Circuíto de Dijon-Prenois

Circuíto de Dijon-Prenois

Plano do Circuíto

Datos
Carreiras
Localización	Francia Dijon, Francia
Lonxitude	3,801 km
Curvas	8
Volta rápida (1984)	1:05.257
Piloto récord	Alain Prost
Escudería récord	McLaren
Coordenadas

Vista do Circuíto

O Circuíto de Dijon-Prenois é un autódromo situado preto de Dijon, Francia. O Gran Premio de Francia de Fórmula 1 disputouse neste circuíto nas tempadas 1974, 1977, 1979, 1981 e 1984; tamén albergou ao Gran Premio de Suíza de 1982. A Scuderia Ferrari non logrou vencer en ningunha das seis carreiras.

O trazado orixinal de 3.289 metros foi inaugurado o 26 de maio de 1972. Debido a que os baixos tempos de volta no Gran Premio de Francia de 1974 causaban conxestións entre os atrasados e os punteiros, agregouse unha extensión no ano 1975 para alcanzar os 3.801 metros finais.

A vitoria de Jean-Pierre Jabouille no Gran Premio de Francia de 1979 ao volante dun Renault F1 supuxo a primeira vitoria dun motor sobrealimentado e a primeira dese equipo. Ademais, logrouna un piloto francés cun automóbil francés, pneumáticos franceses (Michelin) e combustible francés (Elf Aquitaine). Nesa mesma carreira, o canadense Gilles Villeneuve e o francés René Arnoux disputaron ferozmente a segunda posición durante varias voltas.

Na actualidade, Dijon-Prenois alberga datas de campionatos franceses de gran turismos, motociclismo e Fórmula 3, así como carreiras de automóbiles históricos.

Todos os gañadores de Fórmula 1, no circuíto de Dijon-Prenois

Ano	Piloto	Auto	Duración	Lonxitude	Voltas	Velocidade media	Data	GP de
1974	Ronnie Peterson	Lotus-Ford	1:21:55,020 h	3´289 km	80	192´722 km/h	7 de xullo	Francia
1977	Mario Andretti	Lotus-Ford	1:39:40,130 h	3´800 km	80	183´006 km/h	3 de xullo
1979	Jean-Pierre Jabouille	Renault	1:35:20,420 h	3´800 km	80	191´315 km/h	1 de xullo
1981	Alain Prost	Renault	1:35:48,130 h	3´800 km	80	190´392 km/h	5 de xullo
1982	Keke Rosberg	Williams-Ford	1:32:41,087 h	3´800 km	80	196´796 km/h	29 de agosto	Suíza
1984	Niki Lauda	McLaren-TAG-Porsche	1:31:11,951 h	3´887 km	79	202´024 km/h	20 de maio	Francia