Oso panda
| Oso panda Ailuropoda melanoleuca | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Panda xigante no zoo de Hong Kong | |||||||||||||||||||||||||
| Estado de conservación | |||||||||||||||||||||||||
 Vulnerable[1] | |||||||||||||||||||||||||
| Clasificación científica | |||||||||||||||||||||||||
| |||||||||||||||||||||||||
| Nome binomial | |||||||||||||||||||||||||
| Ailuropoda melanoleuca (David, 1869) | |||||||||||||||||||||||||
 Distribución da especie
| |||||||||||||||||||||||||
| Subespecies | |||||||||||||||||||||||||
O oso panda[2] ou panda xigante (Ailuropoda melanoleuca) é unha especie de mamífero da orde dos carnívoros e, malia que hai unha salientable controversia ó respecto, os últimos estudos do seu ADN inclúeno entre os membros dos osos, sendo o Tremarctos ornatus suramericano o seu parente máis achegado. Por outra banda cabe dicir que o chamado panda menor ou panda vermello e o panda xigante non pertencen á mesma familia.
Natural da China central, o panda xigante vive en rexións montañosas das provincias de Sichuan e o Tíbet, ata unha altitude de 3.500 metros. Trátase dun animal en perigo de extinción. Segundo estatísticas de 2004 e 2005, hai uns 1.600 vivindo nas selvas e 188 en catividade, e estímase que a cantidade de individuos que viven en liberdade está en aumento.
O principal alimento do panda xigante é o bambú (un 99% da súa dieta), malia que tamén come froita, pequenos mamíferos, peixes e insectos. É un bo trepador, pero é raro velos subidos nas árbores. A súa adaptación á catividade é doada.
Unha clasificación controvertida
[editar | editar a fonte]Houbo numerosos debates sobre a posición filoxenética dos pandas (o maior e o menor) e os mapaches, desde situalos a todos na familia dos prociónidos, até situar o xénero Ailuropoda nunha familia propia, a dos ailuropódidos.[3] Porén, recentes análises xenéticas mostran que o panda xigante é un parente moi próximo dos osos, polo que a maioría dos autores o sitúan dentro da familia dos úrsidos como único representante actual da subfamilia dos ailuropodinos,[4] mentres que a clasificación do panda menor (Ailurus fulgens) aínda se discute.
A situación taxonómica do oso panda a finais de 2021
[editar | editar a fonte]Catro das máis serias bases de datos ás que temos acceso por Internet, MSW, GBIF, ITIS e BioLib, coinciden en que Ailuropoda melanoleuca é un úrsido e, dúas delas, confirma que, detro dela, a especie constitúe unha subfamila propia. Daquela, podemos formar este pequeno Taxobox:
- Subfamilias Fischer, 1817
- Ailuropodinae Grevé, 1894
- Xénero
- Ailuropoda Milne-Edwards, 1870
- Especie
- Ailuropoda melanoleuca (David, 1869)
- Subespecies
- A. m. melanoleuca (David, 1869)
- A. m. qinlingensis Wan, Wu & Fang, 2005
- Subespecies
- Ailuropoda melanoleuca (David, 1869)
- Especie
- Ailuropoda Milne-Edwards, 1870
- Xénero
- Tremarctinae
- Ursinae
- Ailuropodinae Grevé, 1894
Notas
[editar | editar a fonte]- ↑ Lü, Z.; Wang, D.; Garshelis, D. L. (IUCN SSC Bear Specialist Group). "Ailuropoda melanoleuca". Lista Vermella da IUCN 2008: e.T712A13069561.
- ↑ Definicións no Dicionario da Real Academia Galega e no Portal das Palabras para panda.
- ↑ Ailuropodoidae en The Free Dictyonary.
- ↑ Ailuropodinae Arquivado 10 de novembro de 2013 en Wayback Machine. en Paleobiology Database.
Véxase tamén
[editar | editar a fonte]Ligazóns externas
[editar | editar a fonte]
|
Este artigo sobre zooloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |