Cesiom

Ensampel a	Elven gymyk, lithophile
Klass	alkan lisliwennek, alkan, stokk-s
Furvell gymyk	Cs
Dydhyas diskudhans	1860
Niver atomek	55
Aray an elektrons	[Xe] 6s¹, 1s² 2s² 2p⁶ 3s² 3p⁶ 4s² 4d¹⁰ 4p⁶ 5s² 5d¹⁰ 5p⁶ 6s¹
Elektronegedhegedh	0.79
Studh oksidyans	1
Rann a	bagas 1, period 6, alkan lisliwennek
	Restrennow kelmys war Gemmyn Wikimedia

Elven gymyk yw cesiom, niver 55 y'n Vosen Beriodek. Y furvell gymyk yw Cs. An hanow a dheu dhyworth an ger Latin caesius, ow styrya glaswynn, drefen liw y flamm. Nyns yw cesiom dhe les an korf denel.

Diskudhys veu cesiom yn 1860 yn Heidelberg yn Almayn. Gwrys veu an ober gans Robert Bunsen (1811-1899), a dhevisas an losker Bunsen, ha Gustav Kirchoff (1824-1887), gans bryjyon 30,000 liter a dhowr moon.

Askorrys yw 20 tunnas a cesiom yn unnik pub bledhen, gan an moyha rann ow tos dhyworth Kanada. Usys yw avel katalydh, dhe wul gweder optykal, ha dhe wul klockow atomek. Droglammow nuklerek hag arvow nuklerek re livras isotopow radyoweythresek dhe'n ayrgylgh. An cesiom-137 livrys gans droglamm Chernobyl eth dres [Europa]] West oll, owth effeythi bargennyow tir deves yn Alban ha Kembra.

Poos atomek cesiom yw 132.91 ha'y boynt teudhi yw 28°C ha'y boynt bryjyon yw 679°C. Y dhosedh yw 1.9kg an liter. Alkan medhel, golow, liw owr yw. Cesiom a dhasober gans dowr yn fest garow. Usys yw 'herdhyoryon' (thrusters) cesiom dhe lywya lorellow.