Democratia
| Democratia |
|---|
| instantia de: forma de governamento[*], form of state[*] |
| subclasse de: systema politic[*] |
| parte de: Plato's five regimes[*] |
|
|
|
| Commons: Democracy |
Democratia[1] es un theoria politic pro governamento per le populo in que cata persona eligibile ha un voce equal in decisiones que concerne le gruppo. Il ha plure formas de democratia con scopos varie.
Etymologia
[modificar | modificar fonte]Le termino deveni del grec δημοκρατία, dēmokratía, "regno (kratía) del gente (dēmo)").
Definition
[modificar | modificar fonte]Il non ha un definition specific de democratia que es acceptate universalmente. Totevia, desde le antiquitate, equalitate e libertate ha essite considerate characteristicas definitive de un democratia. In systemas democratic, cata persona es equal ante le lege e ha accesso equal al processo legislative.
Un democratia ideal es le participation directe per cata persona in le proposition, disveloppamento, e resolution de politicas nove. Ben que omne corpore pote esser dirigite per principios democratic, le termino es normalmente usate re le governamentos del nationes; iste usage se deriva del democratia in Athenas antique post un revolution popular in 508 aEC.