Ĥaradrioformaj birdoj

Kiel legi la taksonomion

Ĥaradrioformaj birdoj

Biologia klasado

Regno:	Animaloj Animalia
Filumo:	Ĥorduloj Chordata
Klaso:	Birdoj Aves
Subklaso:	Neornitoj Neornithes

Ordo

Charadriiformes
Huxley, 1857

Aliaj Vikimediaj projektoj

Sistematiko en Vikispecioj

Komunejo pri Ĥaradrioformaj birdoj

v • d • r

La ĥaradrioformaj aŭ (Charadriiformes) estas ordo de birdoj. Preskaŭ ĉiuj specioj havas longajn krurojn kaj vivas en humidaj lokoj, ĉe la bordo de akvoj, ĉu maraj ĉu nemaraj, kaj do konsideriĝas akvobirdoj. Ili nestas surtere, ties idoj estas nestoforlasantoj kaj tuj kapablaj sin nutri. Ili nomiĝas ankaŭ vadbirdoj kaj estas diversaj laŭ grando kaj laŭ manĝokutimoj, ĉar mevoj manĝas fiŝojn kaj aliaj tre etajn bestetojn. Ili havas en la ordo 19 familiojn, preskaŭ 90 genrojn kaj pli ol 350 speciojn, kiuj estas disvastigitaj tra ĉiuj kontinentoj:

Familioj – elektitaj genroj

Jakanaedoj (Jacanidae) – jakanao
Rostratuledoj (Rostratulidae) – rostratulo
Dromadedoj (Dromadidae) – krabpluvio
Hematopedoj (Haematopodidae) – hematopo
Ibidorinkedoj (Ibidorhynchidae) – struthers-ibidorinko aŭ ibisbekulo
Rekurbrostruledoj (Recurvirostridae) – himantopo, rekurbrostrulo aŭ avoceto
Burinedoj (Burhinidae) – burino aŭ trielo
Glareoledoj (Glareolidae) – kurbirdo aŭ kurulo, glareolo
Karadriedoj (Charadriidae) – vanelo, pluvio, karadrio
Pluvianeledoj (Pluvianellidae) – sociala pluvianelo aŭ magelanpluvio
Skolopedoj (Scolopacidae) – skolopo, galinago, tringo, limozo, kurlo aŭ numenio, kalidro, falaropo
Pedionomedoj (Pedionomidae) – pedionomo
Tinokoredoj (Thinocoridae) – tinokoro
Ĥionedoj (Chionididae) – ĥiono
Laredoj (Laridae) – mevo, kitio
Ŝternedoj (Sternidae) – ŝterno
Rinkopedoj (Rhynchopidae) – tondilbekulo
Sterkorariedoj (Stercorariidae) – sterkorario aŭ rabmevo
Aŭkedoj (Alcidae) – aŭko, urio, urieto, fraterkulo aŭ marpapago

Subordoj

La ordo estis iam dividita laŭ tri subordoj:

La vadbirdoj propre dirite (aŭ "Charadrii"): tipaj strandobirdoj, multaj el kiuj manĝoplukas en koto aŭ el la surfaco kaj ĉe marbordo kaj ĉe akvofluaj medioj.

La mevoj kaj similaj (aŭ "Lari"): tiuj estas ĝenerale grandaj specioj kiuj prenas fiŝojn el maro. Multaj mevoj, rabmevoj kaj ŝternoj sin nutras en strandoj aŭ rabas el aliaj specioj. Kelkaj estas adaptitaj al insula vivo.