Slowake

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De Slowake (Slowaaks: Slováci) zeen e Wès-Slavisch vouk det veurnamelik in Slowakieje (wo zie 81% vanne bevölking oetmake), Tsjechië, Vojvodjina en Hongarieë wóntj. Ouch guuef 't groeate aantaal aan Slowaakse immigrantjen inne Vereinigdje Staote en Canada. Slowake kalle gewuuenlik 't Slowaaks, meh de meiste ajer luuj in Slowakieje kallen ouch Tsjechisch. Óngevieër ei derdje van alle Slowake is Roeams-Katteliek (62%) en zón 10% is Protestantjs. Es e vouk zeen ze-n 't verwantjste ane Tsjeche.

Werreldwied guuef 't zoeaget 6 miljoen Slowake, wovan zoeaget 4,4 miljoen in Slowakieje, 810.000 inne Vereinigdje Staote, 150.000 in Tsjechië, 100.000 in Canada, 90.000 in 't Vereinig Keuninkriek en 53.000 in Servië. Naeve Slowake wonen in Slowakieje nag Hóngare (8,5%) en Ziguinders (2%).

De naam vanne Slowaken is, juus wie dae vanne Slovene, aafgelèdje vanne aaj beneuming veure Slavische luuj (sloveni).

Bekandje Slowake

• Štefan Banič - oetvinjer
• Anton Bernolák - spraokkundige
• Alexander Dubček - politieker
• Andrej Hlinka - aktivis
• Milan Hodža - politieker
• Gustáv Husák - politieker
• Pavol Országh Hviezdoslav - dichter en tonieëlsjriever
• Adam František Kollár - zjuris
• Jozef Miloslav Hurban - aktivis
• Milan Rastislav Štefánik - sterrekundigen en politieker
• Aurel Stodola - oetvinjer en weitesjapper
• Ľudovít Štúr - sjriever en spraokkundige