Jano
| Jano |
|---|
| instantia de: deitate roman[*], liminal deity[*] |
|
|
|
| Commons: Janus |
Jano es le deo roman qui patronisava le comenciamentos de omne interprisa. Ille recipeva sacrificios ante omne altere deo.[1] Le imagines de Jano monstra su capite con duo facies, como un porta. Jano portava un clave, symbolisante su poter super le entrata al celos.[2]
Su culto esserea multo antique, remontante al epocha de Romulo.[3] Le rege Numa Pompilio ha appellate le mense januario in honor de Jano e dedicate le passage famose que esseva aperite in tempores de guerra ma clause durante le pace.[4]
Con Saturno, Jano ha inaugurate le Etate de Auro italic e initiate le culto del altere deos in Italia. On invocava Jano e Jupiter (in iste ordine) al comenciamento de cata interprisa.[2][5][6][7] Totevia, le primordialitate de Jano non indicava que su poter esseva superior a cello de altere deos.
Jano presideva super le comenciamento de cata anno e cata die, e prestres le coleva cata alba. Le 1 de januario – le die le plus sacrate a Jano – on evitava attentivemente querelar o maledicer, portava habitos festive, dava presentes le un al altere, e interprendeva un parte de su actiones intendite pro le anno a venir.[2][8]
Le poeta Ovidio affirma que Jano es le mesme deo que Chaos, primo del deos primordial de Hesiodo.[2] On identificava Jano anque con le deo Sol o Apolline (θυραῖς).[5]
On offereva a Jano tortas appellate janual, hordeo, incenso e vino.[6][9]
Referentias
[modificar | modificar fonte]- ↑ Ciceron, De Natura deorum ii.27.
- ↑ 2,0 2,1 2,2 2,3 Error de citation: Etiquetta
<ref>invalide; nulle texto esseva fornite pro le refs nominateOvidio - ↑ Augustino, De Civitate Dei iv.23.
- ↑ Livio, Ab Urbe Condita i.9.
Varron, De Lingua latina v.164. - ↑ 5,0 5,1 Macrobio, Saturnales i.9.
- ↑ 6,0 6,1 Ioannes Lydus, de Mens. iv.2.
- ↑ Aurelio Victor, Del Origine del gente roman 3.
- ↑ Columella, De Re rustica xi.2.
Seneca, Epistolas 83. - ↑ Festus, s. v. janual.
Bibliographia
[modificar | modificar fonte]- William Smith (1873). "Janus". A dictionary of Greek and Roman biography and mythology. London.
| ||||||||
