Anton van Wouw-huis
| |
Anton van Wouw-huis
| |
| Ander name | Van Wouw-huis |
|---|---|
| Plek | Brooklyn, Pretoria |
| Land |  Suid-Afrika
|
| Openingsjaar | 1974 |
| Geopen deur | Dr Anton Rupert (1916 - 2006) |
| Tipe museum | Kunsmuseum |
| Webtuiste | Anton van Wouw Museum |
Die Anton van Wouw-huis was die laaste tuiste en ateljee van die beeldhouer Anton van Wouw (1862-1945). Die huis, wat nou aan die Universiteit van Pretoria behoort, staan op die hoek van Clark- en Rupertstraat in Brooklyn, Pretoria.
Geskiedenis
[wysig | wysig bron]
Die erf waarop die huis gebou is, het aanvanklik aan mnr J Brookes behoort. Die erf het drie keer van eienaar verwissel voordat Van Wouw dit in 1937 gekoop het. Van Wouw het die argitek Norman Eaton aangestel om die huis as woonplek en ateljee te ontwerp en die huis is in 1938 voltooi. Van Wouw wat 'n natuurliefhebber was, het Eaton aangesê om ‘n woning te ontwerp waar argitektuur en die natuur ‘n verwantskap met mekaar het.
Van Wouw het in die huis gewoon vanaf 1939 tot en met sy dood op 30 Junie 1945. Professor en mev S F Oosthuizen van die Universiteit van Pretoria het daarna in die huis gewoon tot en met 1973.
Dr Anton Rupert van die Rembrandt Groep, het op 16 November 1973 aangekondig dat die groep ‘n donasie aan die Universiteit van Pretoria gemaak het om die Van Wouw Huis aan te koop, en die huis het die universiteit se eiendom geword. Dr Rupert het die huis amptelik op 21 Mei 1974 aan die universiteit oorhandig.
Bronne
[wysig | wysig bron]
Wikimedia Commons het meer media in die kategorie Anton van Wouw-huis.- Geskiedenis van die Van Wouw Huis Universiteit van Pretoria. URL besoek op 4 Julie 2014
- House Anton van Wouw www.artefacts.co.za. URL besoek op 4 Julie 2014
- Van Wouw House www.dutchfootsteps.co.za. URL besoek op 4 Julie 2014
