1945

Fat Man, een van die atoombomme wat die VSA op Japan laat val het.

Riaan Cruywagen lees die nuus.

Die jaar 1945 was 'n gewone jaar wat volgens die Gregoriaanse kalender op 'n Maandag begin het. Dit was die 45ste jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• 27 Januarie – Tweede Wêreldoorlog: Die Auschwitz-konsentrasiekamp word deur die Rooi Leër bevry.
• 30 Januarie – Tweede Wêreldoorlog: Die Wilhelm Gustloff seeramp vind plaas.
• 14 Februarie – Tweede Wêreldoorlog: Die RAF Bomkommandoment begin die strategiese bombardering van Dresden in Sakse, Duitsland, wat lei tot 'n noodlottige vuurstorm waarin 25 000 burgerlikes sterf.
• 19 Februarie – Tweede Wêreldoorlog: Die Geallieerdes val die eiland Iwo Jima binne.
• 23 Februarie – Joe Rosenthal neem die Pulitzerpryswennerfoto Raising the Flag on Iwo Jima, 'n beeld wat later herskep word in die beeld by die Amerikaanse Marinierskorps Oorlogsmonument.
• 7 Maart – Tweede Wêreldoorlog: Die Amerikaanse Leër steek die Ryn-rivier oor by Remagen.
• 9 Maart – Tweede Wêreldoorlog: 'n Bomaanval op Tokio veroorsaak 'n vuurstorm waarin 100 000 mense sterf.
• 22 Maart – Die Arabiese Liga word deur Egipte, Irak, Jordanië, Libanon, Saoedi-Arabië en Sirië in Kaïro gestig.
• 1 April – Tweede Wêreldoorlog: Die Geallieerdes val die eiland Okinawa binne.
• 16 April–2 Mei – Tweede Wêreldoorlog: Die Slag van Berlyn vind plaas. Die verowering van die Duitse hoofstad Berlyn deur die Rooi Leër.
• 18 April – Tweede Wêreldoorlog: Meer as 'n duisend bomwerpers val die eiland Helgoland (Duitsland) aan.
• 25 April – Tweede Wêreldoorlog: Amerikaanse en Russiese troepe ontmoet by die Elbe.
• 25 April – Die Verenigde Nasies word in San Francisco (Kalifornië) gevorm.
• 30 April – Tweede Wêreldoorlog: Die Duitse diktator Adolf Hitler pleeg selfmoord.
• 4 Mei – Tweede Wêreldoorlog: Bevryding van die Neuengamme-konsentrasiekamp naby Hamburg deur die Britse Leër.
• 4 Mei – Tweede Wêreldoorlog: Admiraal Hans-Georg von Friedeburg onderteken op die Timeloberg, voor veldmaarskalk Montgommery, in opdrag van die laaste rykspresident Karl Dönitz, die kapitulasie-ooreenkoms van alle Duitse troepe in Noordwes-Duitsland, die Nederlande en Denemarke.
• 4 Mei – Tweede Wêreldoorlog: Die 2de Franse Pantserdivisie onder generaal-majoor Leclerc bereik teen die einde van die Tweede Wêreldoorlog die huis van Adolf Hitler op die Obersalzberg by Berchtesgaden.
• 5 Mei – Tweede Wêreldoorlog: Kapitulasie van die Duitse troepe in 'n laaste selfstandige deel van Nazi-Duitsland (die noordweste en Sleeswyk-Holstein), Denemarke en Wes-Nederland.
• 8 Mei – Die einde van die Tweede Wêreldoorlog in Europa.
• 1 Junie – Duitse oudiotoerustingvervaardiger Sennheiser word deur Fritz Sennheiser gestig.
• 21 Junie – Tweede Wêreldoorlog: Okinawa word verower deur die Amerikaners.
• 26 Junie – Die Grondwet van die Verenigde Nasies word geteken.
• 16 Julie – Manhattan-projek: Trinity, die eerste atoombomtoets word onderneem naby Alamogordo, Nieu Meksiko, VSA.
• 28 Julie – 'n B-25 bomwerper vlieg teen die Empire State-gebou vas; op die 78ste vloer.
• 6 Augustus – Tweede Wêreldoorlog: Die VSA laat val 'n atoombom (Little Boy) op Hirosjima, Japan, met tussen 90 000 en 200 000 sterftes tot gevolg.
• 8 Augustus – Die Verenigde State, Frankryk, Engeland en die Sowjetunie teken die Verdrag van Londen wat lei tot die Neurenberg-verhore.
• 9 Augustus – Tweede Wêreldoorlog: Tweede Amerikaanse kernwapen (Fat Man) ontplof bo die Japannese stad Nagasaki.
• 15 Augustus – Geallieerde Nasies vier die einde van die Tweede Wêreldoorlog na oorwinning in Japan toe keiser Hirohito die onvoorwaardelike oorgawe in die Stille Oseaanoorlog oor die radio aankondig. Noord- en Suid-Korea word van Japan onafhanklik.
• 2 September – Die Tweede Wêreldoorlog kom amptelik tot 'n einde met die ondertekening van die Japannese oorgawedokumente op die dek van die USS Missouri.
• 2 September – Hồ Chí Minh verklaar Noord-Viëtnam se onafhanklikheid van Frankryk en word dié land se eerste president.
• 24 Oktober – Die Verenigde Nasies-verdrag, die grondwet van die Verenigde Nasies, tree in werking.
• 25 Oktober – Die voormalige Japannese kolonie Taiwan word weer deel van die Republiek China.
• 10 November – Die Springbokdiens van die Suid-Afrikaanse Lugdiens en die BOAC, die eerste internasionale diens tussen Suid-Afrika en die Verenigde Koninkryk, begin.
• 16 November – Stigting van die UNESCO deur 37 lande in Londen.
• 20 November – Die Neurenberg-verhore begin.
• 5 Desember – Vlug 19, 'n eskader van vyf Grumman TBF Avenger torpedobomwerpers van die Amerikaanse Vloot, verdwyn in die Bermudadriehoek.
• 27 Desember – Die Wêreldbank word op ooreenkoms van 28 nasies gestig.
• Desember – Die Nag-Hammadi-geskrifte word ontdek.

Geboortes

• 1 Januarie – Jacky Ickx, voormalige Belgiese motorrenjaer.
• 10 Januarie – Rod Stewart, Britse sanger.
• 12 Januarie – Dawid Swart, Suid-Afrikaanse akteur.
• 15 Januarie – Hans du Plessis, Afrikaanse skrywer en digter († 2024).
• 28 Januarie – Karen L. Gorney, Amerikaanse aktrise.
• 29 Januarie – Ibrahim Boubacar Keïta, politikus en president van Mali († 2022).
• 29 Januarie – Tom Selleck, Amerikaanse akteur, draaiboekskrywer en vervaardiger.
• 3 Februarie – Marius Weyers, Suid-Afrikaanse akteur.
• 6 Februarie – Bob Marley, Jamaikaanse reggaesanger en musikant († 1981).
• 9 Februarie – Mia Farrow, Amerikaanse aktrise.
• 10 Februarie – Rosa Keet, Suid-Afrikaanse digter, skrywer en dramaturg.
• 23 Februarie – Allan Boesak, geestelike van die Nederlandse Hervormde Kerk, 'n politikus en anti-apartheidsaktivis.
• 28 Februarie – Bubba Smith, Amerikaanse akteur en rolprentvervaardiger († 2011).
• 10 Maart – H.O. de Villiers, Springbokheelagter in 1967 († 2022).
• 30 Maart – Eric Clapton, Britse kitaarspeler.
• 2 April – Linda Hunt, Amerikaanse aktrise.
• 4 April – Craig T. Nelson, Amerikaanse akteur "Coach" "The District".
• 13 April – Tony Dow, Amerikaanse akteur en regisseur († 2022).
• 15 April – Dirk Coetzee, mede-stigter en bevelvoerder van die polisie-eenheid op Vlakplaas († 2013).
• 19 April – Dawn Lindberg, Suid-Afrikaanse vermaakpersoonlikheid ( 2020).
• 24 April – Larry Tesler, Amerikaanse rekenaarwetenskaplike († 2020)
• 30 April – Michael J. Smith, Amerikaanse ingenieur en ruimtevaarder, sterf in Challenger-ramp († 1986).
• 6 Mei – Rosa Smit, Afrikaanse digter en wenner van die Ingrid Jonkerprys vir haar poësie († 2021)
• 10 Mei – Koos du Plessis, Suid-Afrikaanse musikant († 1984).
• 14 Mei – Yochanan Vollach, Israelse sokkerspeler.
• 20 Mei – Justin Cartwright, Britse skrywer († 2018).
• 8 Junie – Nicky Oppenheimer, Suid-Afrikaanse sakeman, mynmagnaat en filantroop.
• 12 Junie – Anthony Hall-Martin, kenner op die gebied van swartrenosters en die Afrika-olifant († 2014).
• 15 Junie – Zandra Bezuidenhout, Afrikaanse digter.
• 19 Junie – Aung San Suu Kyi, Myanmarese politikus, leier van 'n nie-geweldadige beweging vir menseregte en demokrasie in Myanmar (Birma) en ontvanger van die 1991 Nobelprys vir Vrede.
• 22 Junie – Maretha Maartens, Suid-Afrikaanse skrywer.
• 23 Junie – John Garang, Suid-Soedannese politikus en revolusionêre leier († 2005).
• 25 Junie – Carly Simon, Amerikaanse sangeres en liedjieskrywer.
• 29 Junie – Chandrika Bandaranaike Kumaratunga, eerste minister van Sri Lanka.
• 4 Julie – Erik Holm, Suid-Afrikaanse entomoloog en insekillustreerder.
• 14 Julie – Peter Klatzow, Suid-Afrikaanse komponis en pianis († 2021).
• 19 Julie – Anna Enquist, pennaam van gewilde digter en skryfster in Nederland.
• 26 Julie – Helen Mirren, Britse aktrise.
• 9 Augustus – Jerome Glenn, toekomskundige en uitvoerende direkteur van die Millennium-projek.
• 14 Augustus – Wim Wenders, Duitse filmregisseur word in Düsseldorf gebore.
• 14 Augustus – Steve Martin, Amerikaanse akteur, komediant, musikant en vervaardiger.
• 31 Augustus – Van Morrison, Noord-Ierse sanger, musikant, liedjieskrywer en musiekvervaardiger.
• 5 September – Al Stewart, Britse sanger-liedjieskrywer en folk/rock-musikant.
• 11 September – Franz Beckenbauer, Duitse sokkerspeler en bestuurder († 2024).
• 15 September – Jessye Mae Norman 'n Amerikaanse sopraan († 2019)
• 19 September - Randolph Mantooth, Amerikaanse akteur ("Emergency!").
• 27 September – Misha Dichter, Amerikaanse pianis van Pools-Joodse afkoms.
• 28 September – Pieter-Dirk Uys, Suid-Afrikaanse satirikus en dramaturg.
• 30 September – Ehud Olmert, Israelse advokaat en politikus.
• 5 Oktober – Riaan Cruywagen, Afrikaanse nuusleser en stemkunstenaar.
• 17 Oktober – Graça Machel, Eerste Dame van Mosambiek en later ook Suid-Afrika.
• 23 Oktober – Bernard Nottage, ginekoloog, politikus en Olimpiese atleet uit die Bahamas († 2017).

Sterftes

• 18 Januarie – Violette Szabo, Britse geheime agent in Frankryk tydens die Tweede Wêreldoorlog (* 1921).
• 22 Januarie – Else Lasker-Schüler, Duits-Joodse digteres en toneelskryfster (* 1869).
• 12 Maart – Anne Frank, Joodse dagboekskrywer in Nederland (* 1929)
• 12 Maart – Friedrich Fromm, Duitse generaal (* 1888)
• 14 Maart (c.) – J.J. Groeneweg, vroeë Afrikaanse skrywer van avontuurverhale, hoofsaaklik vir die jeug (* 1870).
• 31 Maart – Hans Fischer, Duitse chemikus en Nobelpryswenner (* 1881).
• 9 April – Wilhelm Canaris, Duitse admiraal (* 1887).
• 12 April – Franklin D. Roosevelt, Amerikaanse politikus en staatsman, 32ste President van die Verenigde State (* 1882).
• 21 April – Walter Model, Nazi-Duitse veldmaarskalk (* 1891).
• 28 April – Benito Mussolini, Italiaanse diktator (* 1883).
• 28 April – Hermann Fegelein, Duitse SS generaal (* 1906)
• 30 April – Adolf Hitler, Nazi-Duitse politikus en diktator (* 1889).
• 30 April – Eva Braun, vrou van Hitler, (* 1912).
• 1 Mei – Joseph Goebbels, Duitse politikus (* 1897).
• 1 Mei – Hans Krebs, Duitse generaal (* 1898).
• 24 Mei – Robert Ritter von Greim, Duitse vlieënier en veldmaarskalk (* 1892).
• 31 Mei – Leonid Pasternak, Russiese postimpressionistiese skilder (* 1862).
• Mei – Heinrich Müller, die hoof van die Gestapo (* 1900).
• 17 Julie – Ernst Busch, Duitse veldmaarskalk tydens die Tweede Wêreldoorlog (* 1885).
• 30 Julie – Anton van Wouw, Suid-Afrikaanse beeldhouer (* 1862).
• 10 Augustus – Robert Goddard, Amerikaanse vuurpylpionier (* 1882).
• 8 September – Elsie van Broekhuizen, Suid-Afrikaanse predikantsvrou en kleindogter van Paul Kruger (* 1880).
• 26 September – Béla Bartók, Hongaarse komponis (* 1881).
• 15 Oktober – Pierre Laval, voormalige eerste minister van Frankryk (* 1883).
• 19 Oktober – Richard Stuttaford, Suid-Afrikaanse kabinetsminister en sakeman (* 1870).
• 26 November – Dwight F. Davis, die stigter van die Davis Cup (* 1879).
• 10 Desember – August Vermeylen (73), Vlaams-Belgiese skrywer.