Louis Chiron

Louis Chiron
	;
Biografía
Nacemento	3 de agosto de 1899 ; Mónaco
Morte	22 de xuño de 1979 (79 anos); Monte Carlo, Mónaco
Actividade
Ocupación	piloto de automobilismo, piloto de Fórmula Un
Carreira militar
Conflito	Primeira guerra mundial
Deporte	automobilismo
Participou en
	24 Horas de Le Mans
Premios
	Cabaleiro da Lexión de Honra ;

Louis Alexandre Chiron, nado o 3 de agosto de 1899 e finado o 22 de xuño de 1979, foi un piloto de carreiras de Mónaco.

Andaina

Cando era adolescente, Louis Chiron namorouse dos coches e as carreiras. Aprendeu a conducir moi novo e uniuse ao circuíto do Gran Premio logo da Primeira guerra mundial onde fora recrutado pola sección de artillaría para servir como chofer. Competía en Francia, onde en 1926 gañou a súa primeira carreira local, o Gran Premio de Comminges en Saint-Gaudens preto da cidade de Tolosa. A partir de aí, Chiron logrou con Bugatti e un Alfa Romeo P3 importantes vitorias no Gran Premio de Marsella, no Circuíto de Masaryk, e no Gran Premio de España. Ademais, asociouse co piloto campión de maratón Luigi Chinetti para gañar a carreira de resistencia das 24 Horas de Spa de 1933 en Bélxica. Tamén conduciu un Delage ao sétimo lugar nas 500 Millas de Indianápolis de 1929. Gañou o Gran Premio de Mónaco de 1931, e é o único piloto nado en Mónaco en facelo.

A carreira de Louis Chiron chegou ao seu fin coa súa retirada en 1938 e das carreiras de autos un ano máis tarde co estalido da Segunda guerra mundial. Cando reiniciáronse as carreiras logo da guerra, Chiron reapareceu pilotando un Talbot-Lago logrando a vitoria en dúas carreiras do Gran Premio de Francia. En 1949, no primeiro Rally de Montecarlo logo da Segunda guerra mundial tivo lugar unha gran festa de celebración en Mónaco. No que agora é considerado como un dos momentos máis negros da vida de Chiron, na festa, diante de numerosos organizadores da carreira, pilotos e celebridades, Chiron acusou a muller piloto Hellé Nice de ser unha axente da Gestapo durante a guerra. (Isto ten un aspecto irónico, no que o atractivo dun coche superior, levou a Chiron a prestar a súa habilidade ao equipo Mercedes-Benz, que os nazis utilizaban como obxecto de propaganda para a súa filosofía da superioridade racial, en momentos en que o seu colega e rival xudeu René Dreyfus non podería). A súa acusación sen fundamento destruíu a vida de Nice que sería rexeitada por todos, morrendo na extrema pobreza.

No momento en que se organizou a nova competición da Fórmula 1 para a tempada 1950, a idade empezaba a pasarlle factura, pero aínda así gañou o Rally de Monte Carlo de 1954 emparellado co piloto suízo Ciro Basadonna. Nas carreiras de F1, Chiron conseguiu un podio nas súas quince carreiras e en 1955, fronte unha multitude na súa cidade natal de Monte Carlo, unhas semanas antes do seu 56 aniversario converteuse no piloto de maior idade en competir nunha carreira de Fórmula 1. Co aplauso do príncipe Rainiero e os seus moitos fans levou o seu Lancia D50 ao sexto lugar no Gran Premio de Mónaco de 1955.

Logo duns notables 35 anos nas carreiras, no seu retiro Chiron aínda permaneceu activo como executivo da organización que executa o Gran Premio de Mónaco, que o honrou cunha estatua erixida na pista de carreiras do Gran Premio e poñéndolle o seu nome á curva da piscina. Louis Chiron logrou a maioría de podios en coches de Bugatti, e a empresa Bugatti lémbrao co Bugatti 18/3 Chiron nomeado na súa honra.

Louis Chiron é tamén o piloto de maior idade que participou nun Gran Premio de Fórmula Un. Na súa última carreira de F1, o Gran Premio de Mónaco de 1958 tiña 58 anos de idade.

Rexistro de carreiras

Importantes vitorias na súa carreira

Gran Premio de Bélxica : 1930
Gran Premio de Checoslovaquia : 1931, 1932, 1933
Gran Premio de Francia : 1931, 1934, 1937, 1947, 1949 (Reims)
Gran Premio de Alemaña : 1929
Gran Premio de Italia : 1928
Gran Premio de España : 1928, 1929, 1933
Gran Premio de Mónaco : 1931
Gran Premio de Marrocos: 1934
Gran Premio du Comminges : 1947
Gran Premio de Marsella : 1933
Gran Premio de Niza : 1932
24 Horas de Spa : 1933
Gran Premio de Roma : 1928
Gran Premio de Marne : 1928

Resultados completos no Campionato Europeo

(Carreiras en negra indican pole position)

Ano	Equipo	Marca	1	2	3	4	5	EDC	Puntos
1931	Usines Bugatti	Bugatti	ITA Ret	FRA 1	BEL Ret			4=	12
1932	Ettore Bugatti	Bugatti	ITA Ret	FRA 4	ALE Ret			5=	17
1935	Scuderia Ferrari	Alfa Romeo	BEL 3	ALE Ret	SUI Ret	ITA	ESP Ret	9=	29
1936	Daimler-Benz AG	Mercedes-Benz	MON Ret	ALE Ret	SUI	ITA		18=	28

Resultados completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	Pos.	Pts.
1950	Officine Alfieri Maserati	Maserati 4CLT/48	Maserati L4 C	GBR Ret	MON 3	500	SUI 9	BEL	FRA Ret	ITA Ret					10º	4
1951	Enrico Platé	Maserati 4CLT/48	Maserati L4 C	SUI 7	500										NC	0
1951	Ecurie Rosier	Talbot-Lago T26C	Talbot L6			BEL Ret	FRA 6	GBR Ret	ALE Ret	ITA Ret	ESP Ret				NC	0
1953	Louis Chiron	OSCA 20	OSCA L6	ARX	500	NED	BEL	FRA 15	GBR NTS	ALE	SUI NTS	ITA 10			NC	0
1955	Scuderia Lancia	Lancia D50	Lancia V8	ARX	MON 6	500	BEL	NED	GBR	ITA					NC	0
1956	Scuderia Centro Sud	Maserati 250F	Maserati L6	ARX	MON NTS	500	BEL	FRA	GBR	ALE	ITA				NC	0
1958	André Testut	Maserati 250F	Maserati L6	ARX	MON NSC	NED	500	BEL	FRA	GBR	ALE	POR	ITA	MAR	NC	0

Rally gañados

Rally de Monte Carlo - 1954

Legado

Louis Chiron foi tan popular en Checoslovaquia, cuxo Gran Premio gañou tres veces consecutivas que logo de 75 anos, o seu nome aínda vive nun dito popular "Conduce como Chiron", que se utiliza principalmente cando se refire aos condutores que se exceden na velocidade ou en xeral ás persoas que conducen moi rápido.

Véxase tamén

Ligazóns externas

Grand Prix History Arquivado 16 de xullo de 2012 en Wayback Machine., Louis Chiron
Louis Chiron at The Crittenden Automotive Library Arquivado 22 de decembro de 2015 en Wayback Machine.
Louis Chiron at Le Mans
Louis Chiron en Find a Grave (en inglés)