Sancte Kitts e Nevis
| Sancte Kitts e Nevis | |||
|
|
|||
|
|||
| Hymno: O Land of Beauty! | |||
|
|||
| Nomine native | Federation of Saint Kitts and Nevis | ||
|---|---|---|---|
| Classe | regno del Communitate de Nationes[*], stato, stato insular, stato soveran[*], pais | ||
| Pais | Sancte Kitts e Nevis | ||
| Capital | Basseterre[*] | ||
| Population | 55 345 | ||
| Area | 269,358763 km²  |
||
| Coordinatas | 17°16'18.00"N, 62°40'0.01"W | ||
| Linguas official | anglese | ||
| Citates gemine | Miami-Dade County[*] | ||
| Fuso horari | UTC-04:00[*], America/St_Kitts[*] | ||
| Codice telephonic | +1869 | ||
| Valuta | Eastern Caribbean dollar[*] | ||
| Dominio de Internet | .kn[*] | ||
| ISO 3166-1 alpha-2 | KN | ||
| ISO 3166-1 alpha-3 | KNA | ||
| ISO 3166-1 numeric | 659 | ||
| Codice IOC | SKN | ||
| Geonames ID | 3575174 | ||
| Sito web: https://www.gov.kn/ | |||
| Wikimedia Commons Category Saint Kitts and Nevis | |||
Sancte Kitts e Nevis[1][2] (officialmente: le Federation de Sancte Kitts e Nevis; in anglese: Federation of Saint Christopher and Nevis) es un parve pais independente que consiste de duo insulas, Sancte Kitts (de un diminutivo anglese de "Christopher") e Nevis, situate in le Parve Antillas. Le insulas le plus proxime es Sancte Eustatio (in le Paises Basse Caribe), Sancte Barthelemy (francese), Montserrat (britannic), Antigua e Barbuda (independente). Sancte Kitts es le plus grande insula, con le capital (Basseterre) e le majoritate del population.
In le Americas, Sancte Kitts e Nevis es le pais independente le plus nove, geographicamente le plus parve, e le minus populate. Sancte Kitts esseva un base precoce pro le colonisation europee del Antillas.
Politica
[modificar | modificar fonte]
Ancian colonias britannic, le insulas deveniva con Anguilla un provincia del Federation del Indias Occidental in 1958. Anguilla, totevia, es assatis distante de Sancte Kitts — del qual illo es separate per le insulas de Sancte Eustatio, Saba, Sancte Barthelemy e Sancte Martin— durante que Nevis es separate de Sancte Kitts solmente per un manica stricte e pauco profunde. In 1967, post le concession de autonomia al colonia de Sancte Kitts–Nevis–Anguilla, le anguillanos se sublevava, chassava le policia kittitian e declarava lor retraction del federation. Le dissolution de Sancte Kitts–Nevis–Anguilla non deveniva official ante 1983, quando Sancte Kitts e Nevis ganiava lor independentia durante que Anguilla restava britannic.
Le stato es un monarchia constitutional in union personal con le Regno Unite, cuje monarcha es actualmente le rege Carolo III. Le systema politic es parlamentari, e le systema legal deriva del lege commun anglese. Il ha duo parlamentos in le insulas: illo del federation, composite de 8 membros pro Sancte Kitts e 3 pro Nevis; e le assemblea del insula de Nevis, componite de 5 membros electe e 3 appunctate. Nevis possede un large autonomia interne. Un referendum de independentia nevisian, conducite in 1998, resultava in un majoritate de votos pro independentia, inferior al duo tertios requirite.
Historia
[modificar | modificar fonte]
Le habitantes indigena del insulas, de stirpe caribe, esseva presente quando Christophoro Columbo los visitava in 1493. Le prime colonos europee de Sancte Kitts esseva huguenots francese qui in 1538 faceva del insula le prime colonia francese del Antillas. Un colonia anglese, establite in 1623 presso le franceses, esseva in bon concordia con istes. Insimul, le duo massacrava le ultime caribes habitante le insula in 1626. Le espanioles les expulsava in 1628-1629. Le colonos francese se displaciava al insula del Tortuga, ubi illes fundava le colonia francese de Sancte Dominico (Haiti). Altere colonos displaciate fundava colonias in Nevis, Anguilla, Montserrat, Tortola (Insulas Virgine), Sancte Barthelemy, Guadeloupe e Martinica.
Le controlo de Sancte Kitts se disputava inter Francia e Anglaterra usque 1713, quando le soveranitate de Grande Britannia sur le insula se recognosceva definitivemente. Le angleses habeva constructe le fortalessa de Brimstone Hill in 1690. A iste placia forte esseva debite le supernomine kittitian del «Gibraltar del Caribe». Le garnison del fortalessa se rendeva in 1782 a un armea francese durante le guerra del Revolution american, ma le tractato de Paris restaurava Sancte Kitts e Nevis al britannicos in 1783.
Multe sclavos african esseva conducite a Sancte Kitts e Nevis pro travaliar in le plantationes de canna de sucro. Lor descendentes constitue hodie le grande majoritate del populationes kittitian e nevisian.
Le politico statounitese Alexander Hamilton nasceva sur Nevis in 1755 o 1757.
Cultura
[modificar | modificar fonte]
Carneval, que include mascaradas, es un observation annual popular.
Le religion principal del insulas es anglicanismo, le confession del medietate del population. Altere ecclesias catholic e protestante existe, assi ben como parve communitates rastafarian e bahá'í.
Cricket es le sport le plus popular. Jocatores kittitian e nevisian pote concurrer internationalmente in le equipa de cricket del Indias Occidental.
Referentias
[modificar | modificar fonte]- ↑ paises del mundo as sito del UMI
- ↑ Derivation: Entitates: 1. (it) Saint Kitts e Nevis || 2. (es) San Cristóbal y Nieves || (pt) São Cristóvão e Neves || 3. (fr) Saint-Christophe-et-Niévès || 4. (en) Saint Kitts and Nevis || Controlo: (de) St. Kitts und Nevis || (ru) Сент-Китс и Невис || - (Extra): (la) Sanctus Christophorus et Nives