Эрбіль
| Эрбіль | |
| |
| Першыя згадкі: | 3 тысячагодзьдзе да н. э. |
| Краіна: | Ірак |
| Акруга: | Курдзкая аўтаномная |
| Мэр: | Наўзад Хадзі |
| Плошча: |
|
| Вышыня: | 385 м н. у. м. |
| Насельніцтва: | 900 000 чал. |
| Часавы пас: | UTC+3 |
| летні час: | UTC+4 |
| Тэлефонны код: | 66 |
| Паштовы індэкс: | 44001 |
| Геаграфічныя каардынаты: | 36°11′28″ пн. ш. 44°0′34″ у. д. / 36.19111° пн. ш. 44.00944° у. д.Каардынаты: 36°11′28″ пн. ш. 44°0′34″ у. д. / 36.19111° пн. ш. 44.00944° у. д. |
Эрбіль на мапе Іраку   Эрбіль | |
 Галерэя здымкаў у Вікісховішчы
| |
Эрбі́ль (па-арабску: اربيل, па-сырыйску: ܐܪܒܝܠ), Хаўле́р (па-цэнтральнакурдзку: ھەولێر) — места у паўночным Іраку, разьмешчанае на заходнім ўзгор’і Курдзкіх гор, паміж рэкамі Вялікі і Малы Заб, сталіца ірацкай правінцыі Эрбіль і сталіца Курдзкай аўтаномнай акругі, з насельніцтвам каля 900 тыс. чалавек.
Эрбіль ёсьць адным з самых старых местаў на сьвеце, існуюць зьвесткі аб тым, што места мае 8000-гадовую гісторыю. У прадмесьцях места знойдзена нават старажытнае паселішча нэандэртальцаў. Самыя старыя дакумэнтальныя зьвесткі адносяць да старажытнага асырыйскага гораду Арабіль ці Арабэль датуюцца 3 тысячагодзьдзем да н. э. Магчыма з гэтых часоў застаўся курган вышынёй 30 м, які знаходзіцца ў цэнтры сучаснага Эрбілю, на якім знаходзяцца руіны старога турэцкага форту. На поўнач ад Эрбілю знаходзяцца Гаўгамэлы, каля якіх Аляксандар Македонскі ў бітве 331 г. да н. э. перамог войска пэрсаў.
З 1974 году Эрбіль — сталіца Курдзкай аўтаномнай акругі. З 2003 году ўжываецца і курдзкая назва гораду Хаўлер, а арабскія надпісы замяняюцца курдзкімі.