokorrak

Gaztela eta Leongo ibairik garrantzitsuenak Duero eta Ebro dira, lehenengoa erkidegoa ekialdetik mendebaldera gurutzatzen duena Portugalerantz: Soria, Burgos, Valladolid, Zamora eta Salamancako probintziak zeharkatzen ditu. Ebro ibaia Burgosetik baino ez da igarotzen.

Lurraldeko zati handienean, erdialdean, Meseta zabaltzen da 800 metro batez besteko altueran. Periferian, bestela, mendiguneak kokatzen dira: Iparraldean Kantauriar mendikatea, hegoaldean Erdialdeko Sistema (mendebaldean Gatako mendilerroa, Sierra de Francia, Béjarreko mendilerroa eta Gredoskoa, eta ekialdean Ávilako mendilerroa, Guadarrama, Somosierra eta Ayllón), ekialdean Iberiar sistema eta ipar-mendebaldean Galizia-Leongo mendigunea.

Mugakideak

Gaztela eta Leonek mugakide hauek ditu:

Mendebaldean: Portugal eta Galizia
Iparraldean: Asturias, Kantabria, Euskal Autonomia Erkidegoa eta Errioxa.
Ekialdean: Aragoi eta Gaztela-Mantxa
Hegoaldean: Madrilgo Erkidegoa, Gaztela-Mantxa eta Extremadura

Probintziak eta hiriburuak

Udalerri nagusiak

Kultura

Literatura

Gaztelaniazko idazle klasikoak eman izan ditu lurralde honek historian zehar, besteak beste Iñigo López de Mendoza "Marqués de Santillana", Jorge Manrique, Teresa Ávilakoa eta Joan Gurutzekoa, eta inspiratu ditu beste batzuk, Fernando de Rojas ("La Celestina") edo "El Cantar del Mío Cid" eta "El Lazarillo de Tormes"-en egile ezezagunak.

XIX. mendetik aurrera, José Zorrilla, Miguel Delibes, Carmen Martín Gaite eta Jorge Guillén. Bertako paisaiek inspiratu zituzten Gustavo Adolfo Bécquer, Juan Ramón Jiménez edo Antonio Machado bezalakoak.

Musika

Celtas Cortos, Café Quijano, Los Flechazos, La Musgaña, Nuevo Mester de Juglaría, Greta y los Garbo, Arizona Baby bertako musika talde ezagunen artean daude.

Hizkuntzak

Gaztela eta Leongo hizkuntza nagusia gaztelania da. Izan ere, lurralde horren ipar-ekialdean sortu zen, aditu gehienen ustez, eta izena ematen dio hizkuntzari.

Badira bertako beste mintzaira gutxitu batzuk ere, ofizialak izan gabe: Leongo mendebaldeko Bierzo eskualdean, galizieraren dialektoak hitz egiten dira. Leon, Zamora eta Salamancako probintzietako inguru batzuetan, bestalde, leonera ere mintzatzen da (asturierari lotutako mintzaira). Salamancako probintziaren hegoaldean, badira extremadureraren hiztunak. Azkenik, Trebiñuko Konderrian euskal hiztunak bizi dira, eta ikastola bat dago Argantzongo herrian.

Erreferentziak

↑ Euskaltzaindia. (PDF) 154. arauaː Europako eskualde historiko-politiko nagusiak. .
↑ Instituto Nacional de Estadística - Cifras oficiales de población. 2016.01.01

Ikus, gainera

Kanpo estekak

Gaztela eta Leongo Junta.
Gaztela eta Leongo Gorteak.
Turismo Castilla y León, Gaztela eta Leongo Juntaren turismo informazioko webgunea.

Datuak: Q5739
Multimedia: Castile and León / Q5739

[1] Euskaltzaindia. (PDF) 154. arauaː Europako eskualde historiko-politiko nagusiak. .

[2] Instituto Nacional de Estadística - Cifras oficiales de población. 2016.01.01

[1]

[2]

i e a Gaztela eta León: biztanle gehien duten udalerriak Iturria: Instituto Nacional de Estadística (2016)^[2]
	Post.	Izena	Probintziak	Biztanleak	Post.	Izena	Probintziak	Biztanleak
Valladolid Burgos	1	Valladolid	Valladolid	301.876	11	Miranda de Ebro	Burgos	35.922	Salamanca León
	2	Burgos	Burgos	176.608	12	Aranda de Duero	Burgos	32.621
	3	Salamanca	Salamanca	144.949	13	San Andrés del Rabanedo	León	31.470
	4	León	León	126.192	14	Laguna de Duero	Valladolid	22.696
	5	Palentzia	Palentzia	79.137	15	Medina del Campo	Valladolid	20.774
	6	Ponferrada	León	66.447	16	Arroyo de la Encomienda	Valladolid	19.042
	7	Zamora	Zamora	63.217	17	Villaquilambre	León	18.583
	8	Ávila	Ávila	58.083	18	Benavente	Zamora	18.315
	9	Segovia	Segovia	52.257	19	Santa Marta de Tormes	Salamanca	14.939
	10	Soria	Soria	39.171	20	Béjar	Salamanca	13.403

i e a Espainiako autonomia erkidegoak
Autonomia erkidegoak	Andaluzia · Aragoi · Asturiasko Printzerria · Balear Uharteak · Errioxa · Euskal Autonomia Erkidegoa · Extremadura · Galizia · Gaztela eta Leon · Gaztela-Mantxa · Kanariak · Kantabria · Katalunia · Madrilgo Erkidegoa · Murtziako Eskualdea · Nafarroa · Valentziako Erkidegoa
Autonomia hiriak	Ceuta · Melilla
Bestelako lurrak	Afrika iparraldeko espainiar subiranotasuneko uharteak