Tokelau

Tokelau
Tokelau
Ereserkia: God Save the King
Goiburua: Tokelau Mo Te Atua (Tokelau Ahalguztidunarentzat)
flag of Tokelau (en) Symbol of Tokelau (en)
Geografia
Hiriburua	Ez du1 9°22′48″S 171°13′8″W
Azalera	10 (228)
Kontinentea	Uharteetako Ozeania
Administrazioa
Gobernu-sistema	Monarkia konstituzionala
Erregea	Karlos III.a
Zeren kide	ikusi UNESCO
Demografia
Biztanleria	1.499
Dentsitatea	149,9 bizt/km² (86)
Hizkuntza ofizialak	ikusi tokelauera ingeles
Erabilitako hizkuntzak	ikusi ingeles eta tokelauera
Ezkontzeko adina	gizonezko: 21 emakumezko: 19 gizonezko, parental consent (en) : 18 emakumezko, parental consent (en) : 16
Ekonomia
Bestelako informazioa
Aurrezenbakia	+690
ISO 3166-1 alpha-2	TK
ISO 3166-1 alpha-3	TKL
Ordu eremua	ikusi UTC+13:00 : UTC+12:00
Internet domeinua	.tk

Tokelau, Ozeanian kokatzen den uhartedi edo arkipelagoa da. Ozeano Bareak bustitzen ditu Tokelau osatzen duten hiru irlak: Atafu, Nunukonu eta Fafaoko. Guztira, 10 kilometro karratuko azalera osatzen dute.
Tokelauera eta ingelesa dira hizkuntza ofizialak. 2005. urtean, 4.105 biztanle zituen Tokelauk.

Historia

Dirudienez, Tokelauko uharteetako lehen biztanleak samoarrak ziren, hizkuntzak zerikusia handia baitu Samoakoarekin. Lehen europarrak XVIII. mendean iritsi ziren. 1841ean, Estatu Batuetako ikertzaileek uharteetako biztanleen ohiturak eta hizkuntza aztertu zituzten. XIX. mendearen erdialdetik aurrera samoar misiolariak heldu ziren, frantsesen eta britainiarren babespean. 1863an, Peruko esklabo salerosleek tokelauar asko bahitu zituzten; gertaera horren eta ondoren izan zen izurritearen ondorioz, uharteetako biztanleria asko urritu zen. 1877an, Fidji uharteetako komisario nagusiari Tokelau uharteen gaineko ardura ere eman zitzaion, eta 1889an, Britainia Handiaren babespean geratu zen. 1916an, uharteei Union Group izena eman zitzaielarik, Gilbert eta Ellice uharteetako koloniaren administraziopean geratu zen. 1925ean, Zeelanda Berriaren administraziopean geratu zen, eta 1948an, Tokelau Uharteak izenarekin, Zeelanda Berriak hartu zuen uharteen gaineko aginpidea. 1977an, Tokelau izena jarri zioten uharteari. Gaur egun, uharteen administrazioa Zeelanda Berriko Kanpo Arazoetako ministerioari dagokio. Uharteek autonomia zabala dute. Udalerri bakoitza Taupulega edo zaharren batzordearen mendean dago. Tapulega-ren barruan Faipule (Zeelanda Berriko administrazioarekiko harremanen ardura duena) eta Pulenuku (herriko buruzagia) bat daude, hiru urtez behin bozketa bidez hautatzen direnak.

Kanpo estekak

• Datuak: Q36823
• Multimedia: Tokelau / Q36823

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.