Sexte Cruciada

Le Sexte Cruciada (1228-1229), cognoscite tamben como le Cruciada de Federico II, esseva un expedition militar pro recapturar Jerusalem e le resto del Terra Sancte. Illo comenciava septe annos post le fallimento del Quinte Cruciada e involveva multo pauco combatto effective. Le manovras diplomatic del Imperator Sancte Romane e Rey de Sicilia, Federico II, resultava in que le Regno de Jerusalem reganiava alcun controlo sur Jerusalem durante grande parte del proxime quindecim annos, como anque sur altere areas del Terra Sancte.