Miúcha
  | |
| Biografía | |
|---|---|
| Nacemento | (pt) Heloísa Maria Buarque de Hollanda 30 de novembro de 1937 Río de Xaneiro, Brasil |
| Morte | 27 de decembro de 2018 (81 anos) Río de Xaneiro, Brasil |
| Causa da morte | cancro |
| Residencia | Río de Xaneiro |
| Educación | Sorbona Universidade de París |
| Actividade | |
| Ocupación | cantante, guitarrista, compositora, artista discográfico |
| Período de actividade | 1975 - 2008 |
| Xénero artístico | Bossa nova |
| Tesitura | Mezzosoprano |
| Instrumento | Guitarra e voz |
| Selo discográfico | Philips RCA Records Biscoito Fino (pt)  |
| Familia | |
| Cónxuxe | João Gilberto (1965–1971) |
| Fillos | Bebel Gilberto |
| Pais | Sérgio Buarque de Hollanda e María Amélia Buarque de Hollanda |
| Irmáns | Chico Buarque Cristina Buarque Ana de Hollanda |
     | |
Heloísa Maria Buarque de Hollanda, nada en Río de Xaneiro o 30 de novembro de 1937 e finada na mesma cidade o 27 de decembro de 2018[1], máis coñecida como Miúcha, foi unha cantante e compositora brasileira.
Neta de Cristóvão Buarque de Hollanda e filla de Sérgio Buarque de Holanda e Maria Amélia Cesário Alvim, Miúcha é irmá do cantautor Chico Buarque e tamén das cantantes Ana de Hollanda e Cristina Buarque, e nai da cantante Bebel Gilberto, froito do matrimonio co compositor João Gilberto.
Traxectoria
[editar | editar a fonte]
Familia e primeiros anos
[editar | editar a fonte]Heloísa Maria Buarque de Hollanda naceu no Río de Xaneiro o 30 de novembro de 1937, pero a súa familia trasladouse a São Paulo cando ela só tiña 8 anos. De neno formou un grupo vocal cos seus irmáns, entre eles Chico Buarque.[2]
Formación e vida persoal
[editar | editar a fonte]En 1960 trasladouse a París onde estudou Historia da Arte na École du Louvre. De vacacións, fixo unha viaxe con amigos a Grecia, Italia e Francia. En Roma, no bar La Candelaria, coñeceu á cantante chilena Violeta Parra, a través da que coñeceu ao cantante bahiano João Gilberto, casou con el e tivo unha filla, tamén cantante, Bebel Gilberto.[2]
Carreira musical
[editar | editar a fonte]En 1975 fixo a súa primeira gravación profesional como cantante no álbum The Best of Two Worlds de João Gilberto e Stan Getz. Após este lanzamento, Miúcha fixo dueto con Antônio Carlos "Tom" Jobim en dous discos, en 1977 e 1979, e formou parte do espectáculo organizado por Aloysio de Oliveira xunto con Vinicius de Moraes, Tom Jobim e Toquinho. O espectáculo levouse a cabo durante un ano en Canecão, Río de Xaneiro, tivo actuacións internacionais en América do Sur e Europa, e deu lugar á gravación que Tom, Vinícius, Toquinho e Miúcha gravou en directo en Canecão (RCA Victor, 1977).[3]
Pasamento
[editar | editar a fonte]Faleceu de parada respiratoria o 27 de decembro de 2018, no Hospital Samaritano (Río de Xaneiro), logo de padecer un cancro de pulmón.[4]
Discografía
[editar | editar a fonte]- Miúcha & Antônio Carlos Jobim (1977) RCA Records LP
- Tom/Vinicius/Toquinho/Miúcha - Gravado ao vivo no Canecão (1977) Som Livre LP, CD
- Os Saltimbancos (1977) Phonogram/Philips Records LP, CD
- Miúcha & Tom Jobim (1979) RCA Victor LP
- Tom Jobim, Vinicius de Moraes, Toquinho e Miúcha - Musicalmente ao vivo na Itália (1979)
- Miúcha (1980) RCA Victor LP
- Miúcha (1989) Warner/Continental LP
- Vivendo Vinicius ao vivo Baden Powell, Carlos Lyra, Miúcha e Toquinho (1999) BMG Brasil CD
- Rosa amarela (1999) BMG Brasil CD
- Miúcha.compositores (2002) Biscoito Fino CD
- Miúcha canta Vinicius & Vinicius - Música e letra (2003) Biscoito Fino CD
- Miúcha Outros Sonhos (2007) Biscoito Fino
- Miúcha com Vinícius/Tom/João (2008) Sony & BMG
Notas
[editar | editar a fonte]- ↑ "Cantora Miúcha, irmã de Chico Buarque e ex-mulher de João Gilberto, morre aos 81 anos". 27/12/2018. Consultado o 27 de dezembro de 2018.
- ↑ 2,0 2,1 "Dicionário da MPB; Miúcha". www.dicionariompb.com.br. Arquivado dende o orixinal o 24 de outubro de 2020. Consultado o 17 de decembro de 2022.
- ↑ "Miúcha; dados-artisticos". dicionariompb.com.br. Arquivado dende o orixinal o 22 de setembro de 2020. Consultado o 17 de decembro de 2022.
- ↑ "G1 - cantora Miúcha morre no RJ". Consultado o 2018-12-27.
Véxase tamén
[editar | editar a fonte] |
Wikimedia Commons ten máis contidos multimedia na categoría: Miúcha  |
