Michael V Kalaphates
| Michael V Kalaphates | |
|---|---|
| Keiser van die Bisantynse Ryk | |
 ’n Goue munt wat vermoedelik tydens Michael V se bewind gemaak is, met Michael wat gekroon word (regs).
| |
| Bewind | 10 Desember 1041 – 20 April 1042 |
| Dinastie | Masedoniese |
| Gebore | Omstreeks 1015 |
| Oorlede | 24 Augustus 1042 (op 26/27) |
| Voorganger | Michael IV die Paflagoniër |
| Opvolger | Zoë Porphyrogenita |
Michael V (Grieks: Μιχαήλ Ε΄; omstreeks 1015 – 24 Augustus 1042) was van 1041 tot 1042 vier maande lank keiser van die Bisantynse Ryk. Hy was die susterskind en opvolger van Michael IV die Paflagoniër en die aangenome seun van hom en sy vrou, keiserin Zoë. Sy bynaam was "die Kalfaatwerker" (Καλαφάτης, Kalaphates; iemand wat nate in houtwerk opvul om te voorkom dat vog deurdring) omdat dit sy pa se oorspronklike beroep was.
Michael was die seun van keiser Michael IV se suster, Maria. ’n Ander oom, Johannes, wat in ’n groot mate namens Michael IV regeer het, en keiserin Zoë het hom aangewys as troonopvolger.[1] Sy oom Michael en Zoë het hom kort voor Michael se dood aangeneem.[2] Michael V het op 10 Desember 1041 keiser geword.[2]
Bewind
[wysig | wysig bron]Michael V was vasbeslote om op sy eie te regeer en het gebots met sy oom Johannes, wat hy byna onmiddellik na ’n klooster verban het.[3] Hy het Johannes se besluite daarna omgekeer.
Op die nag van 18 op 19 April 1042 het Michael V sy aanneemma en medeheerser, Zoë, na ’n eiland verban omdat sy glo beplan het om hom te vergiftig,[2] en so het hy die alleenheerser geword. Dit het gelei tot ’n opstand deur ’n skare wat aangedring het op Zoë se terugkeer. Zoë is teruggebring, maar in ’n nonnekleed.[2] Op 20 April 1042 is Zoë se suster Theodora, wat teen haar wil uit haar klooster geneem is, tot keiserin verklaar.[4] Michael het na ’n klooster gevlug vir sy veiligheid.[4] Hoewel hy ’n monnike-eed afgelê het, is hy gearresteer, verblind[2] en gekastreer. Hy is op on 24 Augustus 1042 as ’n monnik dood.
Verwysings
[wysig | wysig bron]- ↑ Gregory 2010, p. 276.
- ↑ 2,0 2,1 2,2 2,3 2,4 Hussey 1966, p. 198.
- ↑ Tougher 2008, p. 56.
- ↑ 4,0 4,1 Hussey 1966, p. 199.
Bronne
[wysig | wysig bron]- Gregory, Timothy E. (2010). A History of Byzantium. Wiley-Blackwell.
{{cite book}}: Ongeldige|ref=harv(hulp) - Hussey, J.M. (red.) (1966). The Cambridge Medieval History:The Byzantine Empire Part 1. Vol. IV. Cambridge University Press.
{{cite book}}: Ongeldige|ref=harv(hulp) - Tougher, Shaun (2008). The Eunuch in Byzantine History and Society. Routledge.
{{cite book}}: Ongeldige|ref=harv(hulp)
Eksterne skakels
[wysig | wysig bron]
Hierdie artikel is vertaal uit die Engelse Wikipedia
